រកឃើញកម្មកររោងចក្រម្នាក់ឆ្លងកូវីដ-១៩ មានអ្នកប៉ះពាល់ជាង ២០០នាក់ នៅស្វាយរៀង

សេចក្ដីជូនដំណឹងរដ្ឋបាលខេត្តស្វាយរៀង បានបញ្ជាក់ថា អ្នកជំងឺកូវីដ១៩ម្នាក់ ឈ្មោះ ណេ ពិសី អាយុ៤០ឆ្នាំ រស់នៅភូមិស្រម៉ ឃុំបុសមន ស្រុករំដួល មានមុខរបរជាកម្មកររោងចក្រ មួយកន្លែងស្ថិតនៅតំបន់ SEZ មេនហាធេន ក្រុងបាវិត។ ទន្ទឹមគ្នានោះ ក៏មានអ្នកប៉ះពាល់ជាមួយ អ្នកជំងឺកូវីដនេះ រហូតដល់ជាង២០០នាក់ ឯណោះ។

រដ្ឋបាលខេត្តស្វាយរៀង អំពាវនាវដល់អ្នកដែលបានប៉ះពាល់ផ្ទាល់ ឬប្រយោល ជាមួយអ្នកកូវីដ-១៩ ខាងលើ គិតចាប់ពីថ្ងៃទី២៩ ខែមេសា ឆ្នាំ២០២១ ត្រូវធ្វើចត្តាឡីស័កនៅតាមផ្ទះរយៈពេល១៤ថ្ងៃ ដើម្បីតាមដានសុខភាពប្រសិនបើមានអាការខុសប្រក្រតីដូចជា៖ ក្ដៅខ្លួន ក្អក កណ្ដាស់ ឈឺបំពង់ក ពិបាកដកដង្ហើម សូមផ្ដល់ព័ត៌មានទៅអាជ្ញាធរមូលដ្ឋាន និងរួសរាន់ទៅយកវត្ថុវិភាគសំណាក ឬទាក់ទងទៅកាន់លេខទូរស័ព្ទ ០៩៧ ៥០៣ ៤៥៦៧ / ០៤៤ ៧១២ ៥២២៕

អត្ថនទ៖ ភក្ដី