អបអរ​សាទរ​ Chelsea​ ឈ្នះ​ជើង​ឯក​កំពូល​អឺរ៉ុប​ UCL​ ២០២១​
Connect with us
Helistar Cambodia - Helicopter Charter Services

កីឡា

អបអរ​សាទរ​ Chelsea​ ឈ្នះ​ជើង​ឯក​កំពូល​អឺរ៉ុប​ UCL​ ២០២១​

បានផុស

នៅ

ក្រុម​តោខៀវ​ Chelsea បានក្លាយ​ជា​អធិរាជ​សមរភូមិ​វាល​ស្មៅ​​ក្រប​ខណ្ឌ​កំពូល​អឺរ៉ុប UEFA Champions League រដូវ​កាល​​២០២០-២០២១ បន្ទាប់​ពី​ទទួល​បាន​ជ័យជម្នះ​លើ​គូ​ប្រជែង​មក​ពី​អង់គ្លេស​ជា​មួយ​គ្នា​ Manchester City ដោយ​លទ្ធផល ១-០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់​ពី​ដំណើរ​ការ​​ប្រកួត​វគ្គ​ជម្រុះ​ជា​បន្ត​បន្ទាប់​អស់​រយៈ​ពេល​ជា​ច្រើន​ខែ​មក​ ការ​ប្រកួត​ចុង​ក្រោយ​ធ្វើ​ឡើង​នៅ​ទី​ក្រុង Porto ប្រទេស​ព័រទុយហ្គាល់ ដែល​ក្រុម​ចុង​ក្រោយ​ទាំង​ពីរ​គឺ​សុទ្ធ​តែ​ប្រចាំ​នៅ​លីគ​កំពូល​អង្គ​អង់គ្លេស។

វគ្គ​ផ្តាច់​ព្រ័ត្រ​យប់​មិញ​នេះ​គ្រាប់​បាល់​កើត​ឡើង​តែ​១​គ្រាប់​គត់​ដែល​ជា​គ្រាប់​បាល់​ជ័យជម្នះ​ធ្វើ​បាន​សម្រេច​ដោយ​ខ្សែ​ប្រយុទ្ធ Kai Haverts នៅ​នាទី​៤២​នៃ​វគ្គ​ទី​១ បន្ទាប់​ពី​ Mason Mount បញ្ជូន​បាល់ឲ្យ​យ៉ាង​ល្អ​ឥត​ខ្ចោះ​ ស្រប​ពេល​តំបន់​ការពារ​កណ្តាល​របស់មេឃខៀវ Man City ហាក់​ចន្លោះ​ប្រហោង។

យប់​មិញ​នេះ Chelsea ធ្វើ​បាន​យ៉ាង​ល្អ​​ទាំង​តំបន់​ការពារ បម្រើ និង​ប្រយុទ្ធ​សម្រាប់​​៤៥​នាទី​ដំបូង បើ​ទោះ​បី​ជា Manchester City បាន​គ្រប់​គ្រង​បាល់​ច្រើន​ជាង​ក៏​ដោយ។ វគ្គ​ទី​២ Man City រឹត​តែ​គ្រប់​គ្រង​បាល់​ច្រើន​ឡើង និង​ដាក់​សម្ពាធ​ខ្លាំង ប៉ុន្តែតោខៀវ​បាន​ប្រឹង​ការពារ​យ៉ាង​ល្អ។

ជ័យជម្នះ​នេះ​បាន​ធ្វើ​ឲ្យ​ Chelsea ឈ្នះ​ជើង​ឯក​ក្របខណ្ឌ​បាល់ទាត់​កំពូល​ទ្វីប​អឺរ៉ុប​នេះ​ជា​លើក​ទី​២ ក្នុង​ប្រវត្តិ​សាស្ត្រ​របស់​ក្លឹប បន្ទាប់​ពី​ឈ្នះ​លើក​ទី១​ក្នុង​រដូវ​កាល​២០១១-១២។

រឿង​មួយ​គួរ​ឲ្យ​កត់​សំគាល់​ទៀត​នោះ សម្រាប់​ឈ្នះ​ជើង​ឯក UCL ទាំង​ពីរ​នេះ​សុទ្ធ​តែ​គ្រូ​បង្វឹក​ដឹក​នាំ​ពាក់​កណ្តាល​​រដូវ​កាល​ដូច​គ្នា​ ​គឺ​លោក Roberto Di Matteo ដឹក​នាំ​រដូវ​កាល​ ២០១១-១២​បន្ត​ពី​លោក Carlo Ancelotti ​ដែល​ត្រូវ​បាន​បណ្តេញ​ចេញ​ ក៏​ឈ្នះ​ជើង ហើយ​ចុង​ក្រោយ​នេះ​លោក Thomas Tuchel ដឹក​នាំ​ពាក់​កណ្តាល​រដូវ​កាល​បន្តពី​ Frank Lampard ដែល​ត្រូវ​បាន​បណ្តេញ​ចេញ ក៏​ឈ្នះ​ដែរ។

រហូត​ដល់​ពេល​នេះ​ ក្រុមមក​ពី​ប្រទេស​​​អង់គ្លេស​មាន​តែ​៥​ក្រុម​ប៉ុណ្ណោះ​ដែល​ធ្លាប់​​​ឈ្នះ​ពាន​អឺរ៉ុប UEFA Champions League ​គឺ​ក្រុម​ Liverpool ៦​ដង, Manchester United ៣​ដង, Nottingham Forest ២​ដង, Chelsea ២​ដង​ និង​Aston Villa ១​ដង៕

អត្ថបទ៖ វីរបុត្រ
ប្រភពរូបថត៖ Dailymail & UEFA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

អ៊ីស្រាអែល នឹងចាក់វ៉ាក់សាំងដូសទី ៣ ដល់ប្រជាជនចំណាស់អាយុ ៦០ ឆ្នាំឡើងទៅ

សេចក្ដីជូនដំណឹង៦ នាទី មុន

សេចក្តីជូនដំណឹង ស្តីពីការអញ្ជើញ​ចូលរួមដេញថ្លៃការងារ ជួសជុលផ្លូវ​មេតុង​មេ ជូនរដ្ឋបាលស្រុកបាណន់

ព័ត៌មានអន្ដរជាតិ៩ នាទី មុន

ចិនផ្ទុះ​កូវីដ​​ថ្មី​អាក្រក់​បំផុត​ចាប់តាំង​ពី​​កើត​ដំបូង​នៅ​អ៊ូហាន

ព័ត៌មានជាតិ១២ នាទី មុន

រង្វាន់​ធំ $10,000 បាន​ផ្លាស់​ប្តូរជីវិត​អ្នកលក់​ចាប់ហួយ​ទាំងស្រុង ​ក្នុង​ពេល​លំបាក​នា​សម័យ​កូ​វីដ 19

ព័ត៌មានជាតិ១២ នាទី មុន

រាជរដ្ឋាភិបាល​បង្កើតក្រុមការងារសិក្សា​ និងស្រាវជ្រាវ​រកឱសថ​​ព្យាបាលកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services