សន្តិសុខសង្គម
ផ្ដន្ទាទោសបុរសចិនតៃវ៉ាន់៦នាក់ដាក់ពន្ធនាគារអស់មួយជីវិតរឿងផលិតជួញដូរគ្រឿងញៀន
លោក អ៊ឹម វណ្ណៈ ចៅក្រមសាលាដំបូងរាជធានីភ្នំពេញ នៅថ្ងៃទិ៨ ខែធ្នូ ឆ្នាំ២០២១នេះ បានប្រកាសសាលក្រមសម្រេចផ្ដន្ទាទោសបុរសជនជាតិចិនតៃវ៉ាន់៦នាក់ដាក់ពន្ធនាគារអស់មួយជីវិត ពាក់ព័ន្ធបទល្មើសគ្រឿងញៀនដ៏រសើបនៅក្នុងប្រទេសកម្ពុជា ។ ជាមួយគ្នានេះ សាលក្រមក៏បានកំណត់អោយជនជាប់ចោទទាំង៦នាក់បង់ប្រាក់ពិន័យក្នុងម្នាក់ៗ៥០លានរៀលចូលថវិការដ្ឋ ។
តុលាការបានចោទប្រកាន់ក្រុមម៉ាហ្វីយ៉ាគ្រឿងញៀនទាំង៦នាក់ពីបទ « ផលិត រក្សាទុក ដឹកជញ្ជូន ជួញដូរដោយខុសច្បាប់នូវសារធាតុញៀន សារធាតុផ្សំ បទជួញដូរបរិក្ខារ ឬសម្ភារៈប្រើប្រាសក្នុងកាតផលិត ឬការប្រើដោយខុសច្បាប់នូវសារធាតុញៀន » ប្រព្រឹត្តនៅចំណុចខេត្តព្រះវិហារ ខេត្តព្រះសីហនុ និងរាជធានីភ្នំពេញ កាលពីថ្ងៃទី១១តុលា ឆ្នាំ២០២០ ជាបទល្មើសដែលមានចែងអោយផ្ដន្ទាទោសតាមមាត្រា ៣៩ មាត្រា៤០ មាត្រា៤៨ មាត្រា៥៤ និងមាត្រា៥៦នៃច្បាប់ស្ដីពីការត្រួតពិនិត្យគ្រឿងញៀន ។
ជនជាប់ចោទទាំង៦នាក់ដែលតុលាការកម្ពុជាផ្ដន្ទាទោស ទី១/ ឈ្មោះ HE YI RI ភេទប្រុស អាយុ៦២ឆ្នាំ ជនជាតិចិនតៃវ៉ាន់ កាន់លិខិតឆ្លងដែនលេខ G45794394 (រត់គេចខ្លួន) ជាប់ចោទពីបទ កែច្នៃ រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ។ ទី២/ ឈ្មោះ LEE SHAOFENG ភេទប្រុស អាយុ៤៨ឆ្នាំ ជនជាតិ ចិន(តៃវ៉ាន់) ។ ទី៣/ .ឈ្មោះ CHEN CHIH CHIEH ហៅ JAKY ភេទ ប្រុស អាយុ៤៣ឆ្នាំ ជនជាតិចិនតៃវ៉ាន់ ។ ទី៤/ ឈ្មោះ CHEN PAIJIUNភេទប្រុស អាយុ២០ឆ្នាំ ជនជាតិចិន ជាប់ចោទពីបទ ដឹកជញ្ជូន និងជួញដូរដោយខុសច្បាប់នូវសារធាតុញៀន ។ ទី៥/ឈ្មោះ ZHEN QI ZHI ភេទប្រុស អាយុ២៦ឆ្នាំ ចិនតៃវ៉ាន់ ។ ទី៦ឈ្មោះ YU YAO SUNG អាយុ៣៦ឆ្នាំ ចិនតៃវ៉ាន់ ។
ក្រុមជនជាតិចិនតៃវ៉ាន់ទាំង៦នាក់ត្រូវបានសមត្ថកិច្ចមន្ទីរប្រឆាំងគ្រឿងញៀនបើកប្រតិបត្តិការបង្ក្រាបជាបន្តបន្ទាប់នៅខេត្តព្រះវិហារ ខេត្តព្រះសីហនុ និងរាជធានីភ្នំពេញ សរុបចំនួន៤គោលដៅផ្សេងគ្នានៅថ្ងៃទី ១០ ទី១១តុលា ឆ្នាំ២០២០ ដោយរឹបអូសគ្រឿងញៀនផលិតរួចប្រមាណ៧០គីឡូក្រាម សារធាតុផ្សំមួយចំនួនធំ រួមទាំងសម្ភារៈបរិក្ខាផលិតជាច្រើនមុខនៅតាមទីតាំងនិមួយៗ ។
នៅថ្ងៃទី ១៥តុលា ឆ្នាំ២០២០ តុលាការបានសម្រេចឃុំខ្លួនជនជាប់ចោទទាំង៦នាក់ដាក់ពន្ធនាគារ ហើយជាអកុសល នៅក្នុងចំណោមជនជាប់ចោទមានមេក្លោងម្នាក់ឈ្មោះ HY YI RY បានរត់គេចខ្លួនពីមន្ទីរពេទ្យនៅពេលមានឳកាសសម្រាកព្យាបាលជំងឺ ៕
អត្ថបទ៖ មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង