កីឡា

គូដណ្ដើមខ្សែក្រវាត់ពិភពលោក៖ ៤ចំណុចដែលអាចទទួលជោគជ័យរៀងៗខ្លួន

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ការឡើងការពាររបស់ Sam-A Gaiyanghadao ទល់នឹងកីឡាករវ័យក្មេង Prajanchai PK.Saenchai Muaythaigym នៅព្រឹត្តិការណ៍ ONE Super Series គឺជាប្រវត្តិសាស្ត្រថ្មីមួយ។

ម្ចាស់ខ្សែក្រវាត់មួយថៃ ONE Strawweight នឹងជួបមិត្តរួមជាតិនៅព្រឹត្តិការណ៍ ONE: BATTLEGROUND នាថ្ងៃសុក្រទី ៣០ ខែ កក្កដា ស្អែកនេះ ។

ស្ដិតក្នុងវ័យ ៣៧ ឆ្នាំ Sam-A ជាវីរបុរសម្នាក់ក្នុងក្បាច់មួយថៃ។ យ៉ាងណាក្ដី បុរសវ័យ ២៦ ឆ្នាំ Prajanchai គឺជាកីឡាករដ៏អស្ចារ្យម្នាក់ក្នុងចំណោមកីឡាករទាំងឡាយ។ គេជឿថា ឥឡូវដល់ពេលវេលាដ៏សក្ដិសមមួយសម្រាប់ខ្លួន។

មុនពេលការប្រកួតជើងឯកពិភពលោក World Title ផ្សាយផ្ទាល់ពីកីឡដ្ឋាន Singapore Indoor Stadium នៃប្រទេសសិង្ហបុរី សូមតាមដានរឿងរ៉ាវ ៤ ចំណុចដែលនាំទៅរកជ័យជម្នះរៀងៗដូចក្រោម៖

#1 Prajanchai ជំនាញប្រដាល់សកល

Prajanchai ត្រូវបានទទួលស្គាល់ច្រើនពីសំណាក់មួយថៃ ប៉ុន្តែពេលនេះ គេកំពុងស្រេកឃ្លានដើម្បីបង្ហាញខ្លួនឲ្យអស្ចារ្យនៅសង្វៀនលំដាប់ពិភពលោក។ គេនឹងប្រើវិធីដើម្បីគាបសង្កត់ច្រើនលើ Sam-A តាមរយៈក្បាច់កណ្ដាប់ដៃដែលរូបគេធ្លាប់ឈ្នះជើងឯកកន្លងមក។

កូនសិស្សមកពីក្លិប PK.Saenchai Muaythaigym មានជំនាញកណ្ដាប់ដៃដូចផ្លេកបន្ទោរ និងកម្លាំងមហាសាល។ បើ Sam-A ប្រហែសឲ្យកណ្ដាប់ដៃចូល នោះច្បាស់ជាពិបាករបស់ Prajanchai មិនខាន។

ដើម្បីទប់ការវាយបកលឿនៗរបស់ម្ចាស់ខ្សែក្រវាត់ តារាឡើងប្រជែងនឹងចូលកៀកដើម្បីកណ្ដាប់ដៃស្ដាំត្រង់មហាទម្ងន់មិនខាន។ គេនឹងរក្សាការប្រើកណ្ដាប់ដៃដើម្បីទប់ទល់នឹងក្បាច់ពិសេសៗ របស់ Sam-A ។ មួយទៀត គេអាចប្រើកណ្ដាប់ដៃញាប់ៗដើម្បីតតាំងនឹងម្ចាស់ខ្សែក្រវាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

#2 Sam-A មានក្បាច់វាយបកដ៏អស្ចារ្យ

បើសិន Prajanchai ចូលមិនមានការប្រុងប្រយ័ត្នខ្ពស់ក្នុងការបង្ហាញខ្លួនលើកដំបូងនៅសង្វៀន ONE នោះ Sam-A ច្បាស់ជាផ្ដាច់យកហើយ។

ដូចអ្នកគាំទ្របានឃើញរួចមកហើយ ឲ្យតែហ៊ានដើរចូលផ្ដេសផ្ដាស Sam-A ប្រើក្បាច់វាយបកយកឈ្នះគូប្រកួតជារឿយៗ។ Sam-A បានមើលគូប្រកួតច្បាស់ណាស់ ហើយដៃស្ដាំ ឬ ឆ្វេងសុទ្ធតែធ្វើឲ្យគូប្រកួតឈឺចាប់ទាំងអស់។

បែបណាក្ដី បើសិន Prajanchai ចង់គេចពីការវាយបក ហើយចូលកៀក នោះ Sam-A ក៏អាចចូលវ៉ៃជង្គង់បានដែរ ជាទីដែលគេអាចប្រើកែងដើម្បីផ្ដួលគូប្រកួតបាន។

#3 Prajanchai មានក្បាច់ជើងសាហាវ

Prajanchai អាចប្រើក្បាច់ចម្រុះ ជាពិសេសជើងរបស់គេអាចសម្លាប់គូប្រកួតបាន។ គូប្រជែងរូបនេះអាចផ្លាស់ប្ដូរការប្រយុទ្ធគ្រប់ពេលដើម្បីរក្សាជំហររបស់ខ្លួន។

យ៉ាងណាក្ដី ថ្មីៗនេះ គូដណ្ដើមខ្សែក្រវាត់របស់ Sam-A សុទ្ធតែជំនាញជើងដែរប៉ុន្តែ នៅតែដណ្ដើមខ្សែក្រវាត់មិនបាន។ បើ Sam-A ឈរឆ្ងាយបន្តិច Prajanchai អាចប្រើជើងដើម្បីយកឈ្នះបាន។

មិនខុសពីគ្រូបង្វឹករបស់ខ្លួន Saenchai បុរសវ័យ ២៦ ឆ្នាំមានវិធីការពារល្អ, ទាត់ជើងមួយពីរល្អ, ប្រើពេលលឿន, និង បម្លាស់ទីក៏លឿនដែរ។

Prajanchai អាចចាប់ជើងដើម្បីប្រើកណ្ដាប់ដៃ ឬ ចាប់ជើងដើម្បីទាត់ជើងបំបាក់វិញ។ វាពិតជាកក្រើកនៅថ្ងៃសុក្រស្អែកនេះ។

#4 Sam-A មានថាមពល និង ប្រើហ្គង់ទម្ងន់ ៤ អោនបានល្អ

ដោយស្ថិតនៅកម្រិតខ្ពស់នៃក្បាច់ប្រយុទ្ធ Sam-A មានបទពិសោធន៍ច្រើននៅលើសង្វ្រៀនដែលប្រើហ្គង់ប្រភេទក្បាច់គុនចម្រុះ។ កូនសិស្សមកពីក្លិប Evolve បានប្រើហ្គង់ទម្ងន់ ៤ អោនជាច្រើនរួចមកហើយដើម្បីចាក់ឫសក្នុងជ័យជម្នះរបស់ខ្លួន។ ដោយមានកំណត់ត្រារួមបញ្ចប់គូប្រកួតនៅ ONE Super Series (៤) និង ធ្វើឲ្យដៃគូដួលច្រើនដងជាងគេ (៩) ម្ចាស់ខ្សែក្រវាត់ Sam-A នៅតែមានវិធីសាស្ត្រដើម្បីផ្ដួលគូប្រកួតបានល្អ។ ការមានបទពិសោធន៍ច្រើនរបស់ Sam-A ច្បាស់ជាមានផលចំណេញច្រើនជាងតារាទើបមកថ្មីនៅសង្វៀន ONE មិនខាន។ គេមានវិធីដើម្បីទប់ទល់នឹងអ្នកមានកម្ពស់ខ្ពស់ជាងជារឿយៗ។ ម្នាក់ៗសុទ្ធតែជំនាញរៀងៗខ្លួន តើលទ្ធផលនឹងទៅជាយ៉ាងណា?៕

ដោយ ៖ វិសិទ្ធ