ព័ត៌មានជាតិ
សម្តេចតេជោហ៊ុនសែន៖ នៅអង់គ្លេស អាមេរិក អ្នកចាក់វ៉ាក់សាំងពីរដង នៅតែមានអ្នកឆ្លង អ្នកស្លាប់
ប្រមុខរដ្ឋាភិបាលបានថ្លែងថា នៅប្រទេសអភិវឌ្ឍដូចជាអង់គ្លេស និងអាមេរិក អ្នកចាក់វ៉ាក់សាំងពីរដូសរួច ក៏នៅតែមានអ្នកឆ្លង និងអ្នកស្លាប់ដោយកូវីដ។ នេះជាសារបញ្ជាក់របស់សម្តេចតេជោហ៊ុន សែន ក្នុងឱកាសទទួលវ៉ាក់សាំងកូវីដជាជំនួយរបស់រដ្ឋាភិបាលកម្ពុជាកាលពីរាត្រីថ្ងៃ ២៣ កក្កដា ឆ្នាំ២០២១។
សម្តេចតេជោបានថ្លែងបញ្ជាក់យ៉ាងដូច្នេះថា៖ “ប្រទេសអ្នកមានៗដែលអួតពីប្រសិទ្ធភាពវ៉ាក់សាំងរបស់ខ្លួននោះសុទ្ធតែមានអ្នកស្លាប់ និងអ្នកឆ្លងជាបន្តបន្ទាប់ មិនមានតែប្រទេសកម្ពុជានោះទេ”។ ប្រមុខរដ្ឋាភិបាលបានបន្តថា ទោះបីអ្នកចាក់វ៉ាក់សាំងរួច ឬមិនទាន់ចាក់វ៉ាក់សាំង មានតែវិធានការ ៣ កុំ ៣ ការពារ ជាវិធីដ៏ល្អបំផុតសម្រាប់ការពារអាយុជីវិតមនុស្សគ្រប់គ្នា។
បើតាមប្រមុខរដ្ឋាភិបាល គ្រោងចាក់វ៉ាក់សាំងដល់ប្រជាពលរដ្ឋកម្ពុជាឲ្យបាន ១០ លាននាក់ត្រឹមខែតុលានេះ និងបន្តបើកយុទ្ធនាការចាក់វ៉ាក់សាំងដល់កុមារ និងយុវវ័យពីអាយុ ១២ ឆ្នាំ ដល់ ១៧ ឆ្នាំដែលមានប្រមាណជាង ២ លាននាក់។ សម្តេចតេជោបានថ្លែងថា ពេលនោះពលរដ្ឋប្រមាណ ១២ លាននាក់ស្មើ ៧៥%នៃចំនួនពលរដ្ឋសរុប នឹងទទួលបានការការពារពីជំងឺកូវីដ ១៩។
គិតត្រឹមល្ងាច ២៣ កក្កដា ឆ្នាំ ២០២១ យុទ្ធនាការចាក់វ៉ាក់សាំងដល់ប្រជាពលរដ្ឋកម្ពុជាចាប់ពីអាយុ ១៨ ឆ្នាំ បានជាង ៦ លាន ៥ សែននាក់ ស្មើ ៦៣ ភាគរយធៀបប្រជាជនគោលដៅ ១០ លាននាក់ ដែលបានទទួលការចាក់វ៉ាក់សាំងរួច។
រដ្ឋាភិបាលប្រកាសបន្តបើកយុទ្ធនាការចាក់វ៉ាក់សាំងដល់កុមារ និងយុវវ័យពីអាយុ ១២ ឆ្នាំដល់ ១៧ ឆ្នាំចាប់ពីថ្ងៃ ០១ សីហា ២០២១នេះតទៅ ដើម្បីបង្កើតភាពស៉ាំក្នុងសហគមន៍ ការពារសុខុមាលភាពប្រជាពលរដ្ឋ៕
អត្ថបទ៖ ប៊ុណ្ណារ៉ា
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ