សន្តិសុខសង្គម

ស្នងការរាជធានីភ្នំពេញ ត្រៀមកម្លាំងជាង ៤ ពាន់នាក់ រក្សាសន្តិសុខសណ្ដាប់ធ្នាប់ នៅថ្ងៃបោះឆ្នោតខាងមុខ

បានផុស

៣ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

ស្នងការដ្ឋាននគរបាលរាជធានីភ្នំពេញ នឹងត្រៀមកម្លាំងនគរបាលប្រមាណជាង ៤ ៤០០ នាក់ ដើម្បីរក្សាសន្តិសុខ សណ្ដាប់ធ្នាប់ នៅថ្ងៃបិទយុទ្ធនាការឃោសនា និងថ្ងៃបោះឆ្នោតខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្ដមសេនីយ៍ត្រី សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានមានប្រសាសន៍ថា ឧត្ដមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានី បានប្រជុំរៀបចំផែនការ ការពារសន្តិសុខ សណ្ដាប់ធ្នាប់រួចរាល់ និងបានដាក់ចេញនូវផែនការច្បាស់លាស់ ដោយប្រើកម្លាំងជាង ៤ ៤០០ នាក់ ដើម្បីចូលរួមរក្សាសន្តិសុខសណ្ដាប់ធ្នាប់ និងរបៀបរៀបរយនៅក្នុងឱកាសបិទបញ្ចប់ការឃោសនាបោះឆ្នោតនៅថ្ងៃទី ២១ ដែលជាថ្ងៃចុងក្រោយ។

លោកឧត្ដមសេនីយ៍ត្រី បានបន្តថា ទាក់ទិននឹងការការពារសន្តិសុខសណ្ដាប់ធ្នាប់នេះដែរ កម្លាំងនគរបាលតាមបណ្ដាខណ្ឌជាប់ព្រំប្រទល់ខេត្តកណ្ដាល ដែលមានច្រកចេញចូលក៏បានត្រៀមលក្ខណៈសម្រួលសណ្ដាប់ធ្នាប់ ចរាចរណ៍ដល់ប្រជាពលរដ្ឋដែលចាកចេញពីរាជធានីភ្នំពេញទៅកាន់បណ្ដាខេត្តដើម្បីចូលរួមបោះឆ្នោតផងដែរ។

គួរបញ្ជាក់ថា ថ្ងៃទី ២១ ខែកក្កដា ឆ្នាំ ២០២៣ ស្អែកនេះ គឺជាថ្ងៃបិទយុទ្ធនាការឃោសនារកសំឡេង គាំទ្ររបស់គណបក្សនយោបាយទាំង ១៨ ដែលមានក្នុងបញ្ជីបោះឆ្នោតរបស់គណៈកម្មាធិការជាតិរៀបចំការឆ្នោតដើម្បីចូលរួមប្រកួតប្រជែងដើម្បីដណ្ដើមអាសនៈក្នុងរដ្ឋសភាចំនួន ១២៥ កៅអី នៅថ្ងៃទី ២៣ ខែកក្កដា ឆ្នាំ ២០២៣ ដោយមានប្រជាពលរដ្ឋចូលរួមបោះឆ្នោតសរុបជាង ៩ លាន ៧១ ម៉ឺននាក់៕

អត្ថបទ ៖ សំអឿន

Related Topics:បោះឆ្នោត ស្នងការក្រុងភ្នំពេញ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា