សន្តិសុខសង្គម
កងកម្លាំងជាង ១៦០០នាក់ ត្រូវបានដាក់ពង្រាយនៅភ្នំពេញ ដើម្បីការពារសន្តិសុខសណ្តាប់ធ្នាប់ ក្នុងឱកាសបុណ្យអុំទូក
ស្នងការដ្ឋាននគរបាលរាជធានីភ្នំពេញ បានដាក់ពង្រាយកម្លាំងសមត្ថកិច្ច ប្រមាណជាង ១៦០០នាក់នៅទូទាំងរាជធានីភ្នំពេញ ដើម្បីការពារសន្តិសុខសណ្តាប់ធ្នាប់ និងជួយសម្រួលចរាចរណ៍ ជូនប្រជាពលរដ្ឋ ដែលមកដើរលេងកម្សាន្ដ ក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ រយៈពេល ៣ថ្ងៃ។
លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាលជាតិ បានឲ្យដឹងនៅព្រឹកថ្ងៃទី ១៨វិច្ឆិកានេះថា កម្លាំងសមត្ថកិច្ចប្រមាណជាង ១៦០០នាក់នោះ គឺយើងបានដាក់ពង្រាយ នៅតាមគោលដៅសំខាន់ៗ មួយចំនួន ដូចជាតំបន់រមណីដ្ឋាននានា នៅមុខព្រះបរមរាជវាំង កោះពេជ្រ និងតាមច្រកគោលដៅចេញ-ចូល រាជធានីភ្នំពេញ។
លោកបានបន្តថា នៅក្នុងឱកាសព្រះរាជពិធីបុណ្យអុំទូកនេះ មានប្រជាពលរដ្ឋខ្លះ មកពីជនបទមកកម្សាន្ដសប្បាយ នៅក្នុងរាជធានីភ្នំពេញ និងមានប្រជាពលរដ្ឋ នៅរាជធានីភ្នំពេញមួយចំនួន បានចេញទៅលេងស្រុកកំណើត ឬធ្វើដំណើរកម្សាន្ដ នៅតាមរមនីដ្ឋាននានា នៅទូទាំងប្រទេស។
អ្នកនាំពាក្យរូបនេះ បានបន្តទៀតថា ទន្ទឹមនឹងនេះ ស្នងការដ្ឋាននគរបាលរាជធានីភ្នំពេញ បានដាក់លេខទូរស័ព្ទ សម្រាប់ឲ្យប្រជាពលរដ្ឋទាក់ទង និងផ្តល់ព័ត៌មានទាន់ហេតុការណ៍ ក្នុងករណីមានបទល្មើសកើតមានឡើង ក៏ដូចជាករណីគ្រោះថ្នាក់ចរាចរណ៍ ឬករណីវង្វេងបាត់មនុស្ស ក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ផងដែរ។
សូមជម្រាបថា ព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែឆ្នាំនេះ ប្រព្រឹត្តទៅរយៈពេល ៣ថ្ងៃ គឺនៅថ្ងៃទី ១៨, ១៩, និង២០ ខែវិច្ឆិកា ឆ្នាំ ២០២១នេះ។ ប៉ុន្តែដោយសារការរាតត្បាតនៃជំងឺកូវីដ-១៩ គឺរាជរដ្ឋាភិបាល បានប្រកាសផ្អាករៀបចំព្រះរាជពិធីនេះ ដោយជំនួសមកវិញ អនុញ្ញាតឲ្យប្រជាពលរដ្ឋ ដើរលេងកម្សាន្ដជាធម្មតា ជាមួយនឹងវិធានការសុខាភិបាល និងវិធានការ ៣ការពារ និង៣កុំ ដើម្បីទប់ស្កាត់ការឆ្លងរាលដាល នៃជំងឺកូវីដ-១៩៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)