ក្រសួងកសិកម្ម កំពុងប្រើយន្តការទាំងអស់នេះ ដើម្បីពង្រឹងគុណភាពដីទូទាំងប្រទេសកុំឱ្យធ្លាក់ចុះ
Connect with us
Helistar Cambodia - Helicopter Charter Services

ព័ត៌មានខ្លីៗ

ក្រសួងកសិកម្ម កំពុងប្រើយន្តការទាំងអស់នេះ ដើម្បីពង្រឹងគុណភាពដីទូទាំងប្រទេសកុំឱ្យធ្លាក់ចុះ

បានផុស

នៅ

ក្រសួងកសិកម្ម រុក្ខាប្រមាញ់ និងនេសាទ កំពុងតែបន្តអនុវត្តកាតព្វកិច្ច ពង្រឹងគុណភាពដីកម្រិតថ្នាក់ជាតិ ទូទាំងប្រទេស និងអនុលោមតាមអនុសញ្ញាសហប្រជាជាតិស្តីពីការប្រយុទ្ធប្រឆាំងនឹងការធ្លាក់ចុះគុណភាពដី (UNCCD) រាជរដ្ឋាភិបាល។ បេសកកម្មរយៈពេលយូរ កំពុងត្រូវបានក្រសួងកសិកម្ម បន្តអនុវត្តន៍តាមកម្មវិធីសកម្មភាពជាតិដើម្បីប្រយុទ្ធប្រឆាំងនឹងការធ្លាក់ចុះគុណភាពដី (២០១៨-២០២៧)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា៖ «យន្តការសំខាន់ៗមួយចំនួន ក្នុងនោះគឺការពង្រឹងកិច្ចសហការអន្តរជាតិ ជាពិសេសជាមួយមជ្ឈមណ្ឌលស្រាវជ្រាវកសិកម្មបារាំងសម្រាប់ការអភិវឌ្ឍអន្តរជាតិ (CIRAD) ដើម្បីសិក្សាស្រាវជ្រាវ និងអភិវឌ្ឍបច្ចេកវិទ្យាកសិកម្មអភិរក្សតាមគោលការណ៍កសិ-អេកូឡូស៊ី»។

ឯកឧត្ដម បានពន្យល់លម្អិតថា៖ ចំពោះបច្ចេកវិទ្យា គឺក្រសួងប្រើប្រាស់យន្តការ “កសិកម្មអភិរក្សតាមគោលការណ៍កសិ-អេកូឡូស៊ី”។ យន្តការនេះ អាចអនុវត្តបានសម្រាប់ការដាំដុះដំណាំចម្ការ (ដីមិនលិចទឹក) ជួយបង្កើនផលិតភាពដី កែលម្អគុណភាពដី កាត់បន្ថយការប្រើប្រាស់ធាតុចូលកសិកម្ម ថ្លៃដើម និងទប់ស្កាត់ការធ្លាក់ចុះគុណភាពដី បង្កើនប្រសិទ្ធភាពនៃការប្រើប្រាស់ធនធាន ពេលវេលា និងកម្លាំងពលកម្ម ព្រមទាំងបង្កើនភាពធន់របស់ប្រព័ន្ធផលិតកម្មដំណាំទៅនឹងការប្រែប្រួលអាកាសធាតុ។

បច្ចេកវិទ្យានេះ ត្រូវអនុលោមតាមគោលការណ៍ ៣សំខាន់ៗ រួមមាន៖

១- ការដាំដុះដោយមិនភ្ជួររាស់ដី

២- ការរក្សាឱ្យមានគម្របដីជាប្រចាំដោយមិនប្រើថ្នាំកសិកម្មគីមី (Biopesticides)

៣- ការដាំដុះដំណាំគម្របដី ដំណាំបង្វិល ហើយបច្ចេកវិទ្យានេះត្រូវការប្រើប្រាស់ឧបករណ៍ និងគ្រឿងយន្តកសិកម្មជាការចំបាច់។

យ៉ាងណាមិញ កសិករមិនទាន់ទទួលយកបច្ចេកវិទ្យានេះទៅអនុវត្តបានទូលំទូលាយនៅឡើយ ដោយហេតុ ថាការចូលរួមពីផ្នែកឯកជន លើការផ្តល់សេវាប្រើប្រាស់គ្រឿងយន្តកសិកម្ម សម្រាប់ការដាំគ្រាប់ស្ងួតលើដីមិនភ្ជួរ ការភ្ជួរលប់ដំណាំគម្របដីដើម្បីដាំដុះគ្រាប់ពូជដំណាំ និងការប្រមូលផលដំណាំនៅមានតិចតួច ហើយការផ្សព្វផ្សាយអំពីបច្ចេកវិទ្យានេះដល់តួអង្គពាក់ព័ន្ធពីសំណាក់ស្ថាប័នជំនាញក៏នៅមានកម្រិត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៣ នាទី មុន

សេចក្តីជូនដំណឹង ស្តីពីការងារ ជួសជុលផ្លូវ​មេតុង​មេ ដាក់លូ សាងសង់ក្បាលលូ និង​ដាក់​ស្លាកព័ត៌មាន នៅ​ភូមិតាគម ឃុំពាមឯក ស្រុកឯកភ្នំ ខេត្តបាត់ដំបង

សុខភាព៣៧ នាទី មុន

ទូរសព្ទដៃអាចជាភ្នាក់ងារចម្លងកូវីដ ខណៈវីរុសអាចលាក់ខ្លួនលើស្រ្គីនរហូត៤ថ្ងៃ

ព័ត៌មានជាតិ៥២ នាទី មុន

ឈ្មួញនាំសត្វក្របីឆ្លងដែនទៅប្រទេសវៀតណាម ផ្គើននឹងបំរាមអាជ្ញាធរ

ព័ត៌មានអន្ដរជាតិ៥៧ នាទី មុន

គីម ជុងអ៊ុន ឲ្យកងទ័ពកូរ៉េខាងជើងប្រុងជើងការវាយលុកទៅសត្រូវវិញ

ព័ត៌មានជាតិ១ ម៉ោង មុន

អាជ្ញាធរ​ខេត្ត​បន្ទាយមានជ័យ ផ្តល់​ស្បៀងអាហារ និង​ថវិកា​ដល់​កងកម្លាំងយោធា

Sokha Hotels

ព័ត៌មានពេញនិយម

Helistar Cambodia - Helicopter Charter Services