ព័ត៌មានជាតិ
នៅភ្នំពេញមានអ្នកជំងឺកូវីដ កំពុងសម្រាកព្យាបាលប្រមាណ ៧០០០នាក់ និងមានមណ្ឌលព្យាបាលជាង២០កន្លែង
នៅរាជធានីភ្នំពេញ មានមណ្ឌលសម្រាប់ព្យាបាលជំងឺកូវីដ-១៩ ចំនួនជាង២០កន្លែង និងមានអ្នកជំងឺប្រមាណ៧០០០នាក់ បាននឹងកំពុងសម្រាកព្យាបាល ខណៈជំងឺបាននឹងកំពុងរីករាលដាល ពីមួយថ្ងៃទៅមួយថ្ងៃ មិនថមថយសោះ។ នេះជាកង្វល់មួយយ៉ាងធំសម្រាប់រាជរដ្ឋាភិបាល អាជ្ញាធរនិងស្ថាប័នពាក់ព័ន្ធ ដែលតម្រូវឲ្យមានការបំពេញការងារទាំងយប់ទាំងថ្ងៃ ដើម្បីទប់ស្កាត់ឲ្យបាននៅរាតត្បាតនេះ។
មន្ត្រីនៃមន្ទីរសុខាភិបាលរាជធានីភ្នំពេញ បានឲ្យដឹងនៅព្រឹកថ្ងៃទី២៣ កក្កដានេះថា នៅរាជធានីភ្នំពេញ គិតមកដល់ពេលនេះ មានមណ្ឌលសម្រាប់ព្យាបាលជំងឺកូវីដ-១៩ ចំនួនជាង២១កន្លែង និងមានអ្នកជំងឺបាននឹងកំពុងសម្រាកព្យាបាល ប្រមាណ៧០០០នាក់។ ចំនួននេះត្រូវបានប្រែប្រួលរាល់ថ្ងៃ ដោយសារតែមានអ្នកជំងឺកូវីដ-១៩បានចេញ-ចូលរាល់ថ្ងៃ ជួនកាលថ្ងៃខ្លះច្រើន និងថ្ងៃខ្លះតិច តាមជាក់ស្ដែង។
ពាក់ព័ន្ធនឹងជំងឺកូវីដ-១៩នេះដែរ បើយោងតាមសេចក្តីជូនដំណឹង របស់ក្រសួងសុខាភិបាល នៅថ្ងៃទី២៣ កក្កដានេះ គឺគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ បានចេញសេចក្តីប្រកាសព័ត៌មានមួយស្តីពី ការដាក់ឲ្យប្រើប្រាស់សេវាកក់សណ្ឋាគារធ្វើចត្តាឡីស័ក សម្រាប់អ្នកដំណើរចូលមកប្រទេសកម្ពុជា តាមច្រកអាកាសយានដ្ឋានអន្តរជាតិភ្នំពេញ ដើម្បីសម្រួលក្នុងការធ្វើចត្តាឡីស័ក របស់អ្នកដំណើរជាតិ និងអន្តរជាតិ ដែលបានចូលមកក្នុងប្រទេសកម្ពុជា តាមច្រកអាកាសយានដ្ឋានអន្តរជាតិភ្នំពេញ។
ក្នុងនោះគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ បានសម្រេចដាក់ឲ្យអនុវត្តសេវាកក់សណ្ឋា គារចំនួន២ នោះគឺ សណ្ឋាគារសុខាភ្នំពេញ និងរ៉េស៊ីដង់ (Sokha Phnom Penh Hotel & Residence) និងសណ្ឋាគារ ខថយ៉ាដម៉ារីយ័តភ្នំពេញ (Courtyard by Marriott Phnom Penh)។ ចំពោះអ្នកដំណើរ ដែលមិនប្រើប្រាស់សេវាកក់សណ្ឋាគារទាំង២ខាងលើ នឹងត្រូវអនុវត្តនីតិវិធី ដែលមានស្រាប់ជាធរមាន ដោយត្រូវតម្កល់ប្រាក់ចំនួន ២.០០០ដុល្លារអាមេរិក សម្រាប់ធានាចំណាយក្នុងដំណើរការធ្វើចត្តាឡីស័ក និងត្រូវធ្វើតាមទីតាំង ដែលកំណត់ដោយអាជ្ញាធរមានសមត្ថកិច្ច៕ (ដោយ)៖ ស្រីរ័ត្ន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ