សន្តិសុខសង្គម
ប្រទះឃើញសាកសពស្ត្រីម្នាក់ត្រូវគេសម្លាប់យកទៅកប់ដី
ខេត្តព្រះសីហនុ៖ សាកសពស្រ្តីម្នាក់ ត្រូវប្រជាពលរដ្ឋដើរទាក់សត្វពេលយប់ប្រទះឃើញកប់ក្នុងដី លៀនចេញជង្គង់ជើងម្ខាងកណ្តាលវាល។
សមត្ថកិច្ចជំនាញបានឲ្យដឹងថា ករណីនេះ បានកើតមានឡើងនៅម៉ោងប្រមាណ៨យប់ ថ្ងៃទី ២១ ខែមករា នៅចន្លោះគីឡូម៉ែត្រលេខ១៩៩-២០០ ខាងជើងផ្លូវជាតិលេខ៤ ចំងាយ៥០០ម៉ែត្រ ស្ថិតក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។
ក្រោយទទួលបានការប្រទះឃើញសាកសពនេះ នៅម៉ោង៩ព្រឹកថ្ងៃទី២២មករា សម្លាំងសមត្ថកិច្ចជំនាញរួម និងស្ថាប័នពាក់ព័ន្ធបាននាំគ្នាចុះទៅធ្វើការហ៊ុំព័ទ្ធចំណុចកើតហេតុ និងកាយដីយកសាកសពដើម្បីពិនិត្យ។
សមត្ថកិច្ចជំនាញកោសល្យវិច័យ បានឲ្យដឹងថា សភាពសាកសព (មិនស្គាល់អត្តសញ្ញាណ) ភេទស្រី កម្ពស់១,៥៥ម៉ែត្រ អាយុប្រហែល១៥-១៨ឆ្មាំ សម្បុរស សក់ពណ៌ទង់ដែង។
សពខ្លៀកខោខ្លីអាវដៃខ្លីពណ៌ផ្កាឈូក(ខោអាវឈុត) ពាក់ខ្សែកពណ៌ប្រាក់ បណ្តោងហ្គិចពណ៌ខៀវ ម្រាមដៃកណ្តាលខាងឆ្វេង ពាក់ចិញ្ចៀនពណ៌ប្រាក់។
នៅលើខ្លួនមានស្នាមសាក់ស្មាស្តាំ សាក់អក្សរsexy ខ្នងសាក់រូបយ័ន្ត លើស្មាឆ្វេងផ្នែកខាងក្រោយសាក់រូបមេអំបៅ។
សពមានសភាព រលេះរលួយ ដៃជាប់ខ្នោះ បាក់ដើមដៃស្តាំ កំភួនជើង និងភ្លៅស្តាំជាំខ្មៅ លើទ្រូងស្តាំក្រោមក្លៀកដាច់រលាត់ ក្បាលលើត្រចៀកឆ្វេងហើមប៉ោង ធ្លុះក្រោមផ្ចិតផ្នែកខាងឆ្វេង។
បច្ចុប្បន្ន ក្រោយធ្វើកោសល្យវិច័យរួចខាងជំនាញកោសល្យវិច័យបានធ្វើការសន្និដ្ឋានថា ជាករណីវាយ និងចាក់សម្លាប់(ឃាតកម្ម) ។ បន្ទាប់ពីពិនិត្យនៅកន្លែងកើតហេតុរួច សមត្ថកិច្ច បានវិចខ្ចប់សាកសពបានយកទៅតម្កល់នៅមន្ទីរពេទ្យបង្អែកខេត្តព្រះសីហនុ។ បច្ចុប្បន្នក្រុមសមត្ថកិច្ចជំនាញកំពុងបើកការស៊ើបអង្កេត និងស្រាវជ្រាវស្វែងរកជនពាក់ព័ន្ធយកមកផ្តន្ទាទោសទៅតាមផ្លូវច្បាប់៕
អត្ថបទ៖ ស៊ុយ ចាន់ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ