ព័ត៌មានជាតិ
ខេត្តកណ្តាល មានគោលដៅចាក់វ៉ាក់សាំង ដល់កុមារ និង យុវវ័យ ជាង១៤ម៉ឺននាក់
លោកវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានឱ្យដឹង នៅព្រឹកថ្ងៃទី៣សីហាថា ខេត្តកណ្តាល មានគោលដៅចាក់វ៉ាក់សាំង ដល់កុមារ និងយុវវ័យ ជាង១៤ម៉ឺននាក់ ខណៈថ្ងៃបើកយុទ្ធនាការដំបូង ចាក់បាន ចំនួន១៦០១៤នាក់។
លោកវេជ្ជបណ្ឌិត បានបន្តថា យុទ្ធនាការចាក់វ៉ាក់សាំង ដល់ដល់កុមារ និងយុវជនចាប់ពី១២ឆ្នាំដល់ក្រោម១៨ ឆ្នាំនេះ សម្រាប់ដូសទី១ ចាប់ពីថ្ងៃទី១ ដល់ថ្ងៃទី១៤ ខែសីហា ឆ្នាំ២០២១ និងសម្រាប់ដូសទី២ ចាប់ពីថ្ងៃទី ២២ ខែសីហា ដល់ថ្ងៃទី៤ ខែកញ្ញា ឆ្នាំ២០២១។
លោកវេជ្ជបណ្ឌិត បានបន្តទៀតថា យុទ្ធនាការចាក់វ៉ាក់សាំង គ្របដណ្ដប់លើក្រុងស្រុក ចំនួន១២ នៃខេត្តកណ្តាល។ ក្នុងនោះក្រុងតាខ្មៅ ចាក់នៅមន្ទីរពេទ្យបង្អែកជ័យជំនះ មណ្ឌលសុខភាពសិត្បូ មណ្ឌលសុខភាពស្វាយរលំ អនុវិទ្យាល័យខ្ពបវែង។ ស្រុកកណ្តាលស្ទឹងចាក់នៅមន្ទីរពេទ្យបង្អែកកណ្តាលស្ទឹង និងមណ្ឌលសុខភាពសៀមរាប។
ស្រុកកៀនស្វាយ ចាក់នៅមន្ទីរពេទ្យបង្អែកកៀនស្វាយ មណ្ឌលសុខភាពសំរោងធំ និងមណ្ឌលសុខភាពកំពង់ស្វាយ។ ស្រុកខ្សាច់កណ្តាល ចាក់នៅមន្ទីរពេទ្យបង្អែកខ្សាច់កណ្តាល អនុវិទ្យាល័យរកាជន្លឹង អនុវិទ្យាល័យវិហារសួគ៌និង អនុវិទ្យាល័យព្រែកអំពិល។ ស្រុកកោះធំចាក់នៅមន្ទីរពេទ្យបង្អែកកោះធំ វត្តកោះទាវ វត្តឈើខ្មៅនិង វត្តជ្រុងរមាស។
ស្រុកលើកដែកចាក់នៅមន្ទីរពេទ្យបង្អែក លើកដែក ស្រុកល្វាឯម ចាក់នៅវត្តពោធិ៍មាស វិទ្យាល័យ ល្វាស ស្រុកមុខកំពូលចាក់ នៅមន្ទីរពេទ្យបង្អែក ប៊ុនរ៉ានី ហ៊ុនសែន រកាកោង និងតវិទ្យាល័យជាស៊ីមព្រែកអញ្ចាញ។ ស្រុកអង្គស្នួលចាក់ នៅមន្ទីរពេទ្យបង្អែកអង្គស្នួល និងមណ្ឌលសុខភាពដំណាក់អំពិល។ ស្រុកពញាឮ ចាក់នៅមន្ទីរពេទ្យបង្អែកពញាឮ មណ្ឌលសុខភាពជ្រៃលាស់ និងមណ្ឌលសុខភាពកោះចិននិងស្រុកស្អាង ចាក់នៅមន្ទីរពេទ្យបង្អែកស្អាង មណ្ឌលសុខភាព តាលន់ វិទ្យាល័យ ហ៊ុន សែន ព្រែកអំបិល និងសាលាអណ្តែត ឃុំក្រាំងយ៉ូវ។
សូមជម្រាបថា រយៈពេល២ថ្ងៃ នៃការចាប់ផ្តើមដំណើរការ ចាក់វ៉ាក់សាំងការពារជំងឺកូវីដ១៩ ជូនកុមារ និង យុវវ័យ មានអាយុចាប់ពី១២ឆ្នាំ ដល់១៧ឆ្នាំ ក្រុមគ្រូពេទ្យចាក់វ៉ាក់សាំងស៊ីណូវ៉ាក់ បានចំនួន ៧៩,៦៧៦នាក់ ខណៈថ្ងៃបើកដំបូង ចាក់បាន ចំនួន៣៦,៨៣០នាក់៕ (ដោយ)៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ