ព័ត៌មានជាតិ
ពាក់ម៉ាស់ឲ្យបានត្រឹមត្រូវ ពេលដើរចេញក្រៅផ្ទះ សមត្ថកិច្ចចាប់ផ្តើមអនុវត្តផាកពិន័យហើយ!
លោកឧត្តមសេនីយ៍ ស ថេត អគ្គស្នងការរង និងជាស្នងការនគរបាលរាជធានីភ្នំពេញបានបញ្ជាក់តាមរយៈសារជាសម្លេងនៅក្នុងតេឡេក្រាម ដោយប្រាប់ឲ្យកម្លាំងសមត្ថកិច្ចតាមគោលដៅចរាចរណ៏ទាំងអស់ ណែនាំប្រជាពលរដ្ឋ ដែលធ្វើដំណើរតាមផ្លូវធ្វើការពាក់ម៉ាស់ឲ្យបានត្រឹមត្រូវ បើមិនដូច្នោះទេនឹងទទួលរងការផាកពិន័យ។
លោកឧត្តមសេនីយ៍ ស ថេត បានបញ្ជាក់ថា តាមការណែនាំរបស់នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ បានណែនាំឲ្យអនុវត្តចាប់ពីថ្ងៃនេះម៉ោងនេះតទៅ ចំពោះអ្នកដើរ ជិះម៉ូតូ ឬជិះកង់ ដោយមិនមានការពាក់ម៉ាស ដូច្នេះគោលដៅចរាចរណ៍ទាំងអស់ ប្រសិនបើឃើញសូមណែនាំឱ្យពាក់ម៉ាស់ចាប់ពីពេលនេះតទៅ បើមិនដូច្នោះទេនឹងមានក្រុមអនុវត្តច្បាប់ នឹងធ្វើការផាកពិន័យលើអ្នកទាំងនោះ។
បើតាមលោកឧត្តមសេនីយ៍ ស ថេត ការធ្វើដូច្នេះគឺដើម្បីទប់ស្កាត់ការរីករាលដាលជំងឺកូវីដ១៩ ជាពិសេសជំងឺកូវីដ១៩ បម្លែងថ្មី ឬហៅថា Delta ដូច្នេះបងប្អូនសមត្ថកិច្ចនៅតាមគោលដៅទាំងអស់ ត្រូវយកចិត្តទុកដាក់អនុវត្តចាប់ពីពេលនេះតទៅ “បើឃើញសូមគ្រនាប់គាត់ឱ្យអែបឈប់ ហើយណែនាំគាត់គាត់ឱ្យពាក់ម៉ាស់ នេះជាការអប់រំចាប់ពីថ្ងៃនេះ ម៉ោងនេះតទៅ បន្ទាប់ទៅយើងដឹងធ្វើការផាកពិន័យចំពោះបុគ្គល ដែលមិនពាក់ម៉ាស់ ដូច្នេះសូមអនុវត្តពីឥឡូវនេះទៅ”។
ចំណែកនៅលើផេកហ្វេសប៊ុករបស់ស្នងការនគរបាលរាជធានីភ្នំពេញ ក៏បានផ្សព្វផ្សាយឲ្យបងប្អូនប្រជាពលរដ្ឋទាំងអស់ ដែលរស់នៅរាជធានីភ្នំពេញ នៅពេលធ្វើដំណើរដោយថ្មើរជើងក្តី ជិះកង់ក្តី ជិះម៉ូតូក្តី ម៉ូតូកង់បីក្តី ត្រូវចូលរួមពាក់ម៉ាស់ឲ្យបានគ្រប់ៗគ្នា ដើម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ១៩ ។
បើតាមស្នងការនគរបាលរាជធានីភ្នំពេញបញ្ជាក់ថា សមត្ចកិច្ចគ្រប់គោលដៅ នឹងចាប់ផ្តើមត្រួតពិនិត្យ និងណែនាំអប់រំចាប់ពីពេលនេះតទៅ ហើយបន្ទាប់ពីធ្វើការណែនាំ នៅតែមិនអនុវត្ត នោះសមត្ថកិច្ចនឹងធ្វើការផាកពិន័យតាមច្បាប់កំណត់៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ