អាជីព
វិធីជ្រើសរើសបុគ្គលិកក្នុងទីផ្សារជំនួញឲ្យមានប្រសិទ្ធភាព
ការជ្រើសរើសបុគ្គលិកឲ្យបម្រើការក្នុងទីផ្សារជំនួញពិតជាមានសារៈសំខាន់សម្រាប់ម្ចាស់អាជីវកម្មទាំងឡាយ។ បើអ្នកជ្រើសខុសអាចធ្វើឲ្យជំនួញបរាជ័យ ប៉ុន្តែបើជ្រើសរើសត្រូវ អាជីកម្មរបស់អ្នកអាចនឹងរីកចម្រើន។ ដូច្នេះតើអ្នកគួរជ្រើសរើសបុគ្គលិកយ៉ាងណាឲ្យសក្តិសម?
ចេះប្រើមនុស្សឲ្យត្រូវនឹងការងារ
នៅគ្រប់ក្រុមហ៊ុន តែងតែមានតំណែង និងតួនាទីខុសប្លែកគ្នា ដែលតំណែងនីមួយៗក៏មានជំនាញ ឬសមត្ថភាព និងមានសក្ដានុពលមិនដូចគ្នាដែរ។ ការស្វែងរកអ្នកនៅក្នុងតំណែងទាំងនោះ មិនមែនជាការរកដើម្បីតែពេញកន្លែងនោះទេ ប៉ុន្តែក៏ជាការស្វែងរកមនុស្សមានគុណសម្បត្តិ ឬសមត្ថភាពឲ្យសក្តិសមចំពោះការងារទាំងអស់នោះផងដែរ។
ដឹងថាត្រូវរកមនុស្សបែបណា
អ្នកចាំបាច់ត្រូវតែដឹងថា សមត្ថភាពបែបណាដែលនឹងធ្វើឲ្យការងារសម្រេចទៅដល់គោលដៅបានយ៉ាងល្អប្រសើរ។ ឧទាហរណ៍ តំណែងរបស់បុគ្គលិកលក់ គឺនឹងត្រូវប្រើអ្នកចូលចិត្តការជួបនឹងមនុស្ស ពូកែខាងឆ្លើយសំណួរ និងមានទំនាក់ទំនងល្អជាមួយអ្នកដទៃ ខណៈពេលដែលតំណែងគណនេយ្យករត្រូវអាស្រ័យលើមនុស្សដែលមានភាពល្អិតល្អន់ និងមានជំនាញខាងគណិតវិទ្យាជាដើម។ ក្រៅពីនោះ អ្នកនៅក្នុងតំណែងខ្លះត្រូវឆ្លងកាត់ការសិក្សា និងការសន្សំបទពិសោធន៍សមល្មម ។ ចំណុចទាំងនេះក៏សមគួរយកមកពិចារណាជ្រើសរើសមនុស្សសម្រាប់តំណែងណាមួយនៅក្នុងអាជីវកម្មរបស់អ្នក។
ជ្រើសរើសមនុស្សដែលធ្វើឲ្យការងារមានការរីកចម្រើន
បុគ្គលិកគួរតែទទួលបានការជ្រើសរើស ឲ្យទៅកាន់តំណែងដែលខ្លួនមានជំនាញ។ ដូច្នេះអ្នកគួរតែដឹងថា បុគ្គលិករបស់អ្នកមានជំនាញខាងអ្វី គឺបញ្ជូនគេឲ្យទៅកាន់តំណែងនោះយ៉ាងត្រឹមត្រូវ។ បើសិនជាចង់ល្អជាងនេះទៅទៀត អ្នកគួរតែប្រគល់ភារកិច្ចតាមអារម្មណ៍បុគ្គលនោះមានចំពោះការងារ ព្រោះអ្នកដែលស្រឡាញ់ការងារនឹងត្រូវធ្វើយ៉ាងយកចិត្តទុកដាក់ និងច្រើនតែធ្វើឲ្យការងារចេញមកបានយ៉ាងល្អជាងអ្នកដទៃ ដែលមានជំនាញប្រហាក់ប្រហែលគ្នានេះផងដែរ។
បន្ថែមសក្ដានុពលដើម្បីថ្ងៃអនាគត
ចំណុចនេះជារឿងដែលចាំបាច់ដែលត្រូវអភិវឌ្ឍន៍ជំនាញ និងសមត្ថភាពរបស់បុគ្គលិកជាប្រចាំ ដើម្បីឲ្យមានការអភិវឌ្ឍន៍តាមការផ្លាស់ប្ដូររបស់ពិភពលោក ដោយតាមរយៈចូលស្ដាប់ការធ្វើបទបង្ហាញ ឬស្ដាប់ការពិពណ៌នា និងសិក្សាក្រៅម៉ោងធ្វើការ។ ប្រការល្អនៅក្នុងការដាក់ទុនដើម្បីបន្ថែមសក្ដានុពលដូចដែលថានេះ មានជាច្រើនប្រការដែលរួមទាំងការអភិវឌ្ឍន៍សមត្ថភាពក្នុងការធ្វើប្រតិបត្តិការងារឲ្យបានល្អ ដែលដូចទៅនឹងការអភិវឌ្ឍន៍សមត្ថភាពក្នុងធ្វើការឲ្យបានត្រឹមត្រូវច្បាស់លាស់ និងមានប្រសិទ្ធិភាពខ្ពស់ផងដែរ។
បើទោះបីជាអ្នកខ្លះ អាចមើលទៅដូចជាខ្វះសមត្ថភាពលើការងាររបស់ខ្លួន ប៉ុន្តែជួនកាលពួកគេក៏អាចជម្រុញឲ្យធ្វើការឲ្យបានល្អច្រើនឡើងបានដែរ ដោយគ្រាន់តែប្រគល់ការងារដែលសក្តិសមទៅដល់ចំណាប់អារម្មណ៍ និងសមត្ថភាពរបស់ពួកគេប៉ុណ្ណោះ៕
ប្រែសម្រួល៖ សន្យា
ចុចអាន៖ភាពឱនលំទោន ៥ យ៉ាងដែលអ្នកដឹកនាំគួរតែមានសម្រាប់ក្រុម
ចុចអាន៖ប្រភេទបុគ្គលិក៥យ៉ាង ដែលពូកែយ៉ាងណាគង់តែមេដឹកនាំចង់ដកចោល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង