ព័ត៌មានជាតិ
អាជ្ញាធរនៅតែប្រុងប្រយ័ត្ន ក្រោយតេស្តអាជីករផ្សារដើមគរាប់រយនាក់អវិជ្ជមាន
ភ្នំពេញ៖ អាជ្ញាធររាជធានីភ្នំពេញកំពុងបន្តតាមដានលើពលរដ្ឋដែលជាប់ពាក់ព័ន្ធនឹងអ្នកជំងឺកូវីដ-១៩ បំប្លែងថ្មីប្រភេទ (ដែលតា)យ៉ាងយកចិត្តទុកដាក បើទោះបីអាជ្ញាធររាជធានីភ្នំពេញសហការជាមួយក្រុមគ្រូពេទ្យ ពិនិត្យយកសំណាក(តេស្តរហ័ស ) លើអ្នកសង្ស័យឃើញអវិជ្ជមានទាំងអស់គ្នាក៏ដោយ។
អភិបាលរងរាជធានីភ្នំពេញ លោក កើត ឆែ បានមានប្រសាសន៍ថា ក្រោយពីបានរកឃើញអ្នកជំងឺកូវីដ-១៩ បំម្លែងថ្មីប្រភេទដែលតា បានចូលទៅទិញឥវ៉ាន់នៅផ្សារដើមគរ និងនៅទីតាំងមួយចំនួនទៀតភ្លាម អាជ្ញាធររាជធានីភ្នំពេញបានបិទជាបន្ទាន់ទីតាំងដែលពាក់ព័ន្ធ ហើយក៏បានណែនាំឲ្យអាជីវករនិងអ្នកសង្ស័យទាំងអស់ទៅធ្វើតេស្តរហ័សភ្លាមៗ ដើម្បីស្វែងរកមេរោគដ៏កាចសាហាវនេះឲ្យបានទាន់ពេលវេលា កុំឲ្យរាលដាលទៅអ្នកផ្សេងទៀត ខណ:វីរុសបំម្លែងថ្មីប្រភេទដែលតានេះ មានលទ្ធភាពចម្លងលឿនជាងមេរោគផ្សេងទៀតនោះ។
លោកកើត ឆែ បន្តថា ជាលទ្ធផលនៃការធ្វើ (តេស្តរហ័ស ) អ្នកសង្ស័យឃើញថាសុទ្ធតែអវិជ្ជមានទាំងអស់។នេះមានន័យថា ស្ថានភាពនៅពេលនេះ គឺអាជ្ញាធរអាចគ្រប់គ្រងការឆ្លងមេរោគដែលតានេះបានល្អប្រសើរហើយ។ ប៉ុន្តែទោះបីជាយ៉ាងណាក្តី ប្រជាពលរដ្ឋទាំងអស់នោះមិនឆ្លងមេរោគបំប្លែងថ្មីដែលតាក៏ដោយ ក៏អាជ្ញាធរនៅតែបន្តយកចិត្តទុកដាក់ត្រួតពិនិត្យ និងបិទខ្ទប់រាល់ទីតាំងដែលសង្ស័យជាបន្តបន្ទាប់ ពិសេសហាមឃាត់ការចេញចូលរបស់ប្រជាពលរដ្ឋ ដែលរស់នៅតំបន់ដែលមានហានិភ័យ រយ:ពេល១៤ថ្ងៃ ដើម្បីកាត់ផ្តាច់ខ្សែចម្លងមេរោគបំប្លែងថ្មីនេះកុំឲ្យរាលដាលទៅអ្នកដទៃ។
លោកកើត ឆែ បញ្ជាក់ទៀតថា “ស្ថានភាពឥឡូវនេះយើងអាចគ្រប់គ្រងមេរោគដែលតា ដោយមិនគួរឲ្យមានការព្រួយបារម្ភទេ។ ការយកសំណាក នៅផ្សារដើមគរនិងទីតាំងមួយចំនួនដែលអ្នកជំងឺចូល យើងពុំទាន់រកឃើញនរណាម្នាក់ឆ្លងមេរោគដែលតាមួយទេ។ អញ្ចឹងមានន័យថា យើងអាចគ្រប់គ្រងអ្នកជំងឺដែលតានឹងបាន តែយើងត្រូវតែបន្តតាមដានខ្លាចយើងខ្វះខាត ដោយចំណុចណាមួយ”។
គួរបញ្ជាក់ថា គិតចាប់ពីថ្ងៃទី៣១ មីនា ដល់ថ្ងៃទី៣សីហាឆ្នាំ២០២១ កម្ពុជារកឃើញអ្នកមានវិជ្ជមានវីរុសកូវីដ១៩ ប្រភេទដែលតា (Delta) លើពលករត្រឡប់ពីថៃ អ្នកដំណើរមកតាមយន្តហោះ បុគ្គលិកសុខាភិបាល និងអ្នកភូមិនៅក្នុងសហគមន៍ សរុបចំនួន២៦០នាក់។ ក្នុងចំនួននេះអ្នកឆ្លងមេរោគបំប្លែងថ្មីនេះ មាននៅភ្នំពេញចំនួន១០ករណី។ អាជ្ញាធររាជធានីភ្នំពេញ ក៏បានបិទជាបណ្តោះអាសន្នមូលដ្ឋានមួយចំនួនក្នុងខណ្ឌចំនួន៣ ដែលជាប់ពាក់ព័ន្ននឹងអ្នកជំងឺកូវីដ-១៩ បំប្លែងថ្មីដែលតា ក្នុងនោះមានខណ្ឌឬស្សីកែវ ខណ្ឌទួលគោក និង ខណ្ឌពោធិ៍សែនជ័យ៕
អត្ថបទ៖ ស្រីរ័ត្ន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ