តិចនិកត្អូញត្អែរទៅ​ថ្នាក់​លើពីបញ្ហាប្រឈម​ក្នុងការងារ ឲ្យថ្នាក់​លើគាត់យល់
Connect with us
Helistar Cambodia - Helicopter Charter Services

អាជីព

តិចនិកត្អូញត្អែរទៅ​ថ្នាក់​លើពីបញ្ហាប្រឈម​ក្នុងការងារ ឲ្យថ្នាក់​លើគាត់យល់

បានផុស

នៅ

គ្មាននរណាម្នាក់ ពិសេសថ្នាក់លើយើង ចូលចិត្តការត្អូញត្អែរដោយគ្មានហេតុផលច្បាស់ ត្អូញត្អែរដដែលៗ ដែលជាអារម្មណ៍​ផ្ទាល់ខ្លួន ​និងគ្មាន​ចេតនាជួយដល់ការផ្លាស់ប្តូរប្រយោជន៍រួមទេ។ ពេលខ្លះ មនុស្ស​ធ្វើតាម​អារម្មណ៍ល្អ មិនល្អ ចង់បានការ​ចាប់អារម្មណ៍ អាណិតយើង ប៉ុន្តែជាទូទៅវាមិនស័ក្តិសម​នឹងកើតមានញឹកញាប់នៅកន្លែងធ្វើការទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលវេលានៅក្នុងជីវិតការងាររបស់មនុស្សគ្រប់រូប ជួនកាលក៏ចាំបាច់ត្អូញត្អែរខ្លះ ដើម្បីឱ្យមេដឹកនាំបានដឹង និងមានវិធានការណ៍កែលម្អស្ថានភាព​បរិយាកាស​ការងារ​ទូទៅ បង្កើនផលិតភាព និងលទ្ធផល​រួម ប៉ុន្តែ​គួរតែ​ធ្វើក្នុងវិធីសាស្ត្រត្រឹមត្រូវ និងមិនមែនជាមួយអកប្បកិរិយា​អវិជ្ជមាន។ ខាងក្រោម​នេះ​ជាតិចនិកខ្លះៗ កម្ពុជាថ្មី ចង់ណែនាំ​ទាំង​អស់​គ្នា​ស្វែង​យល់៖

១- និយាយ​កែលម្អដោយស្មោះត្រង់

ថ្នាំដឹកនាំណាម្នាក់ក៏ចាប់អារម្មណ៍ក្នុងការស្តាប់មនុស្ស​វិជ្ជមាន​ដែរ។ ការនិយាយដោយកំហឹង ​មិនបានផលអ្វី​ក្រៅពីអ្នកស្តាប់ក្រោក​ដើរចេញទេ ហេតុនេះជម្រើសល្អបំផុតក្នុងការត្អូញត្អែរ គឺត្រូវការការគាំទ្រពីមិត្តរួមការងារ ចង់បានការគាំទ្រ យើងត្រូវជាឱ្យខ្លួន​ក្លាយ​ជាមួយម៉ត់ចត់ រឹងមាំ និងមាន​ហេតុផល។ ការនិយាយជាមួយ​អ្នកដែលមានឋានៈខ្ពង់ខ្ពស់ ត្រូវយក​ភាពច្បាស់លាស់មក​ជាអំណះអំណាង ​រួមទាំង​ដំណោះស្រាយផង ហើយកុំធ្វើជាផ្នែកនៃបញ្ហា ត្រូវ​ធ្វើជាផ្នែកនៃដំណោះស្រាយ។

២- ប្រកាន់មានវិធីត្រឹមត្រូវក្នុងការតវ៉ា

កំណត់ថា តើបញ្ហដែលចង់តវ៉ា ចង់ត្អូញត្អែរ ជាបញ្ហាតូចតាច ឬអាចបង្កទុក្ខលំបាក​ដល់ក្រុមហ៊ុនពិតមែន? វានឹងក្លាយជាការរំខានទៅវិញ ​ប្រសិន​បើការតវ៉ានោះ ​ព្រោះប្រយោជន៍សួនតួ មួយលើក ជាពីរលើក និងបណ្តាលឱ្យអ្នកផ្សេង​ខាតបង់ពេលវេលា​ជាមួយដែរ។ ការតវ៉ា អាច​ធ្វើជាបន្តបន្ទាប់បាន លើកលែងតែបញ្ហានេះពិតជាសំខាន់ ជំនួសឱ្យការធ្វើដើម្បីយកមុខ​ ឬនយោបាយបែងចេកបក្សពួក បង្កើត​ប្រទុស្តរាយ។

៣- តែងមានដំណោះស្រាយនៅពេលត្អូញត្អែរ

លើកច្បាស់ៗនូវអ្វីដែលអ្នកចង់បាន ដោយពន្យល់ពីមូលហេតុ និង​លើកឧទាហរណ៍​ពិតៗ ក្នុងស្ថានភាពបច្ចុប្បន្នកុំលើករឿង​កន្លងទៅយូរហើយមករំឮក វាមិនដំណើរការឡើយ។ មនុស្សជាច្រើន​គ្រាន់តែត្អូញត្អែរ រអ៊ូរទាំ និយាយ​ដើម តែមិនដែលហ៊ាន​ចេញមុខ​ស្នើសុំដោះស្រាយ​ជាផ្លូវការទេ ព្រោះពួកគេ​គិតក្នុងភាពមិនពិត បានជាមិនមាន​អ្វីយកទៅដាក់លើតុនិយាយ។ ជំនួសឱ្យ “ការរអ៊ូ” ដូចកូនក្មេងបៀមដៃ គួរអាន​សុភាសិតដ៏មាន​តម្លៃ​របស់ជនជាតិអង់គ្លេសបុរាណ​ ដែលបានទន្ទេញ​រត់មាត់ថា​ គ្មានអ្នកណាអាចអានគំនិតរបស់យើងបានទេ ដូច្នេះកុំស្មានថា ពួកគេដឹងអំពីបំណង​របស់យើង​ លុះណាយើង​ពន្យល់ ​និងនិយាយចេញមក។

៤- មុនពេលបង្ហាញសំណើ ត្រូវច្បាស់ថាចង់សុំអ្វីឲ្យប្រាកដ

រៀបចំផែនការ រៀនធ្វើអ្វីៗ តាមរបៀបឡូជីខល។ ពិចារណាវាជាការបង្ហាញខ្នាតលម្អិតតូចៗ ហើយ​ពេលលើកនិយាយ ប្រើសំឡេង ការបញ្ចេញទឹកមុខ ភាសាកាយវិការ អាកប្បកិរិយាដែលយើងខ្លួនច្បាស់សិនថា ចង់បានអ្វី ​ហេតុអ្វី ពេលបានមកអាចផ្លាស់ប្តូរអ្វីខ្លះ? បើបង្ហាញពាក្យបណ្តឹងអំពីអ្វីមួយ អ្នកណាម្នាក់ ក្រុមណាមួយ ត្រូវ​ធ្វើឡើងតាមរបៀបសមហេតុផល និងប្រកបដោយភាពស្មោះត្រង់ មិនមានកិរិយា​ឌឺដង លេបខាយ បញ្ជោះបន្ថោក បន្សល់ទុកនូវអារម្មណ៍អាក់អន់៕

ប្រែសម្រួល៖ សុភា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

Royal du Cambodge ៖ សូមថ្វាយមហាព្រះរាជកុសល ថ្វាយព្រះវិញ្ញាណក្ខន្ធ សម្តេចក្រុមព្រះ នរោត្តម រណឫទ្ធិ

ព័ត៌មានជាតិ៣ ម៉ោង មុន

គណបក្សហ្វ៊ុនស៊ិនប៉ិច ៖ ព្រះសព សម្ដេចក្រុមព្រះ នឹងត្រូវយាងដង្ហែមកកាន់កម្ពុជា ក្នុងពេលដ៏ខ្លីខាងមុខនេះ

ព័ត៌មានជាតិ៤ ម៉ោង មុន

សម្ដេចតេជោ ហ៊ុន សែន ថ្វាយសាររំលែកព្រះមរណទុក្ខ ជូនព្រះអង្គម្ចាស់ក្សត្រី នរោត្តម ម៉ារី រណឫទ្ធិ ចំពោះការយាងចូលទិវង្គត របស់សម្តេចក្រុមព្រះ

ព័ត៌មានជាតិ៥ ម៉ោង មុន

សម្តេចក្រុមព្រះ យាងចូលទិវង្គត ក្នុងព្រះជន្ម ៧៧ព្រះវស្សា នៅប្រទេសបារាំង

នយោបាយ៦ ម៉ោង មុន

សម្តេចតេជោ ហ៊ុន សែន បញ្ជាឲ្យចាប់ខ្លួន និងរឹបអូសទ្រព្យសម្បត្តិអ្នករំលោភដីបឹងទន្លេសាប

Sokha Hotels

ព័ត៌មានពេញនិយម

Helistar Cambodia - Helicopter Charter Services