សន្តិសុខសង្គម
ពលរដ្ឋភូមិកោះក្របី ស្នើអាជ្ញាធរឱ្យអន្តរាគមន៍ ករណីក្រុមហ៊ុនមួយ ធ្វើផ្លូវបិទប្រឡាយទឹកលិចចម្ការស្ពៃ
ប្រជាកសិករដាំស្ពៃ រស់នៅ ភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំងមានការព្រួយបារម្ភពីចម្ការស្ពៃរបស់ពួកគាត់ត្រូវបានលិចទឹក ដោយសារក្រុមហ៊ុនមួយចាក់ដីធ្វើផ្លូវបិទប្រឡាយបង្ហូរទឹក។
លោក ឈឿង ហួរ អាយុ ៥៣ ឆ្នាំ បានប្រាប់ថា ជារៀងរាល់ឆ្នាំពួកគាត់បានដាំស្ពៃនៅទីនេះដើម្បីចិញ្ចឹមជីវិត ហើយឆ្នាំនេះពួកគាត់បានជួលដីគេដាំស្ពៃដូចសព្វដង។
ប៉ុន្តែនៅយប់ថ្ងៃទី ៥ ខែធ្នូ មានក្រុមហ៊ុនមួយ បានចាក់ដីធ្វើផ្លូវបិទប្រឡាយដែលទឹកហូរចេញ បណ្តាលឲ្យជន់លិចចម្ការស្ពៃរបស់ពួកគាត់ខូចខាតតែម្តង។
នៅក្នុង រយៈពេលតែមួយយប់ប៉ុណ្ណោះ ស្ពៃ របស់ពួកគាត់បានលិចលង់អស់ជាច្រើនរង។ ពួកគាត់សំណូមពរដល់អាជ្ញាធរ ខេត្ត និងក្រុងសូមមេត្តាជួយអន្តរាគមន៍ឲ្យក្រុមហ៊ុនខាងលើ ជួយដាក់ប្រព័ន្ធលូរំដោះទឹកចេញ ដើម្បីឲ្យពួកគាត់អាចដាំស្ពៃបានដូចសព្វដងផងចុះ។
ជុំវិញការធ្វើផ្លូវបិទប្រឡាយរំដោះទឹកនេះលោក បេ សារុំ អភិបាលរងក្រុងកំពង់ឆ្នាំង នៅព្រឹកថ្ងៃទី ០៦ ខែធ្នូនេះបានបញ្ជាក់ថា អាជ្ញាធរខេត្តបានឲ្យក្រុមហ៊ុនមួយធ្វើផ្លូវបេតុង ប្រវែង ៣គីឡូម៉ែត្រ ចូលទៅដីដែលត្រៀមវិនិយោគធ្វើបុរីមួយកន្លែងនៅក្នុងភូមិកោះក្របី ដោយអាជ្ញាធរខេត្តបានអនុញ្ញាតច្បាប់ឱ្យគេរួចហើយ។
ដោយឡែក លោក ហ៊ីង ភ័ព្វមីនា អភិបាលរង ក្រុងកំពង់ឆ្នាំង បានបញ្ជាក់ថា លោកមិនបានដឹងរឿងហ្នឹងទេ ប៉ុន្តែលោកនឹងចុះពិនិត្យ មើលនិងអន្តរាគមន៍ក្រោយពេលទទួលដំណឹងនេះពីក្រុមអ្នកសារព័ត៌មាន៕
អត្ថបទ៖ ឈៀងថារិទ្ធ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)