សន្តិសុខសង្គម
លោក ឌួង ឆាយ ប្រតិកម្មខ្លាំងៗ ក្រោយមានអ្នកទូរស័ព្ទមកចោទថា លោកធ្វើបាបអតីតភរិយា
បន្ទាប់ពីមានការចុះពិនិត្យទីតាំងលក់គ្រឿងសំអាងរបស់អ្នកនាង ដេត ម៉ារីណា អតីតភរិយាលោក ឌួង ឆាយ ដែលមានប្រេនម៉ាក DMLN កាលពីម្សិលមិញនេះ នៅព្រឹកថ្ងៃទី១៤ ខែមករា ឆ្នាំ២០២២នេះ លោក ឌួង ឆាង បានបង្ហោះសារប្រតិកម្មខ្លាំងៗមួយ ក្រោយមានអ្នកទូរស័ព្ទមកសួរនាំជាច្រើន និងមានទាំងអ្នកចោទលោកថា ជាអ្នកធ្វើបាបនាង។
ក្នុងសារនោះ លោក ឌួង ឆាយ បានលើកឡើងថា មានគេខលមកសួរខ្ញុំជាច្រើន មានទាំងអ្នកដែលចោទខ្ញុំទៀតថា ខ្ញុំធ្វើបាបនាង។ ចុះពេលនាងស្រវឹងបើកឡានបុកទ្រូងផ្លូវ មិចបានមិនចោទខ្ញុំផងថាខ្ញុំអ្នកបញ្ជាអោយនាងផឹក ហើយអោយនាងបើកឡានបុកទ្រូងផ្លូវ។ បើខ្ញុំបានធ្វើខ្ញុំមិនខ្លាចនឹងបញ្ចេញ និងទទួលនោះទេ។ ពីព្រោះមនុស្សខ្ញុំហ៊ានធ្វើហ៊ានទទួលពោរពេញដោយការទទួលខុសត្រូវតាំងពីដើមរហូតមកដល់ពេលនេះ។ ហើយលោកឯងមានបុណ្យស័ក្ដិ តួនាទីជាស្អីដែរ បានលោកឯងអន្តរាគមន៍រឿងគេនឹង លោកឯងជាស្អីដែរហាស បានដើរកាងគេកាងឯងគ្រប់រឿងចឹង ហើយមកចោទខ្ញុំទៀត។ មានមុខមាត់ប៉ុណ្ណាណី ជាប់សាច់ឈាមអ្នកធំទៀត ប៉ុន្តែដើរកាងតែរឿងគ្រួសារគេ រឿងរកស៊ីខុសច្បាប់គ្រប់បទល្មើស។
សូមរំលឹកថា កាលពីវេលាម៉ោង០៣រសៀលថ្ងៃទី១៣ ខែមករា ឆ្នាំ២០២២ ម្សិលមិញនេះ សមត្ថកិច្ចជំនាញគណៈកម្មាធិការប្រយុទ្ធប្រឆាំងផលិតផលក្លែងក្លាយ ក្រសួងមហាផ្ទៃ ចុះត្រួតពិនិត្យទីតាំងលក់គ្រឿងសំអាងមួយកន្លែង ជាផលិតផលប្រ៊េន DMLN នៅផ្ទះលេខ៤៧២ ផ្លូវលេខដោនថោន៧ ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ក្រោយទទួលពាក្យបណ្ដឹងជនរងគ្រោះ ប្រើប្រាស់រងផលប៉ះពាល់ដល់ស្បែក។
ផលិតផលប្រ៊េន DMLN ដែលគេដឹងថា ជារបស់អ្នកស្រី ដេត ម៉ាលីណា អតីតប្រពន្ធលោក ឌួង ឆាយ ត្រូវបានសមត្ថកិច្ចបើកប្រតិបត្តិការឆ្មក់នៅវេលាម៉ោង០៣រសៀលថ្ងៃទី១២ ខែមករា ឆ្នាំ២០២២។
កម្លាំងជំនាញបានបញ្ជាក់ការចុះបង្ក្រាបនេះធ្វើឡើងក្រោយទទួលបានពាក្យបណ្ដឹងពីជនរងគ្រោះដែលកន្លងមកបានប្រើប្រាស់ផលិតផល ធ្វើឲ្យមានរងផលប៉ះពាល់ដល់រាងកាយ និងស្បែកជាដើម ខណៈម្ចាស់ប្រ៊េន ផលិតផល DMLN មានឈ្មោះ ដេត ម៉ាលីណា។
យ៉ាងណាក្រោយប្រតិបត្តិការកម្លាំងសមត្ថកិច្ច មិនបានធ្វើការដកហូតសម្ភារៈវត្ថុតាងយកទៅនោះទេ និងបានដកកម្លាំងទៅវិញ៕
អត្ថបទ៖ សុខុម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត