Connect with us

នយោបាយ

គណបក្ស​ហ៊្វុនស៊ិនប៉ិច តែងតាំង​ព្រះអង្គម្ចាស់​ក្ស​ត្រី នរោត្តម រតនាទេវី ជា​អនុប្រធាន

បានផុស

នៅ

គណបក្ស​ហ៊្វុនស៊ិនប៉ិច បានសម្រេច​តែងតាំង​ព្រះអង្គម្ចាស់​ក្ស​ត្រី នរោត្តម រតនាទេវី ជា​អនុប្រធាន​គណបក្ស ដែល​ការតែងតាំង​នេះ ដោយ​យោង​ទៅតាម​តម្រូវការ​ចាំបាច់​របស់​គណបក្ស​ហ៊្វុនស៊ិនប៉ិច នេះ​បើ​សេចក្តី​សម្រេច​ចុះហត្ថលេខា​ដោយ​ព្រះអង្គម្ចាស់ នរោត្តម ចក្រាវុធ ដែល​ទើប​ទទួល​បាន​នៅ​ថ្ងៃទី​១២ ខែកក្កដា ឆ្នាំ​២០២២​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ញឿ​ន រ៉ា​ដែន អ្នកនាំពាក្យ​គណបក្ស​ហ៊្វុនស៊ិនប៉ិច​បាន​ថ្លែងប្រាប់​កម្ពុ​ជាថ្មី​នៅថ្ងៃនេះ​ថា មកដល់ពេលនេះ គណបក្ស​ហ៊្វុនស៊ិនប៉ិច មាន​អនុប្រធាន​ចំនួន​៤​រូប​រួមមាន​៖ ទី​១. លោក ឆឹង ចំរើន ទី​២. លោក ប៉ោ ប៊ុន​ស្រ៊ឺ ទី​៣. លោក ពៅ អៀង​គ្រី និង​ទី​៤. ព្រះអង្គម្ចាស់​ក្ស​ត្រី នរោត្តម រតនាទេវី​។ ចំណែក​អគ្គលេខាធិការ​រង​មាន​ចំនួន​៦​រូប ជា​សេនាធិការ​របស់​ប្រធាន​។

គួររំលឹកថា នៅក្នុង​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ កាលពី​ថ្ងៃទី​០៥ ខែមិថុនា ឆ្នាំ​២០២២ កន្លងទៅ​ថ្មីៗ​នេះ គណបក្ស​ហ៊្វុនស៊ិនប៉ិច ទទួល​បាន​សំឡេង​សរុប​ចំនួន​៩១,៧៩៨ សំឡេង ស្មើនឹង ១.២៧ ភាគរយ និង​ទទួលបាន​អាសនៈ​ចំនួន ១៩ អាសនៈ ដែល​ត្រូវ​ទទួលបាន​ជំទប់​ទី​១ ចំនួន ៤ និង​ជំទប់​ទី​២ ចំនួន ១២៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម