Connect with us

អាជីព

ទង្វើមួយចំនួនរបស់ចៅហ្វាយនាយនាំឱ្យកូនចៅគ្មានកម្លាំងធ្វើការ

បានផុស

នៅ

បុគ្គលិកគ្មានកម្លាំងធ្វើការ​ ធ្វើការមិនស្វាហាប់ ឬឈានដល់បាក់ទឹកចិត្ត អាចបណ្ដាលមកពីទង្វើមិនល្អខ្លះរបស់មេកោយនេះឯង។ បុគ្គលិកចរិតយ៉ាប់ជារឿងមួយ តែបើចៅហ្វាយចរិតយ៉ាប់ទៀត រឹតតែបន្ថែមភាពអន់ថយដល់ស្ថាប័ន។ ហើយទង្វើប៉ុន្មាននេះ ជាទង្វើដែលមេដឹកនាំល្អមិនគួរបង្ហាញនៅកន្លែងធ្វើការឡើយ ដែលវាអាចនាំឱ្យកូនចៅទៅជាលែងចង់ធ្វើការ។

១. និយាយ​ផ្សេង​ ​ធ្វើ​ផ្សឹង​

This is the No. 1 sign of a boss you don't want to work for, says career  expert
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាប់បុគ្គលិកឱ្យទៅឆ្វេង តែខ្លួនឯងទៅស្ដាំ បែបនេះធ្វើឱ្យកូនចៅវ៉ល់អស់ហើយ។ ស្ថាប័នមួយប្រៀបដូចទូកកណ្ដាលទន្លេដែលជិះរួមគ្នា ហើយបើចង់ទៅដល់គោលដៅ លុះណាទាំងមេទាំងកូន ចូកចែវព្រមៗគ្នា មិនមែនបានតែបង្គាប់បញ្ជារ ដល់ពេលអនុវត្តទៅជារឿងផ្សេងនោះទេ។  

២. ត្បិត​ត្បៀត​ចំណាយ​ជ្រុល

Signs Your Boss Hates You (And What To Do About It) | Reader's Digest

នៅ​ពេល​​សម្ភារការិយាល័យ​ ​ខ្វះខាត​ឬខូចជាដើម​ ច្បាស់​ណាស់​ថា ត្រូវបន្ថែមឬជួសជុល។ ផ្ទុយទៅវិញ មេកោយសុំ​ប្រាក់ចំណាយមិនបាន ​សម្ភារខ្វះមុខខ្វះក្រោយ ការងារ​មុខតែ​មិន​មាន​ប្រសិទ្ធ​ភាព​ឡើយ​។ ការ​ចំណាយ​លុយ​កាក់​​តឹងតែង​ពេក ​ធ្វើ​ឱ្យ​បុគ្គលិក​​យ៉ាប់​ចិត្ត​ខ្លាំង​ណាស់។​

៣. ទាមទារតម្រូវការខ្ពស់ពេកពីបុគ្គលិក

Asian employers should rethink on the culture of long working hours

កំហុសមួយរបស់មេដឹកនាំ​ គឺ​រំពឹ​ង​ចង់​ឱ្យបុគ្គលិកខ្លួនបំពេញស្ដង់ដារខ្ពស់ពេក រហូតដល់ពួកគេធ្វើមិនបាន ពួកគេបែរជាបាក់ទឹកចិត្តទៅវិញ។ ឯមេខ្លះខ្លួនធ្វើបាន១០ ចង់ឱ្យបុគ្គលិកបាន១០ដែរ ​វាមិនមែនជា​រឿង​ទៅ​រួច​ងាយនោះទេ។ មនុស្ស​ផ្សេង​គ្នា ​តែងតែ​មាន​គំនិត​ផ្សេង​គ្នា​ សមត្ថភាពផ្សេងគ្នា ហើយ​ភាព​ផ្សេង​គ្នា​នេះ​ហើយ​ដែល​ធ្វើឱ្យ​ក្រុមហ៊ុន​​ដំណើរ​ការ​បានល្អ​។

៤. ដឹក​នាំចង្អៀតចង្អល់

Black Companies - The Dark Side Of Japanese Working Culture - tsunagu Local

​ជួល​​មនុស្សមកធ្វើការ រួចពន្លែងចោល ចង់បុគ្គលិកធ្វើកើតឬមិនកើត ក៏ហីទៅ។ បើធ្វើមិនកើតទេ ដេញចេញប៉ុណ្ណឹងឯង។ ខ្វះការណែនាំ ខ្វះការហ្វឹកហ្វឺន ខ្វះការលើកទឹកចិត្ត ជាចំណុចខ្សោយរបស់ចៅហ្វាយ ដែលនាំឱ្យកូនចៅ ពិបាកទ្រាំធ្វើការបន្តទៀត។  ពេលខ្លះប្រកាន់កំហុសជ្រុល បណ្ដាលឱ្យបុគ្គលិកខ្វះទំនុកចិត្ត ហើយប៉ះពាល់ដល់ផលិតភាពការងារ៕

ប្រែសម្រួល៖ សន្យា

ចុចអាន៖ ទម្លាប់មិនល្អទាំង ៥ របស់ថៅកែៗដែលកំពុងធ្វើឲ្យកូនចៅរត់ចោលអស់

ចុចអាន៖ ចរិតយ៉ាប់ ៥ យ៉ាង ទោះធ្វើការកន្លែងណាក៏ស្គាល់តែភាពបរាជ័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម