ព័ត៌មានជាតិ
រាជធានីភ្នំពេញ អ្នកទោសជាប់ឃុំឃាំងទាំងអស់ បានចាក់វ៉ាក់សាំងគ្រប់ ២ ដូស
ភ្នំពេញ៖ អ្នកជាប់ឃុំក្នុងពន្ធនាគារទូទាំងប្រទេសប្រមាណជាង១ ម៉ឺននាក់បានទទួលការចាក់វ៉ាក់សាំង ការពារជំងឺកូវីដ១៩ ខណៈនៅរាជធានីភ្នំពេញអ្នកជាប់ឃុំទាំងអស់ បានទទួលការចាក់វ៉ាក់សាំងចំនួន២ដូសគ្រប់ៗគ្នា។ នេះបើតាមការបញ្ជាក់ពីលោក នុត សាវនា អ្នកនាំពាក្យអគ្គនាយកដ្ឋានពន្ធនាគារប្រាប់សារព័ត៌មានដឹងនៅថ្ងៃទី២៥ខែកក្កដានេះ។
អ្នកនាំពាក្យអគ្គនាយកដ្ឋានពន្ធនាគារបានបន្តថា អ្នកជាប់ឃុំចំនួន១១ ៤០០នាក់បានទទួលវ៉ាក់សាំងគ្រប់ចំនួន២ដូសរួចរាល់ ខណៈដែលអ្នកកំពុងជាប់ឃុំចំនួន ៨ ៣៦០នាក់ផ្សេងទៀត ទើបតែទទួលវ៉ាក់សាំងចំនួន១ដូស។ ចំនួននេះបើគិតជាភាគរយគឺអ្នកជាប់ឃុំប្រមាណជិត៣០% ទទួលបានវ៉ាក់សាំងចំនួន ២ដូសឯ២២% ទៀតទទួលបាន១ដូសនិងរៀបចំចាក់បន្ត។
អគ្គនាយកដ្ឋានពន្ធនាគារកាលពីថ្ងៃទី ៧ ឧសភា ២០២១ បានចាប់ផ្តើមចាក់វ៉ាក់សាំងការពារជំងឺកូវីដ-១៩ ដល់អ្នកជាប់ពន្ធនាគារចំនួន ៣ នៅរាជធានីភ្នំពេញដែលមានអ្នកជាប់ឃុំប្រមាណជាង១ម៉ឺននាក់។
កាលពីខែឧសភាកន្លងទៅ មានអ្នកជាប់ឃុំនៅពន្ធនាគារខេត្តព្រះសីហនុចំនួន ៣៤នាក់ និងនៅពន្ធនាគារព្រៃសក្នុងមណ្ឌលអប់រំកែប្រែទី១(ម១)ចំនួន១៨នាក់ រកឃើញបានឆ្លងជំងឺកូវីដ១៩។
បើតាមអ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ លោក នុត សាវនា ប្រភពចម្លងដំបូងនៅមណ្ឌលអប់រំកែប្រែទី១(ម១)នៃពន្ធនាគារព្រៃសរាជធានីភ្នំពេញ អាចផ្តើមចេញពីកម្មករសំណង់ដែលដឹកសម្ភារៈចូលបរិវេណពន្ធនាគារ ដើម្បីសាងសង់សំណង់ផ្សេងៗ។ ដោយឡែកនៅខេត្តព្រះសីហនុ ករណីឆ្លងក្នុងពន្ធនាគារទំនងបណ្តាលមកពីជនជាតិតៃវ៉ាន់ ដែលជាប់ឃុំពេលកំពុងត្រៀមបញ្ជូនទៅប្រទេសដើមវិញ៕
អត្ថបទ៖ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង