កីឡា

Pacquiao បង្ហើបពេលវេលាពីការសម្រេចចិត្តឈរឈ្មោះប្រធានាធិបតីហើយ

បានផុស

៣ years មុន

នៅ

ថ្ងៃសុក្រ ២ កក្កដា ២០២១

ដោយ

កំពូលអ្នកប្រដាល់ហ្វីលីពីន Manny Pacquiao បានបង្ហើបពីពេលវេលានៃការសម្រេចចិត្តរបស់លោកក្នុងការឈរឈ្មោះបោះឆ្នោតជ្រើសរើសប្រធានាធិបតី ឬយ៉ាងណា បន្ទាប់ពីលោកប្រធានាធិបតី Rodrigo Duterte កាលពីថ្ងៃទី៤ ខែមិថុនាបានបង្ហើបឈ្មោះអ្នកដែលនឹងស្នងតំណែងពីលោកក្នុងនោះមានកំពូលអ្នកប្រដាល់ម្នាក់នេះដែរ។

ជើងឯកពិភពលោក៨ស្ថាប័ន និងជាវីរបុរសហ្វីលីពីននឹងត្រូវឡើងសង្វៀននាថ្ងៃទី២១ ខែសីហា ខាងមុខនេះជាមួយជើងខ្លាំងមិនដែលចាញ់របស់អាមេរិកវ័យ៣១ឆ្នាំ Errol Spence នៅទីក្រុងឡាស វេហ្គាស សហរដ្ឋអាមេរិក។

កំពូលអ្នកប្រដាល់ហ្វីលីពីនPresident Pacquiao

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញការឈរឈ្មោះជាបេក្ខភាពប្រធានាធិបតីហ្វីលីពីនឆ្នាំ២០២២ ជើងខ្លាំងវ័យ៤២ឆ្នាំ Pacquiao បាននិយាយថា ៖«ខ្ញុំជាអ្នកនយោបាយ។ គ្រប់អ្នកនយោបាយទាំងអស់សុទ្ធតែមានសុបិនកាន់តំណែងខ្ពស់»។

«ខ្ញុំនឹងប្រកាសពីការសម្រេចចិត្តរបស់ខ្ញុំនៅពេលច្បាស់លាស់មួយ ប្រហែលជាក្រោយការប្រកួត»។

តាមរយៈកេរ្តិ៍ឈ្មោះល្បីល្បាញទូទាំងប្រទេស និងជាវីរបុរសសម្រាប់ជាតិ Manny Pacquiao អាចនឹងទទួលបានជោគជ័យ ប្រសិនបើរូបគេពិតជាឈរឈ្មោះបោះឆ្នោតជ្រើសរើសប្រធានាធិបតីអាណត្តិឆ្នាំ២០២២ ប៉ុន្តែគេមិនហ៊ានធានាដែរ។

អ្នកនយោបាយល្បីឈ្មោះរវាង Pacquiao និងលោកប្រធានាធិបតី Rodrigo Duterte ត្រូវមានគោលជំហរច្បាស់ជុំវិញជម្លោះសមុទ្រចិនខាងត្បូងជាមួយទីក្រុងប៉េកាំង និងអំពើពុករលួយអាចនឹងបំផ្លិចបំផ្លាញដល់កេរ្តិ៍ឈ្មោះប្រដាល់បាន។

លោក Duterte ដែលត្រូវបានអនុញ្ញាតឲ្យកាន់តំណែងប្រធានាធិបតីតែមួយអាណត្តិជាគូប្រជែង Pacquiao សម្រាប់ការគាំទ្រយ៉ាងខ្លាំងពីពលរដ្ឋហ្វីលីពីន និងអាចឈរឈ្មោះជាអនុប្រធានាធិបតីឆ្នាំ២០២២។

ថ្មីៗនេះ Duterte បានដាក់បន្ទុកឲ្យវីរបុរសប្រដាល់ហ្វីលីពីនលាតត្រដាងការពិតពីអ្វីដែលរូបគេបានរិះគន់រឿងអំពើពុករលួយ។ លោកនឹងនិយាយដដែលៗជាសាធារណៈថា Pacquiao ជាមនុស្សកុហក និងយកនយោបាយលេងសើច ប្រសិនបើមិនលាតត្រដាងពីអ្វីដែលខ្លួនបានរិះគន់នោះ៕

អានអត្ថបទពាក់ព័ន្ធ៖ លោក Duterte ដាក់ឈ្មោះស្តេចប្រដាល់ Pacquiao ក្នុងបញ្ជី អ្នកស្នងតំណែងប្រធានាធិបតី

ប្រែសម្រួល៖ វីរបុត្រ
ប្រភព៖ bangkokpost