សន្តិសុខសង្គម
បើកការស៊ើបសួរបុរសកាណាដាបន្ថែម ពាក់ព័ន្ធករណីគ្រឿងញៀន ១៦៧ គីឡូ
ក្រោយពីឃាត់ខ្លួនបុរសសញ្ជិតកាណាដា ដើមកំណើតចិន ពាក់ព័ន្ទករណីគ្រឿង ១៦៧ គីឡូ នៅថ្ងៃទី ០២ ខែវិច្ឆិកា ឆ្នាំ ២០២១ សាលាដំបូងរាជធានីភ្នំពេញ បានស៊ើបសួរបន្ថែមទៀតលើករណីគ្រឿងញៀនដល់ច្រើននេះ។
ឈ្មោះ FU YONG QING ភេទប្រុស សញ្ជាតិកាណាដា ដើមកំណើតចិន កើតថ្ងៃទី ១១ ខែវិច្ឆិកា ឆ្នាំ១៩៦៩ កាន់លិខិតឆ្លងដែនការណាដា លេខ AC790143 ត្រូវបានចៅក្រមសាលាដំបូងរាជធានីភ្នំពេញបង្គាប់ឲ្យអនុរក្សពន្ធនាគារបញ្ជូនមកកាន់តុលាការនៅព្រឹកថ្ងៃទី ០២ ខែធ្នូ ឆ្នាំ ២០២១ នេះជានីតិវិធីស៊ើបសួរបន្ថែម និងបើកកញ្ចប់គ្រឿងញៀនទៅលើសំណុំរឿងគ្រឿងញៀនទម្ងន់ ១៦៧ គីឡូក្រាម ដែលសមត្ថកិច្ចកម្ពុជាទើបបង្ក្រាបបានថ្មីៗនេះ។ ជនជាប់ចោទ ត្រូវបានចៅក្រមតុលាការសាកសួរតាំងពីព្រឹករហូតថល់ម៉ោង១២ទើបបញ្ចប់ និងបញ្ជូនទៅកាន់ពន្ធនាគារវិញ។
កាលពីថ្ងៃទី ២៧ ខែតុលា ដល់ថ្ងៃទី ១០ ខែវិច្ឆិកា ឆ្នាំ ២០២១ សមត្ថកិច្ចនៃមន្ទីរប្រឆាំងបទល្មើសគ្រឿងញៀន ចូលរួមសហការជាមួយកម្លាំងជំនាញ ស្នងការដ្ឋាននគរបាលរាជធានីភ្នំពេញ បានចុះស្រាវជ្រាវ និងឈានទៅបង្ក្រាបឧក្រិដ្ឋជនរក្សាទុក ដឹកជញ្ជូនគ្រឿងញៀនឆ្លងដែន ៣ គោលដៅ ផ្សេងគ្នាជាបន្តបន្ទាប់ នៅរាជធានីភ្នំពេញ។
ក្នុងនោះ គោលដៅទី១ នៅចំណុចក្រុមហ៊ុនដឹកជញ្ជូន អ៊ិចប្រេស ស្ថិតនៅភូមិត្រពាំងស្វាយ សង្កាត់ឃ្មួញ ខណ្ឌសែនសុខ។ គោលដៅទី២ នៅចំណុចបន្ទប់លេខ ៤១២១ ខុនដូជិតកោះពេជ្រ សង្កាត់ទន្លេបាសាក់ ខណ្ឌចំការមន។ គោលដៅទី៣ នៅបន្ទប់ 13AD និង 13AE ខុនដូរ PROVENCE ផ្លូវលេខ៣០២ សង្កាត់បឹងកេងកង។ វត្ថុតាងដកហូតបានរួមមាន អ៊ិចស្តាស៊ីគ្រាប់ (MDMA) ពណ៌ផ្កាឈូក ៨៥,៩២២ គ្រាប់ ស្មើទម្ងន់ 28,354.54g , អ៊ិចស្តាស៊ីគ្រាប់ (MDMA) ពណ៌ប្រផេះ ១៥៤,៤៧៤ គ្រាប់ ស្មើទម្ងន់ 60,244.99g ។ អ៊ិចស្តាស៊ីម្សៅ (MDMA) កញ្ចប់រូបសេះ F3 ទម្ងន់ 50,022.72g, អ៊ិចស្តាស៊ីក្រាម(MDMA) ទម្ងន់ 24,700.81g ។ នីមេតាហ្សាប៉ាម (Nimetazepam) ៩,៧៥០គ្រាប់ ស្មើទម្ងន់ 1,733.40g ។ មេតំហ្វេតាមីន(ICE) ទម្ងន់ 98.97g ។ កេតាមីន (Ketamine) 2,320g (សរុបរួម ១៦៧ គ.ក្រ ៤៧៥.៤៣ក្រាម) និងចាប់យកសម្ភារៈ អាវុធខ្លី ១ដើម (គ្រាប់ ៦) ជញ្ជីង ១ គ្រឿង រថយន្ត ១ គ្រឿង និងមានសម្ភារៈមួយចំនួនទៀត៕
អត្ថបទ៖ មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ