នយោបាយ
សម្តេច ហ៊ុន សែន បង្ហើបថា មានទីតាំង២ដែលអាចធ្វើជាកន្លែងចរចាគ្នានៃគូជម្លោះនៅសមុទ្រចិនខាងត្បូង
សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបង្ហើបឲ្យដឹងថា នៅពេលនេះ មានទីតាំងចំនួន២ដែលអាចធ្វើជាកន្លែងចរចាគ្នានៃគូជម្លោះនៅសមុទ្រចិនខាងត្បូងលើបញ្ហាក្រមប្រតិបត្តិសមុទ្រចិនខាងត្បូង(COC)។ ទី១. នៅសណ្ឋាគារផ្កាយ៥នៅក្នុងរាជធានីភ្នំពេញ និងទី២. គឺមន្ទីអគ្គលេខាធិការដ្ឋានអាស៊ាន។ សម្តេចតេជោ ហ៊ុន សែន លើកឡើងពីទីកន្លែងចរចានេះ ប្រាប់ទៅលោកប៊ូយ ថាញ់សឺ រដ្ឋមន្ត្រីការបរទេសវៀតណាមនៅក្នុងជំនួបនៅវិមានសន្តិភាព រាជធានីភ្នំពេញ នោព្រឹកថ្ងៃព្រហស្បតិ៍នេះ។
ទំព័រហ្វេសប៊ុកផ្លូវការរបស់សម្តេចតេជោ ហ៊ុន សែន បានសរសេរពីបញ្ហានេះបែបនេះថា ៖ «ទាក់ទងទៅនឹងការជំរុញ COC សម្ដេចតេជោបានបញ្ជាក់ថា នៅក្នុងជំនួបជាមួយនឹងឯកឧត្តមអគ្គលេខាធិការអាស៊ាន ឯកឧត្តមអគ្គលេខាធិការអាស៊ានបានផ្ដល់ មន្ទីអគ្គលេខាធិការដ្ឋានអាស៊ានក្នុងការចចារ និងការប្រជុំសម្រាប់ការងារ COC ហើយកន្លងមកសម្ដេចក៏ធ្លាប់បានផ្ដល់នូវសណ្ឋាគារហាយ៉ាត់រីជិនស៊ីភ្នំពេញ សម្រាប់ជាកន្លែងចរចាផងដែរ ក្នុងការជំរុញការងារនេះ»។
គួរជម្រាបជូនថា បញ្ហាជម្លោះនៅសមុទ្រចិនខាងត្បូងនេះ គឺជាបញ្ហាដ៏ស្មុគស្មាញ និងដ៏រ៉ាំរ៉ៃដែលពិបាកនឹងដោះស្រាយ។ បញ្ហាជម្លោះនេះ គឺរវាងមហាយក្សចិន និងប្រទេសជាសមាជិកអាស៊ានចំនួន៤ គឺវៀតណាម ហ្វីលីពីន ម៉ាឡេស៊ី និងព្រុយណេ។ សម្តេចតេជោ ហ៊ុន សែន ធ្លាប់បានគូសបញ្ជាក់ថា កម្ពុជា នឹងខិតខំធ្វើយ៉ាងណាសម្រេចចេញឲ្យបាននូវក្រមប្រតិបត្តិសមុទ្រចិនខាងត្បូង(COC)នៅក្នុងឆ្នាំ២០២២នេះ ក្នុងពេលដែលកម្ពុជាធ្វើជាប្រធានផ្លាស់វេនអាស៊ាន។ ប៉ុន្តែ សម្តេចតេជោ ក៏បានគូសបញ្ជាក់បន្ថែមទៀតថា បើសិនកម្ពុជាមិនអាចសម្រេចបានក្រមប្រតិបត្តិសមុទ្រចិនខាងត្បូង(COC) ក៏មិនអាចបន្ទោសកម្ពុជាបានដែរ ព្រោះថា រឿងនៅសមុទ្រចិនខាងត្បូងនេះ ពេលប្រទេសផ្សេងៗធ្វើជាប្រធានអាស៊ានក៏មិនអាចដោះស្រាយបាននោះដែរ៕
អត្ថបទ ៖ វណ្ណ សុគន្ធា
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម