កីឡា
សោកស្តាយ អែម សុវណ្ណារី មិនអាចប្រកួតនៅ ONE បានទេព្រោះរបួស
តាមការគ្រោងទុក កីឡាការិនីខ្មែរ-អាមេរិក អែម សុវណ្ណារី ត្រូវជួបដៃគូជាមួយកីឡាការិនីអាមេរិក Colbey Northcutt នៅព្រឹត្តិការណ៍ ONE: TNT IV នាថ្ងៃទី២៨ ខែមេសា ខាងមុខនេះ ដែលត្រូវបានប្រកាសតាំងពីដើមខែមីនាមកម្ល៉េះ។
ទោះបីជាយ៉ាងណា នៅថ្ងៃទី១៣ ខែមេសា អែម សុវណ្ណារី បានឲ្យដឹងថា នាងមិនដឹងថា គួររកពាក្យអ្វីដើម្បីមកអត្ថាធិប្បាយឲ្យសមនោះទេនៅពេលនាងមានបញ្ហារបួសកៀកនឹងថ្ងៃប្រកួតទភហើយ។
នាងប្រាប់ថា «ខ្ញុំសុំទោសដល់ស្ថាប័ន ONE Championship ដែលផ្តល់ឱកាសដ៏អស្ចារ្យឲ្យខ្ញុំប្រកួតនៅព្រឹត្តិការណ៍ TNT ហើយខ្ញុំមិនអាចចូលរួមប្រកួតបានទេ។ ខ្ញុំពិតជាសុំទោសដល់អ្នកទាំងអស់គ្នាដែលបានគាំទ្រខ្ញុំ ជាពិសេសប្រជាជនកម្ពុជាដែលតែងតែស្រឡាញ់គាំទ្រខ្ញុំ។ ខ្ញុំដឹងថា នេះមិនមែនជាជម្រើសចេញពីបេះដូងរបស់ខ្ញុំទេ ប៉ុន្តែខ្ញុំមានអារម្មណ៍ថា ខ្លួនឯងធ្វើឲ្យអ្នកទាំងអស់គ្នាខកចិត្ត»។
អែម សុវណ្ណារី បានឲ្យដឹងថា នាងបានរបួសស្មាក្នុងកំពុងពេលហ្វឹកហាត់។ នាងបានបញ្ជាក់ថា មួយរយៈពេលកន្លងទៅនេះ នាងខិតខំប្រឹងប្រែងហ្វឹកហាត់យ៉ាងខ្លាំងដើម្បីឡើងសង្វៀនជាមួយដៃគូ Colbey Northcutt Danies ហើយក៏បានសុំទោសដល់ដៃគូម្នាក់នេះដែរ។
«ខ្ញុំខំប្រឹងហាត់ខ្លាំងណាស់សម្រាប់ការប្រកួតនេះ និងរំពឹងថា នឹងបានប្រកួតជាមួយ Colbey ដ៏ល្អ ប៉ុន្តែពេលនេះបានត្រឹមសោកស្តាយ»។ សុវណ្ណារីបានបន្ថែម។
រហូតដល់ពេលនេះ សុវណ្ណារី មានប្រវត្តិប្រកួត៥លើកហើយគឺឈ្នះ៤ និងចាញ់១ ហើយប្រកួតខាងមុខនេះនឹងក្លាយជាការប្រកួតលើកទី៦ក្នុងអាជីពរបស់នាង៕
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៤ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស