ព័ត៌មានជាតិ
Alibaba យកម្រេចកំពតនិងស្វាយចន្ទីកម្ពុជាចែកចាយលក់លើទីផ្សារ
ភ្នំពេញ៖ លេខាធិការដ្ឋានមូលនិធិអភិវឌ្ឍន៍សហគ្រិនភាព (Enterpreneuship Development Fund) កម្ពុជាបានជ្រើសរើសយកផលិតផលគ្រាប់ស្វាយចន្ទី និងម្រេចកំពត GI សម្រាប់ការដាក់លក់នៅលើផ្លេតហ្វមរបស់ក្រុមហ៊ុនយក្សរបស់ចិន ( Alibaba) ។
មូលនិធិអភិវឌ្ឍន៍សហគ្រិនភាព (Enterpreneuship Development Fund) នៃក្រសួងសេដ្ឋកិច្ចនិងហិរញ្ញវត្ថុនៅថ្ងៃទី៣ ខែ សីហា នេះ បានដឹកនាំកិច្ចប្រជុំតាមប្រព័ន្ធអនឡាញ ជាមួយតំណាងក្រុមហ៊ុន Alibaba.com ស្តីពីការស្វែងយល់ពីប្រព័ន្ធអេកូឡូស៊ី E-commerce និងលទ្ធភាពក្នុងការទទួលបានការដាក់លក់ទំនិញរបស់កម្ពុជានៅលើ Platform របស់ក្រុមហ៊ុន Alibaba ពិសេសសម្រាប់ទីផ្សារប្រទេសចិន។
លោក ជា កុកហុង ប្រធានលេខាធិការដ្ឋានមូលនិធិអភិវឌ្ឍន៍សហគ្រិនភាពបានឲ្យដឹងថា ក្នុងកិច្ចប្រជុំនេះភាគីទាំង ២ បានលើកពិភាក្សាអំពីបញ្ហាឡូជីស្ទិកនិងការធ្វើសាមញ្ញកម្ម នីតិវិធីគយនៃប្រទេសទាំង២ដើម្បីអាចស្វែងរកដៃគូយុទ្ធសាស្ត្រ និងចេះធ្វើទីផ្សារបែបឌីជីថលផលិតផលសម្រាប់ទីផ្សារប្រទេសចិន។ ជាលទ្ធផលផលិតផលស្វាយចន្ទីនិងម្រេចកំពត GI ត្រូវបានជ្រើសរើសត្រៀមលក្ខណៈធ្វើការសាកល្បងដាក់លក់នៅលើ Platform របស់ក្រុមហ៊ុន Alibaba។
ផលិតផលគ្រាប់ស្វាយចន្ទីនិងម្រេចកំពត GI ជាផលិតផលគំរូផ្តល់ឱ្យភាគីក្រុមហ៊ុន Alibaba។ ដោយសារផលិតផលទាំង ២ នេះមានសក្តានុពលខ្លាំង ពីព្រោះការនាំចេញគ្រាប់ស្វាយចន្ទីមានកំណើនខ្ពស់ ដូចនេះបើកំណើននេះស្រូបទាញទីផ្សារចិនបានមួយចំនួនធំ នឹងអាចជំរុញសកម្មភាពផលិតកម្មកាន់តែច្រើនថែមទៀតហើយម្រេចក៏ដូចគ្នាដែរ ហើយនេះជាការជួយដល់កសិករកម្ពុជា ។
បើតាមរបាយការណ៍ក្រសួងកសិកម្មរុក្ខាប្រមាញ់និងនេសាទបង្ហាញថា ក្នុងរយៈពេល ៧ខែដំបូង ដើមឆ្នាំ២០២១នេះ កម្ពុជាសម្រេចការនាំចេញម្រេចទៅកាន់ទីផ្សារអន្តរជាតិប្រមាណជាង ២ម៉ឺន២ពាន់តោនមានការកើនឡើងជាង៥០០ភាគរយ ធៀបនឹងរយៈពេលដូចគ្នាឆ្នាំ២០២០ ក្នុងនោះបរិមាណនាំចេញម្រេចទៅកាន់ប្រទេសវៀតណាម មានចំនួនច្រើនជាងគេបំផុត។
ទិន្នន័យបញ្ជាក់ថា ម្រេចរបស់កម្ពុជាបាននាំចេញទៅកាន់ប្រទេសវៀតណាមក្នុងបរិមាណ២ម៉ឺន២ ពាន់២០០តោន ខណៈការនាំចេញទៅអាឡឺម៉ង់ជាង ២២៥តោន នាំចេញទៅកោះតៃវ៉ាន់ជាង ១៥តោន ឥណ្ឌា ៤២តោន បារាំង ២០តោន ប៊ែលហ្សិកជាង ១៥តោន និងក្រៅពីនោះមាននាំចេញទៅ ប៉ូឡូញជាង ៧តោន និងបន្តបន្ទាប់មានស្វីស ជប៉ុន អង់គ្លេស និងសឹង្ហបុរីជាដើម។
លោក ងួន ឡាយ ប្រធានសមាគមលើកកម្ពស់ម្រេចកំពតបានស្វាគមន៍ ចំពោះរដ្ឋាភិបាលក្នុងការជួយជំរុញឱ្យផលិតផលម្រេចកំពត GI ចូលទៅផ្លេតហ្វមក្រុមហ៊ុន Alibaba។ លោកបានសំដែងការរីករាយនិងចូលរួមសហការលើកិច្ចការនេះ ដើម្បីរួមគ្នារកទីផ្សារឱ្យម្រេចកំពត ។
ចំណែកអ្នកស្រី អ៊ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទីជ័យសំបូរបានថ្លែងថាគំនិតផ្តួចផ្តើមនេះនឹងជួយផ្សព្វផ្សាយផលិតផលគ្រាប់ស្វាយចន្ទីរបស់កម្ពុជាឱ្យកាន់តែល្បីលើទីផ្សារអន្តរជាតិ ។ អ្នកស្រីបន្តថា វាជាដំណឹងដ៏រីករាយដែលជាសកម្មភាពជួយរកទីផ្សារឱ្យស្វាយចន្ទី៕
អត្ថបទ៖ណារី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល