មន្រ្តីសុខាភិបាល ៤ ​នាក់ ក្នុង​ចំណោម​អ្នករកឃើញ​​មេរោគ​បំប្លែងថ្មីដែលតាមកពី​ឥណ្ឌា

ក្រសួង​សុខាភិបាល​បានជូនដំណឹង​​នៅព្រឹកនេះ ​ពីការរកឃើញមេរោគ​បំប្លែងខ្លួន​ថ្មី (Delta) លើជនជាតិខ្មែរចំនួន ៣៩ នាក់​ទៀត។

តាម​ប្រភព​ពី​ក្រសួង​សុខាភិបាល មានមន្រ្តី​សុខាភិបាល​ចំនួន ០៤ នាក់ ស្ថិត​ក្នុង​ចំណោម​​អ្នក​ដែល​រកឃើញ​មេរោគ​បំប្លែង​ខ្លួនថ្មី​ទាំង ៣៩ នាក់។

គិតចាប់ពីថ្ងៃទី៣១ ខែមីនា ឆ្នាំ២០២១ ដល់ថ្ងៃទី២៥ ខែកក្កដា ឆ្នាំ២០២១ កម្ពុជាបានរកឃើញអ្នកមានវិជ្ជមានវីរុសកូវី៥-១៩ ប្រភេទដែលតា (Delta) សរុបទាំងអស់ចំនួន ១១៤ នាក់ (ស្រ្តី ៥៩នាក់) ។

រដ្ឋមន្រ្តី​ក្រសួង​សុខាភិបាល​ ឯកឧត្តមម៉ម ប៊ុនហេង បាន​ក្រើនរំលឹកហើយរំលឹកទៀតដល់សាធារណជន បងប្អូនប្រជាពលរដ្ឋ ឱ្យបន្តប្រុងប្រយ័ត្នខ្ពស់ ការពារខ្លួន កុំភ្លេចខ្លួនឲ្យសោះ ដោយត្រូវចេះផ្លាស់ប្តូរទម្លាប់រស់នៅ ដើម្បី​កាត់ផ្តាច់នូវខ្សែចម្លងនៃវីរុស កូដ-១៩ ជាពិសេសពពួកប្រភេទបំប្លែងថ្មីនេះ ឬក៏ប្រភេទថ្មីផ្សេងទៀត។

មន្រ្តី​ក្រសួងសុខាភិបាល បាន​លើក​ឡើង​ពី​ការចម្លងនាបច្ចុប្បន្ននេះមានសន្ទុះកើនឡើងលើយុវវ័យ ដែល ក្រុមនេះបានដើរចេញក្រៅផ្ទះច្រើន ឬមានការជួបជុំមិត្តភ័ក្ត្រ។ ហេតុនេះ​លោក​រដ្ឋមន្រ្តី​ក៏​អំពាវនាវដល់យុវវ័យគ្រប់រូប សូមចូលរូបរនុវត្ត នូវ រលការណ៍ណែនាំរបស់ក្រសួងសុខាភិបាល ដើម្បី​ការពារបុគ្គលខ្លួនឯង កុំនាំវីរុសវីង១៩ មកចូលផ្ទះ និងដើម្បីការពារសមាជិកត្រសាររបស់ខ្លួន ជាពិសេស ឪពុកម្តាយ ជីដូនជីតា​មាន​ជំងឺប្រចាំកាយ ជាបុគ្គលងាយរងគ្រោះ និងប្រឈមខ្ពស់ចំពោះភាពធ្ងន់ធ្ងរនៃជំងឺ ឬឈានទៅដល់ការស្លាប់បើមានការឆ្លងវីរុសកូវីដ-១៩នេះ៕