សន្តិសុខសង្គម

ចុងក្រោយម្ចាស់ហាង V SHOP ប្តឹងលោក ជា ច័ន្ទតុលា ដែលជាអតីតគូស្នេហ៍

បានផុស

២ years មុន

នៅ

ថ្ងៃសុក្រ ១០ ធ្នូ ២០២១

ដោយ

លោក ជា ច័ន្ទតុលា ដែលកាលពីថ្មីៗទើប តែផ្ទុះនូវរឿងរ៉ាវប្តឹងគ្រូជោគជ័យម្នាក់នោះ ឥឡូវនេះក៏ត្រូវបានអតីតគូស្នេហ៍ម្ចាស់ហាងV SHOP CAMBODIA ប្តឹងទៅតុលាការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលោក សឿ ឡងឌី ព្រះរាជអាជ្ញារងសាលាដំបូងរាជធានីភ្នំពេញ បានចេញដីកាកោះឲ្យលោក ជា ច័ន្ទតុលា ត្រូវចូលខ្លួនទៅកាន់អយ្យការអមសាលាដំបូងរាជធានីភ្នំពេញនៅថ្ងៃទី ១៧ ខែធ្នូ ឆ្នាំ ២០២១ ដើម្បីសាកសួរចម្លើយតាមពាក្យបណ្តឹងរបស់ឈ្មោះ ស៊ាន ធារី ដែលមហាជនស្គាល់ថា ជាម្ចាស់ហាង V SHOP CAMBODIA ។

ក្នុងពាក្យបណ្តឹងរបស់ឈ្មោះ ស៊ាន ធារី ដែលជាអតីតគូស្នេហ៍ គឺបានប្តឹងឈ្មោះ ជា ច័ន្ទតុលា លើករណី លួចប្រាក់ក្រុមហ៊ុន ធ្វើឲ្យខូចខាតដោយចេតនា លុបបំបាត់ ឬកែប្រែដោយទុច្ចរិតនូវទិន្នន័យ គំរាមកំហែងឲ្យបំពេញលក្ខខណ្ឌអ្វីមួយ និងគូកន ពីបទ រំលោភលើលំនៅឋាន។

នៅលើគណនីហ្វេសប៊ុករបស់លោក ជា ច័ន្ទតុលា កាលពីយប់ថ្ងៃទី ០៩ ខែធ្នូ ឆ្នាំ ២០២១ ក៏បានបង្ហោះខ្លឹមសារភ្ជាប់នឹងដីកាកោះបែបនេះថា «ពេលនេះ ប្រពន្ធជាទីស្រលាញ់របស់ខ្ញុំបានប្តឹងខ្ញុំហើយដូចអ្វីដែលជនទី៣ថា ចាប់ខ្ញុំដាក់គុក៥ឆ្នាំឲ្យបាននោះឥឡូវនេះ គាត់បានធ្វើមែនហើយជនទី៣អើយ ខ្ញុំសុំខ្លាចលោកហើយ ប្រពន្ធសម្លាញ់ចិត្តបងអើយ អូនដាច់ចិត្តពីបងម្ល៉េះ?»៕