ព័ត៌មានជាតិ
រាជរដ្ឋាភិបាល សម្រេចបិទផ្អាកនាំចូលសាច់បង្កកពីបរទេស
ភ្នំពេញ ៖លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទនៅថ្ងៃទី២៩ខែ កក្កដា ២០២១ នេះបានមានប្រសាសន៍ឲ្យសារព័ត៌មានបានដឹងថា ប្រមុខរាជរដ្ឋាភិបាលកម្ពុជាបានសម្រេចផ្អាកការនាំចូលសាច់បង្កកពីបរទេសមួយរយៈ។
លោក វេង សាខុន បានថ្លែងថា កាលពីពេលថ្មីៗនេះកម្ពុជាបានរកឃើញវីរុសកូវីដ១៩ នៅក្នុងសាច់ក្របីបង្កកដែលនាំចូលពីប្រទេសឥណ្ឌាចំនួន៣កុងតឺន័រក្នុងចំណោម ៥កុងតឺន័រនៅទីលានផែស្ងួត ត្រីកូដ ដ្រាយផត ប៉ុន្តែក៏ត្រូវបានដុតបំផ្លាញចោលរួចរាល់ហើយនៅក្នុងខេត្តកំពង់ស្ពឺ ដូច្នេះទើបប្រមុខរាជរដ្ឋាភិបាលកម្ពុជាសម្រេចផ្អាកនូវការនាំចូលសាច់បង្កកពីបរទេសមួយរយៈ។
លោករដ្ឋមន្រ្តីបានឲ្យដឹងថា ការសម្រេចនេះធ្វើឡើងបន្ទាប់ពីលោកឧបនាយករដ្ឋមន្ត្រី អូន ព័ន្ធមុនីរត្ន រដ្ឋមន្ត្រី ក្រសួងសេដ្ឋកិច្ចនិងហិរញ្ញវត្ថុ បានដាក់លិខិតសុំផ្អាកការនាំចូលសាច់បង្កកពីបរទេសជូនប្រមុខរាជរដ្ឋាភិបាលកម្ពុជាសម្រេច ។
នេះជាលើកទី២ហើយ ដែលកម្ពុជាបានផ្អាកជាបណ្តោះអាសន្ននូវការ នាំចូលសាច់បង្កកពីប្រទេសឥណ្ឌាដែលលើកទី១បានធ្វើឡើងកាលពីខែឧសភា បន្ទាប់ពីប្រទេសឥណ្ឌាមានការផ្ទុះឡើងនូវករណីឆ្លងជំងឺកូវីដ១៩ច្រើន ។
គួរបញ្ជាក់ថា កម្ពុជាជាទីផ្សារធំមួយក្នុងការនាំចូលសាច់បង្កកមកពីប្រទេសឥណ្ឌា។ ជាក់ស្តែងរយៈពេល២ខែ ឆ្នាំ ២០២១កម្ពុជាបាននាំចូលសាច់បង្កកពីប្រទេសឥណ្ឌា ក្នុងទំហំទឹកប្រាក់ជាង ៩,៣២ លានដុល្លារអាមេរិក គឺស្មើនឹងជាងពាក់កណ្តាលនៃទំហំទឹកប្រាក់នាំចូលក្នុងឆ្នាំ ២០២០ ដែលមានទំហំទឹកប្រាក់១៧,៧ លានដុល្លារកើនឡើងពី ៦,៤ លានដុល្លារធៀបនឹងឆ្នាំ ២០១៩ ។ នេះបើយោងតាមសេចក្ដីប្រកាសព័ត៌មានរបស់ស្ថានទូតឥណ្ឌាប្រចាំទីក្រុងភ្នំពេញ ៕
អត្ថបទ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង