កីឡា
សម្ភារៈកីឡាវាយកូនឃ្លីលើតុ ៩ មុខ មកដល់ពហុកីឡដ្ឋានជាតិមរតកតេជោ កាលពីម្សិលមិញហើយ
សម្ភារកីឡាវាយកូនឃ្លីលើតុ ដែលជាជំនួយឧបត្ថម្ភពីសហព័ន្ធកីឡាវាយកូនឃ្លីលើតុអាស៊ី ត្រូវបានដឹកជញ្ជូនមក ដល់សាលកីឡាវាយកូនឃ្លី លើតុនៃពហុកីឡដ្ឋានជាតិមករតតេជោ ខណ្ឌជ្រោយចង្វារ រាជធានីភ្នំពេញ កាលពីថ្ងៃទី២៣ ខែសីហាម្សិលមិញនេះ។
លោក ស៊ុន សុទ្ធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជាបានឲ្យដឹងថា សម្ភារកីឡាវាយកូនឃ្លីលើតុនេះមាន៩មុខ ដែលមាន តម្លៃសរុបជាង ៥០០០ដុល្លារអាមេរិក ប៉ុន្តែតម្លៃនេះជាតម្លៃបញ្ចុះពិសេសតែប៉ុណ្ណោះ។ តាមរយៈការទទួលបាននូវសម្ភារហ្វឹកហាត់ថ្មីៗបន្ថែមនេះ ត្រូវបានលោក ស៊ុន សុទ្ធារិទ្ធ ជឿជាក់ថា ក្រុមកីឡាករ កីឡាការិនី ដែលគ្រោងនឹងចូលរួមហ្វឹក ហាត់បិទខ្ទប់ នាពេលខាងមុខឆាប់ៗនេះ នឹងទទួលបាននូវឧបករណ៍ហ្វឹកហាត់គ្រប់គ្រាន់ ដើម្បីបង្កើនបច្ចេកទេសឆ្ពោះទៅប្រកួតប្រជែងស៊ីហ្គេម ២លើកចំពោះមុខកាន់តែល្អប្រសើរថែម ទៀត ។
អគ្គលេខាធិការរូបនេះបន្ថែម សម្ភារកីឡាវាយ កូនឃ្លីលើតុនេះ នឹងប្រើប្រាស់សម្រាប់ការហ្វឹក ហាត់របស់ក្រុមកីឡាករ កីឡាការិនីឈុតធំនិងឈុតថ្នាល ដើម្បីត្រៀមលក្ខណៈក្នុងការប្រមូលផ្ដុំហ្វឹកហាត់បិទខ្ទប់ នាពេលខាងមុខឆាប់ៗនេះ។ ក្រៅពីការហ្វឹកហាត់នៅក្នុងស្រុក ក្រុមជម្រើសជា តិវាយកូនឃ្លីលើតុមួយចំនួនទៀតក៏ត្រៀមចេញ ទៅហ្វឹកហាត់នៅសាធារណរដ្ឋប្រជាមានិតចិន នាខែកញ្ញា ឬខែតុលា ឆ្នាំ២០២១ ផងដែរ ជាមួយ នឹង១១ប្រភេទកីឡាផ្សេងទៀត ដែលមានចំនួនសរុប ១៣៥នាក់។ នេះជាផែនការហ្វឹកហាត់រយៈ ពេលវែងនៅប្រទេសចិន របស់របស់គណៈកម្មាធិ ការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣(CAMSOC)និងក្រសួងអប់រំ យុវជន និងកីឡា ក្រោមជំនួយឥតសំណងរបស់ប្រទេសចិន ក្រៅពីជំនួយឥតសំណងលើការសាងសង់កីឡដ្ឋានធំនៃពហុកីឡដ្ឋានជាតិមរតកតេជោ។
សូមបញ្ជាក់ថា នេះជាការហ្វឹកហាត់ត្រៀមរបស់ប្រភេទកីឡាវាយកូនឃ្លីលើតុ នៅក្នុងចំណោមប្រ ភេទកីឡាជាច្រើនទៀត ដែលត្រូវហ្វឹកហាត់បិទខ្ទប់នៅពហុកីឡដ្ឋានជាតិមរតកតេជោ ក្នុងបរិបទកូវីដ-១៩នេះ ដើម្បីត្រៀមចូលរួមប្រកួតប្រជែងមេ ដាយស៊ីហ្គេមលើកទី៣១នៅប្រទសវៀតណាម នាខែមេសា-ឧសភា ឆ្នាំ២០២២ ក៏ដូចជាត្រៀមឆ្ពោះទៅទទួលរៀបចំធ្វើជាម្ចាស់ផ្ទះស៊ីហ្គេម លើកទី៣២ ឆ្នាំ២០២៣ នៅកម្ពុជា៕
អត្ថបទ៖ វិសិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ