អាជីព

៣ យ៉ាង ជួយអ្នកបង្កើតលុយទាំងនៅវ័យក្មេង

Published

4 months ago

October 28, 2020

មនុស្សភាគច្រើនចង់កសាងភាពមានបានសម្រាប់ខ្លួនឯង តាមរយៈការងារឬការរកស៊ីជួញដូរ ជាពិសេសចង់មានលទ្ធភាពជួយជ្រោមជ្រែងគ្រួសារបន្ថែម។ ប៉ុន្តែជាក់ស្ដែងវាមិនមានតថភាពងាយស្រួលសម្រាប់ពួកគេនោះទេ ព្រោះមនុស្សដែលស្ថិតនៅក្នុងវ័យនេះភាគច្រើនមិនទាន់មាន សមត្ថភាព បទពិសោធន៍ និងភាពរឹងមាំគ្រប់គ្រាន់នៅឡើយទេ។ ដូច្នេះតើត្រូវធ្វើយ៉ាងណាទើបអាចរកស៊ីជោគជ័យទាំងយើងនៅវ័យក្មេងបាន?

១. កំណត់អ្វីដែលមនុស្សចង់បាន

ជាទូទៅ មនុស្សភាគច្រើនមិនសូវចាប់អារម្មណ៍ និងយកចិត្តទុកដាក់ចំពោះអ្វីដែលខ្លួនត្រូវការជាចាំបាច់នោះទេ ដោយចូលចិត្តធ្វើតាមអារម្មណ៍ ជាងតម្រូវការ។ ដូច្នេះយើងត្រូវដឹងពីអ្វីដែលមនុស្សភាគច្រើនចង់បាន ហើយព្យាយាមក្នុងការស្វែងរកមធ្យោបាយក្នុងការផលិត ឬនាំយករបស់ទាំងអស់នោះទៅឲ្យពួកគេ។ ប្រសិនបើយើងអាចធ្វើបាន លុយនឹងរត់មករកយើងជាក់ជាមិនខាន។

២. ស្គាល់អតិថិជនគោលដៅ

បន្ទាប់ពីយើងដឹងថា មនុស្សភាគច្រើនចង់បានអ្វី ឬកំពុងជួបប្រឈមនឹងបញ្ហាអ្វីហើយ ជំហានបន្ទាប់យើងត្រូវសម្រាំងអតិថិជនគោលដៅ ព្រោះមិនមែនមនុស្សគ្រប់គ្នាសុទ្ធតែត្រូវការផលិតផល ឬអ្វីដែលយើងផ្ដល់ឲ្យពួកគេទាំងអស់នោះទេ។ យើងត្រូវដឹងថា តើនរណាខ្លះចង់បានផលិតផល ឬសេវាកម្មរបស់យើង? តើពួកគេទាំងនោះនៅទីណា? ប្រសិនបើយើងមិនបានដឹងពីអតិថិជនគោលដៅរបស់យើងទេនោះ វាពិតជាពិបាកណាស់ក្នុងការដំណើរការអាជីវកម្មឬទាញយកប្រាក់ចំណូល។

៣. ដឹងពីរបៀបលក់ឬផ្ដល់សេវា

ក្រោយពេលដែលយើងអាចធ្វើបាននូវ ២ ចំណុចខាងលើ អ្វីដែលយើងត្រូវអនុវត្តបន្ទាប់នោះគឺ ដឹងពីរបៀបលក់ផលិតផលឬសេវាកម្ម ទៅឲ្យអតិថិជន។ បើយើងមិនដឹងពីវិធីលក់ ឬមិនអាចនាំផលិតផល ឬសេវាកម្មទៅឲ្យពួកគេបានទេនោះ យើងក៏មិនអាចបង្កើតលុយបានដែរ៕

ក្រៅពី ៣ យ៉ាងនេះ វាតម្រូវឲ្យយើងប្រឹងប្រែង និងអត់ធ្មត់បន្តិច នោះការងារជួញដូររបស់យើងនឹងចេញផ្លែផ្កាមិនខានឡើយ៕

ប្រែសម្រួល៖ សន្យា

ចុចអាន៖អាថ៌កំបាំងធំ៤ ដែលមេដឹកនាំជាច្រើនមិនបានយល់ទាន់ពេលវេលា

ចុចអាន៖៣ចំណុចជាឧបសគ្គក្នុងការបង្កើតយីហោ និងវិធីដើម្បីក្លាយជាម៉ាករឹងមាំអតិថិជនទុកចិត្ត