ចាប់ខ្លួនជនសង្ស័យម្នាក់តាមប្រព័ន្ធGPS ក្រោយគាស់ផ្ទះលួចម៉ូតូ និងទូរស័ព្ទ

ជនសង្ស័យម្នាក់បានធ្វេីសកម្មភាពគាស់ផ្ទះចូលលួចម៉ូតូ និងទូរស័ព្ទបានសម្រេចហេីយព្យាយាមបេីករត់គេចខ្លួនតែត្រូវបានម្ចាស់ស្វែងរកតាមប្រព័ន្ធGPSចាប់បានមកវិញ។

ករណីនេះបានកើតឡើងនៅពីវេលាម៉ោង៨ព្រឹក ថ្ងៃទី២២ ខែកញ្ញា ឆ្នាំ២០២៣ ចំណុចភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ។

ជនសង្ស័យឈ្មោះ នន់ ផល្លា ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។ ចំណែកជនរងគ្រោះឈ្មោះ ហ៊ាន ចន្នី ភេទស្រី អាយុ៥៤ឆ្នាំ ស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ម៉ូតូដែលជនសង្ស័យលួចម៉ាកស្កូបពី ពណ៌ស ពាក់ស្លាកលេខ ភ្នំពេញ1Fv0611 និងទូរស័ព្ទមួយគ្រឿងម៉ាកoppo។

តាមប្រភពព័ត៌មានពីជនរងគ្រោះបានឱ្យដឹងថា មុនពេលកេីតហេតុនៅវេលាម៉ោង១រំលងអធ្រាត្រ ខណៈគាត់កំពុងលង់លក់ក្នុងដំណេកស្រាប់តែមានជនសង្ស័យម្នាក់គាស់ទ្វារចូលលួចម៉ូតូមួយគ្រឿង និងទូរស័ព្ទមួយគ្រឿងដែលគាត់ដាក់នៅលេីដំណេក។

ប្រភពដដែលបានបន្តថា ខណៈជនសង្ស័យលួចបានហេីយបញ្ឆេះម៉ូតូជិះចេញទៅទេីបភ្ញាក់ដឹកខ្លួនឃេីញទ្វារចំហ និងបាត់ម៉ូតូមួយគ្រឿងទូរស័ព្ទមួយគ្រឿងទៀតទេីបផ្អេីលឆោឡោឡេីង តែសំណាងទូរស័ព្ទបានភ្ជាប់ប្រព័ន្ធGPSទេីបជិះតាមស្រែងរករហូតមកដល់វេលាម៉ោង៨ព្រឹកថ្ងៃទី២២ ខែឆ្នាំដដៃលទេីបប្រទះឃេីញជនសង្ស័យនៅមុខផ្សារកាណាស៊ីធី ផ្លូវចោមចៅ សង្កាត់ចោមចៅទី២ ទេីបឃាត់ប្រគល់ជូនសមត្ថកិច្ចចាត់ការតាមច្បាប់។ ដោយឡែកម៉ូតូនិងទូរស័ព្ទត្រូវបានប្រគល់ជូនជនរងគ្រោះវិញ៕

អត្ថបទ៖ សុខា