កីឡាករប្រដាល់គុនខ្មែរ៥ប្រភេទទម្ងន់នឹងត្រូវចូលរួម SEA GAMES 2021 នៅវៀតណាម
Connect with us
Helistar Cambodia - Helicopter Charter Services

កីឡា

កីឡាករប្រដាល់គុនខ្មែរ៥ប្រភេទទម្ងន់នឹងត្រូវចូលរួម SEA GAMES 2021 នៅវៀតណាម

បានផុស

នៅ

ភ្នំពេញ៖ សហព័ន្ធកីឡាប្រដាល់គុនខ្មែរនឹងបញ្ចូនកីឡាករប្រដាល់គុនខ្មែរចំនួន៥នាក់លើ៥ប្រភេទទម្ងន់ចូលរួមនៃព្រឹត្តិការណ៍ការប្រកួតកីឡា SEA GAMES 2021 ឆ្នាំ២០២១ នៅទីក្រុងហាណូយ ប្រទេសវៀតណាម នាខែវិច្ឆិកា ឆ្នាំ២០២១ខាងមុខនេះ ដោយសារកម្ពុជាគ្មានកីឡាការិនីគុនខ្មែរឡើយនាពេលបច្ចុប្បន្ននេះ។
សម្រាប់៥ប្រភេទទម្ងន់បញ្ជូនទៅនេះ គឺតាមម្ចាស់ផ្ទះវៀតណាមកំណត់រួមមាន ទម្ងន់៥៤គីឡូក្រាម ទម្ងន់៥៧គីឡូក្រាម ទម្ងន់៦០គីឡូក្រាម ទម្ងន់៦៣.៥គីឡូក្រាម និងទម្ងន់៨១គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត


លោកឧត្តមសេនីយ តែម ម៉ឺន ប្រធានសហព័ន្ធកីឡាប្រដាល់គុនខ្មែរបានមានប្រសាសន៍តាមសារអេឡិចត្រូនិចឱ្យដឹងថា ចំពោះកីឡាករសហព័ន្ធកំពុងពិនិត្យជ្រើសរើសក្នុងចំណោមក្រុមជម្រើសជាតិ។
លោកបញ្ជាក់បន្តថា ឆ្នាំនេះសហព័ន្ធត្រូវបានក្រសួងអប់រំយុវជន និងកីឡា អនុញ្ញាតឱ្យចូលរួមក្នុងក្រុមជម្រើសជាតិឆ្នាំ២០២១ ក្នុងនោះគ្រូបង្វឹកមានចំនួន៤រូប និងកីឡាករចំនួន១៤នាក់ គ្មានកីឡាការិនីឡើយ។

ចំពោះកីឡាករទំាង១៤ គណៈកម្មការជ្រើសរើសយ៉ាងត្រឹមត្រូវ ដើម្បីត្រៀមហ្វឹក ហាត់កីឡាគុនខ្មែរចូលរួមព្រឹត្តិការណ៍កីឡា SEA GAMES 2021 លើកទី៣១ នៅប្រទេសវៀតណាម។
លោក តែម ម៉ឺន បានបន្ថែមទៀតថា កីឡាករគុនខ្មែរមាន១៤រូបដូចជា កីឡាករ ភុន ពិសិត ប្រភេទទម្ងន់៤៥គ.ក្រ កីឡា ករ សៃនី សៃណេត ប្រភេទទម្ងន់៤៨គ.ក្រ កីឡាករ ខាំ ខ្លានាង ប្រភេទទម្ងន់៥១គ.ក្រ កីឡាករ រិន ដាវីត ប្រភេទទម្ងន់៥៤គ.ក្រ កីឡាករ កាន់ ម៉េងហុង ប្រភេទទម្ងន់ ៥៤គ.ក្រ កីឡាករ ប៊ុន គន្ធា ប្រភេទទម្ងន់៥៧គ.ក្រ កីឡាករ លី សុជាតិ ប្រភេទទម្ងន់៥៧គ.ក្រ កីឡាករ ឃុន បូរ៉ា ប្រភេទទម្ងន់៦០គ.ក្រ កីឡាករ សោម ពិសិដ្ឋ ប្រភេទទម្ងន់៦៣,៥០គ.ក្រ កីឡាករ ប៉ោ ភារិទ្ធ ប្រភេទទម្ងន់៦៣,៥០គ.ក្រ កីឡាករ ឡៅ ចិត្រ្តា ប្រភេទទម្ងន់៦៧គ.ក្រ ម្ចាស់មេដាយសំរិទ្ធ SEA GAMES ទំាង២លើក កីឡាករ ប៊ុនលន បញ្ញា ប្រភេទទម្ងន់៦៧គ.ក្រ និងកីឡាករ ឡៅ ចន្ទ្រា ប្រភេទទម្ងន់៧១គ.ក្រ ម្ចាស់មេដាយសំរិទ្ធ SEA GAMES លើកទី៣០។


ចំពោះគូ្របង្វឹកវិញ មានលោកគ្រូ ហេង ប៊ុនឃីម ជាឪពុកបង្កើតអតីតមេដាយមាស SEA GAMES លោកគ្រូជំនួយ សេន ប៊ុនថេន លោកគ្រូជំនួយ ទេព ស៊ីវុត្ថា ក្រុម ជម្រើសជាតិថ្នាល២០២០ លោកគ្រូជំនួយ ឡៅ ស៊ីណាត និងលោកគ្រូជំនួយ អតីតមេដាយមាស SEA GAMES ឃុន ឌីម៉ា៕

អត្ថបទ៖ វិសិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

KPT+៨ នាទី មុន

អំណាចផ្លូវ​ចិត្ត ពិត​ជា​អាច​ព្យាបាល​ជំងឺ​បាន

ព័ត៌មានជាតិ១៦ នាទី មុន

ស្ពានដែកបាឡេត៍ កម្រាលឈើថ្មី ២៤ម៉ែត្រ នៅភូមិក្បាលខ្លា បានសម្ពោធដាក់ឲ្យប្រើប្រាស់ហើយនៅថ្ងៃនេះ

ព័ត៌មានជាតិ២៧ នាទី មុន

ពលរដ្ឋប្តឹងហាងយីហោ ចំការននោង មានការជួបជុំផឹកស៊ីឡូឡាបង្កការរំខានដល់អ្នកជិតខាង

ព័ត៌មានជាតិ៥០ នាទី មុន

សមត្ថកិច្ច​បង្ក្រាប​បទល្មើស​លួច​ ឆក់​ ក្នុង​រាជធានី​​បានជិត១០០​នាក់​ ក្នុង១ខែ

ព័ត៌មានជាតិ៥៧ នាទី មុន

សាក្សី​​៖ ​ស្ត្រី​​ជន​ជាតិ​ចិន​​​បើក​ឡាន​ទំនើប​​​ បុក​បុរស​ម្នាក់​កំពុង​ដើរ​​​ រួច​ជ្រុល​​ទៅ​​បុក​ឡាន​​ផ្សេង​ ថយ​ក្រោយ​ប្រុង​រត់​ កិន​ជន​​រង​គ្រោះ​ថែម​​​ស្លាប់​​​ភ្លាម​ៗ​

Sokha Hotels

ព័ត៌មានពេញនិយម

Helistar Cambodia - Helicopter Charter Services