ព័ត៌មានជាតិ
វ៉ាក់សាំងជំនួយរបស់ចក្រភពអង់គ្លេសនឹងដឹកមកដល់កម្ពុជានៅល្ងាចស្អែកនេះ
វ៉ាក់សាំងប្រភេទ AstraZeneca ដែលជាការផ្តល់ជំនួយរបស់ចក្រភពអង់គ្លេសចំនួន ៤១៥ ០០០ ដូស ក្នុងក្របខណ្ឌទ្វេភាគី ជូនរាជរដ្ឋាភិបាលកម្ពុជា នឹងដឹកមកដល់កម្ពុជានៅល្ងាចថ្ងៃទី០៤ ខែសីហា ឆ្នាំ២០២១ ស្អែកនេះ។
បើតាមកម្មវិធីដែលបានគ្រោងទុក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញទៅទទួលវ៉ាក់សាំងនោះដោយផ្ទាល់។ នេះបើតាមការបញ្ជាក់របស់សម្តេចតេជោ នៅក្នុងឱកាសអញ្ជើញប្រកាសបើកយុទ្ធនាការចាក់វ៉ាក់សាំងកូវីដ១៩ ដល់កុមារ និងយុវវ័យដែលមានអាយុចាប់ពី១២ឆ្នាំដល់ក្រោម១៨ឆ្នាំ កាលពីថ្ងៃទី១ ខែសីហា ឆ្នាំ២០២១។
សូមបញ្ជាក់ថា ចក្រភពអង់គ្លេសបានសម្រេចផ្តល់វ៉ាក់សាំងបង្ការជំងឺកូវីដ១៩ ចំនួនជាង៤១ម៉ឺនដូសដល់ប្រទេសកម្ពុជា ហើយបើតាមស្ថានទូតចក្រភពអង់គ្លេសប្រចាំនៅកម្ពុជា វ៉ាក់សាំងនឹងដឹកចេញពីចក្រភពអង់គ្លេសនៅសប្ដាហ៍នេះ។
ចក្រភពអង់គ្លេសបានប្តេជ្ញាថា នឹងបរិច្ចាគវ៉ាក់សាំងចំនួន១០០លានដូសដល់ប្រទេសនានា នៅត្រឹមខែមិថុនាឆ្នាំ២០២២ ដែល៨០ លានដូស នៃចំនួននេះនឹងត្រូវបានបរិច្ចាគតាមរយៈយន្តការ COVAX។ ស្ថានទូតបញ្ជាក់ដែរថា ក្នុងសប្ដាហ៍នេះ ចក្រភពអង់គ្លេសនឹងចាប់ផ្តើមបញ្ជូនវ៉ាក់សាំង Covid-19 ចំនួន៩ លានដូស ទៅកាន់ប្រទេសជាច្រើនទូទាំងពិភពលោក រួមទាំងប្រទេសកម្ពុជាផងដែរ ដើម្បីដោះស្រាយបញ្ហា Covid-19។
វ៉ាក់សាំង គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ១៩ ដែលកំពុងរីករាលដាលលើពិភពលោក។ រាជរដ្ឋាភិបាលកម្ពុជា បានដាក់ចេញផែនការផ្តល់វ៉ាក់សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំងនឹងជំងឺកូវីដ-១៩។ ដើម្បីចូលរួមប្រយុទ្ធប្រឆាំងនឹងការរាតត្បាតជំងឺកូវីដ១៩នៅកម្ពុជា មានប្រទេសជាមិត្តចំនួន៤ហើយ បានផ្តល់ជំនួយវ៉ាក់សាំងមកកម្ពុជា ក្នុងនោះរួមមាន៖ ចិនផ្តល់ជាង២លានដូស, ជប៉ុន១លានដូស, សហរដ្ឋអាមេរិក១លានដូស និងអង់គ្លេសចំនួន៤១ម៉ឺន៥ពាន់ដូស។
គិតត្រឹមថ្ងៃទី២ ខែសីហា ឆ្នាំ២០២១ ការចាក់វ៉ាក់សាំងបង្ការជំងឺកូវីដ-១៩ នៅកម្ពុជាបានចំនួន ៧៤ភាគរយហើយ ធៀបជាមួយចំនួនប្រជាជនគោលដៅ១០លាននាក់៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង