សន្តិសុខសង្គម
ឆ្លងចរន្តភ្លើងផ្ទុះហ្គាស នៅស្ថានីយលក់សាំង និងហ្គាស ជិតសួនច្បារដំរីស ក្រុងកំពង់ឆ្នាំង
គ្រោះអគ្គិភ័យផ្ទុះហ្គាស ដោយសារឆ្លងចរន្តអគ្គិសនី នៅក្នុងស្ថានីយលក់ប្រេងឥន្ធនៈមួយកន្លែងនៅជិតសួនច្បារដំរីស ក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។ ហេតុការនេះ បានកើតឡើងនៅម៉ោង ៨ និង ៤០ នាទីព្រឹកថ្ងៃទី ២៩ ខែធ្នូ ឆ្នាំ ២០២១ ប៉ុន្តែក្នុងហេតុការណ៍នេះ មិនបណ្តាលឱ្យមានអ្នកណារងរបួសឡើយ គឺគ្រាន់តែខូចខាតហ្គាសអស់ជាច្រើនធុង និងដោយសារមានការអន្តរាគមន៍ពីរថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត ទើបមិនបង្កឲ្យរាលដាលដល់នៅឋានដទៃទៀត។
លោកឧត្តមសេនីយ៍ត្រី អៀ ប៊ុនធឿន ស្នងការរង និងជាអ្នកនាំពាក្យស្ន ងការខេត្តនៅព្រឹកថ្ងៃទី ២៩ ខែធ្នូនេះ បានឲ្យដឹងថា តាមការសន្និដ្ឋានជាបឋមរបស់នគរបាលជំនាញឲ្យដឹងថា ករណីនេះបណ្ដាលមកពីការឆ្លងចរន្តអគ្គិសនីក្នុងម៉ូទ័រមួយ បង្កឱ្យបែកផ្កាភ្លើងរាលដាលផ្ទុះឆេះហ្គាសអស់ជាច្រើនធុង។ ក្នុងករណីនេះ ម្ចាស់ស្ថានីយប្រេងឥន្ធនៈខាងលើនេះ មិននៅក្នុងកន្លែងកើតហេតុទេ គឺមានតែគេកម្មករនៅធ្វើការ ដោយម្ចាស់រវល់ទៅខេត្តព្រះសីហនុ។
លោកស្នងការរងបានបន្តថា ក្នុងករណីខាងលើនេះ រថយន្តពន្លត់អគ្គិភ័យរបស់ស្នងការដ្ឋាននគរបា លខេត្តចំនួន ៥ គ្រឿង បានចេញអន្តរាគមន៍ជួយបាញ់ពន្លត់អស់ទឹក ១២ រថយន្ត ទើបទប់ស្កាត់ការផ្ទុះឆេះខាងលើនេះបាន។ ដោយឡែកក្នុងហេតុការណ៍នេះ សមត្ថកិច្ចជំនាញកំពុងធ្វើការស្រាវជ្រាវបន្តទៀត ឲ្យដឹងពីមូលហេតុនៃការផ្ទុះឆេះនេះ និងការខូចខាត។
ទោះយ៉ាងណាករណីនេះ ម្ចាស់ស្ថានីយប្រេងឥន្ធនៈ គួរតែមានបំពង់ពន្លត់អគ្គិភ័យ ដើម្បីទប់ស្កាត់ភ្លាមការផ្ទុះឆេះភ្លាមៗ ទើបមិនបង្កហានិភ័យដល់លំនៅឋានអ្នកជិតខាង៕
អត្ថបទ៖ ឈៀង ថារិទ្ធ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ