សន្តិសុខសង្គម
តុលាការខេត្តកណ្តាល សម្រេចឃុំខ្លួនក្រុមចោរគាស់ផ្ទះ៣នាក់ដាក់ពន្ធនាគារបណ្តោះអាសន្ន
ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងនគរបាលក្រុងតាខ្មៅដែលមានលោកវរសេនីយ៍ឯក យី វណ្ណដា ជាអធិការ បានបង្ក្រាបមុខសញ្ញាក្រុមចោរគាស់ផ្ទះយ៉ាងសកម្មនៅក្រុងតាខ្មៅបានដោយជោគជ័យ ។
មុខសញ្ញាចោរគាស់ផ្ទះយ៉ាងសកម្មទាំង៣នាក់នេះ កាលពីល្ងាចថ្ងៃទី៣០ ខែមីនា ឆ្នាំ២០២២ត្រូវបានលោក អាត ច័ន្ទដារ៉ា ចៅក្រមស៊ើបសួរសាលាដំបូងខេត្តកណ្តាលបានចេញដីកាឃុំខ្លួនដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ «លួចមានស្ថានទម្ងន់ទោស» តាមមាត្រា៣៥៣និងមាត្រា៣៥៧នៃក្រមព្រហ្មទណ្ឌ ។
បទល្មើសនេះ បានប្រព្រឹត្តកាលពីថ្ងៃទី២៩ ខែមីនា ឆ្នាំ២០២២ វេលាម៉ោង៤ នៅចំណុចសាលាមតេ្តយ្យសិក្សាធនធានក្រុងតាខ្មៅ ភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល ដែលជនរងគ្រោះឈ្មោះទូច លីណា ភេទស្រី អាយុ៤៣ឆ្នាំ ជាគ្រូបង្រៀន ជនជាតិខ្មែរ ។ មុខសញ្ញាចោរគាស់ផ្ទះយ៉ាងសកម្មទាំង៣នាក់ទី១ ឈ្មោះ បុត្រ គង់ អាយុ២៩ឆ្នាំ ទី២ ឈ្មោះសូទី សូអ៊ី ហៅពយ អាយុ២៩ឆ្នាំ និង ទី៣ ឈ្មោះ ហ៊ុយ វន្នី អាយុ៣០ឆ្នាំ ។
ពាក់ព័ន្ធបញ្ហានេះ លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅបានអោយដឹងថា មុនពេលកើតហេតុជនរងគ្រោះបានទុកសម្ភារ: នៅក្នុងបន្ទប់ទីចាត់ការសាលាមត្តេយ្យ ដោយបានចាក់សោរត្រឹមត្រូវមុនពេលចាកចេញទៅផ្ទះ ។ លុះដល់ថ្ងៃកើតហេតុ ពេលជនរងគ្រោះបានទៅធ្វើការដូចរាល់ដងវិញស្រាប់តែឃើញទ្វារទីចាត់ការ ត្រូវបានចោរលួចគាស់ ហើយបាត់បង់នូវសម្ភារ:មួយចំនួន ទើបរាយការណ៍ជូនសមត្ថកិច្ចប៉ុស្តិ៍រដ្ឋបាលតាខ្មៅ ជួយធ្វើការស្រាវជ្រាវហើយប៉ុស្តិ៍បានរាយការណ៍មកលោកអធិកាក្រុងតាខ្មៅ អោយផ្នែកជំនាញចុះមកពិនិត្យ រហូតឈានដល់ការឃាត់ខ្លួនក្រុមជនសង្ស័យបានតែម្តង ។
ទោះបីយ៉ាងណា នៅពេលនេះមុខសញ្ញាចោរគាស់ផ្ទះយ៉ាងសកម្មទាំង៣នាក់ ត្រូវបានតុលាការសម្រេចឃុំខ្លួនដាក់ពន្ធនាគារបណ្តោះអាសន្ន ហើយរង់ចាំវិនិច្ឆ័យទោសនាពេលក្រោយ ៕
អត្ថបទ៖ ឆៃ យ៉ា
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ