សន្តិសុខសង្គម
Update ៖ សង្ស័យឆ្លងចរន្តអគ្គិសនីឆេះហាងបា ១ កន្លែង ខូចខាតសម្ភារៈ និងបង្កឲ្យម្ចាស់ហាងឈ្លក់ផ្សែងសន្លប់ នៅភូមិចំរើនផល
សង្ស័យឆ្លងចរន្តអគ្គិសនីឆាបឆេះហាងយីហោ «ម៉ាដាម ដា បា» ១ កន្លែង ខូចខាតម៉ាស៊ីនត្រជាក់ និងសម្ភារៈមួយចំនួន ព្រមទាំងបង្កឲ្យម្ចាស់ហាងសន្លប់ដោយសារឈ្លក់ផ្សែង នៅភូមិចំរើនផល។
ករណីអគ្គិភ័យនេះបានកើតឡើងកាលពីវេលាម៉ោង ៣ និង ២០ នាទីរសៀល ថ្ងៃទី ១៩ ខែកញ្ញា ឆ្នាំ ២០២៥ នៅចំណុចផ្លូវលេខ ៧៩ បេតេ សង្កាត់បឹងទំពន់ទី ១ ខណ្ឌមានជ័យ រាជធានីភ្នំពេញ។
បើតាមការបញ្ជាក់ពីម្ចាស់ហាងបានឲ្យដឹងថា មុនកើតហេតុ គាត់បានហៅក្រុមជាងមកកាន់ហាងរបស់គាត់ ក្នុងគោលបំណងដើម្បីមកពិនិត្យមើលម៉ាស៊ីនត្រជាក់ រួមទាំងជួសជុលប្រព័ន្ធភ្លើងឡើងវិញផងដែរ។ ខណៈពេលជួសជុលរួចរាល់ ក្រុមជាងខាងលើ បានមកប្រាប់ម្ចាស់ហាងថា សុំថ្លៃឈ្នួលជួសជុល ប៉ុន្តែមិនទាន់បានប្រាក់ផង ក៏ស្រាប់តែឆាបឆេះចេញពីខ្សែភ្លើង ដែលសង្ស័យឆ្លងចរន្ត បណ្តាលឲ្យទុស្សេខ្សែភ្លើងឆាបឆេះយ៉ាងរហ័សតែម្ដង។ ភ្លាមៗ ប្រជាពលរដ្ឋបាននាំគ្នាជួយយកបំពង់មកបាញ់ពន្លត់ផងដែរ តែមិនអាចគ្រប់គ្រងបាន ទើបប្រញាប់រាយការណ៍ជូនសមត្ថកិច្ចចុះមកអន្តរាគមន៍ ដើម្បីកុំឲ្យមានការរាលដាលដល់ផ្ទះក្បែរខាង។
អគ្គិភ័យនេះបានបង្កការខូចខាតសម្ភារៈមួយចំនួន និងបណ្តាលឲ្យម្ចាស់ហាងបាខាងលើឈ្លក់ផ្សែងសន្លប់ តែសំណាងល្អមិនប៉ះពាល់អ្វីធ្ងន់ធ្ងរនោះឡើយ។ ក្នុងនោះបានប្រើប្រាស់រថយន្តរបស់ការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ចំនួន ៦ គ្រឿង បាញ់ឲ្យរលត់ជាស្ថាពរ។ ចំពោះមូលហេតុ សមត្ថកិច្ចកំពុងស្រាវជ្រាវ៕
អត្ថបទ ៖ រដ្ឋា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ