សន្តិសុខសង្គម
ទំនាស់រឿងលុយ២ម៉ឺនរៀលជនជាតិបរទេសម្នាក់ដកកាំភ្លើងបាញ់ប្រហារអ្នករត់កង់បី
ជាជនជាតិបរទេសម្នាក់បានដកកាំភ្លើងខ្លីបាញ់ប្រហារ១គ្រាប់ទៅលើអ្នករត់កង់បីឥណ្ឌាម្នាក់តែសំណាងល្អមិនត្រូវ បង្កការភ្ញាក់ផ្អើលដល់សមត្ថកិច្ចចុះមកឃាត់ខ្លួនបានមនុស្សប្រុសស្រីចំនួន៤នាក់ជាបន្តបន្ទាប់ កាលពីវេលាម៉ោង១០យប់ថ្ងៃទី១៩ ខែមេសា ឆ្នាំ២០២២ នៅចំណុចមុខយាន្ដដ្ឋានរថយន្តមួយកន្លែង តាមបណ្ដោយផ្លូវលេខ២៨៣ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
តាមការរៀបរាប់ពីជនរងគ្រោះបានប្រាប់ឱ្យដឹងថា មុនកើតហេតុរូបគាត់បានដឹកភ្ញៀវបរទេសប្រុសស្រីចំនួន៣នាក់ចេញពីកន្លែងកើតហេតុខាងលើ ដោយភ្ញៀវបានប្រាប់ថាឱ្យដឹកទៅផ្សារអូឫស្សី រួចក៏ដឹកបន្តទៅផ្សារដេប៉ូ ហើយបានដឹកទៅម្ដុំក្រាំងធ្នង់បន្តទៀតដោយគាត់បានប្រាប់ភ្ញៀវថា តម្លៃ៦ម៉ីនរៀល ព្រោះដឹកទៅដឹកមក ហើយចាំយូរ។
លុះដឹកភ្ញៀវមកដល់ចំណុចកើតហេតុវិញ ភ្ញៀវឱ្យតែ៤ម៉ឺនរៀល តែគាត់សុំថែម២ម៉ីនរៀលទៀត ដោយប្រាប់ភ្ញៀវថា ដឹកទៅច្រើនកន្លែងនិងចាំយូរ តែភ្ញៀវមិនព្រមឱ្យតែ៤ម៉ឺនរៀលប៉ុណ្ណោះ ពេលនោះស្រាប់តែលេចមុខខ្មាន់កាំភ្លើងជាបុរសជនជាតិបរទេសម្នាក់បានស្រែកប្រាប់ភ្ញៀវដែលជាបក្ខពួករបស់ខ្លួនឲ្យឡើងជិះរថយន្តហាយឡេនឌ័រមួយគ្រឿងមិនចាំស្លាកលេខ ដោយប្រាប់បក្ខពួកខ្លួនថា មិនចាំបាច់ឱ្យលុយថែមទៀតទេ ឲ្យតែ៤ម៉ឺនរៀលហ្នឹងបានហើយ តែរូបគាត់ជាអ្នករត់កង់បីមិនសុខចិត្តក៏មានការទាស់ពាក្យសម្តីគ្នាបន្តិចបន្តួចជាមួយខ្មាន់កាំភ្លើងនោះ ស្រាប់តែខាងខ្មាន់កាំភ្លើងបម្រុងបើករថយន្តដេញបុកនិងបង្កហិង្សា ធ្វើឱ្យរូបគាត់បើកង់បីចេញពីកន្លែងកើតហេតុ រួចក៏បានហៅគ្នីគ្នាមកកន្លែងកើតហេតុវិញ ស្រាប់តែខ្មាន់កាំភ្លើងរូបនោះបានដកកាំភ្លើងខ្លីបាញ់ប្រហារមកលើរូបគាត់មួយគ្រាប់ តែសំណាងល្អមិនត្រូវ រួចខ្មាន់កាំភ្លើងក៏ផ្លោះរបងចូលទៅក្នុងយាន្ដដ្ឋានរថយន្តនោះបាត់ទៅដោយបន្សល់ទុកស្រោមកាំភ្លើងខ្លីនៅកន្លែងកើតហេតុ ទើបបង្កឱ្យមានការភ្ញាក់ផ្អើលដល់កម្លាំងសមត្ថកិច្ចខណ្ឌទួលគោក ចុះមកធ្វើអន្តរាគមន៍និងធ្វើការឃាត់ខ្លួនស្ត្រីជនជាតិខ្មែរម្នាក់យកទៅសួរនាំ និងធ្វើការស្រាវជ្រាវឃាត់ខ្លួនបុរសជនជាតិបរទេសចំនួន៣នាក់បន្ថែមទៀតជាបន្តបន្ទាប់ រួចបញ្ជូនទៅប៉ុស្តិ៍នគរបាលរដ្ឋបាលបឹងកក់ទី១ ដើម្បីធ្វើការសួរនាំ និងចាត់ការទៅតាមនីតិវិធីច្បាប់៕
អត្ថបទ៖ សុខា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore