កីឡា

តើកម្ពុជានឹងបង្កើតនូវប្រវត្តិសាស្ត្រថ្មី ក្នុងការប្រកួតកីឡាអាស៊ី 19th Asian Games Hangzhou 2022 ឬទេ ?

បានផុស

៣ years មុន

នៅ

ថ្ងៃសុក្រ ២៧ សីហា ២០២១

ដោយ

កម្ពុជាបានត្រៀមលក្ខណៈសម្បត្តិរួច រាល់ហើយ ដើម្បីចូលរួមព្រឹត្តិការណ៍កីឡាអាស៊ី លើកទី១៩ ឆ្នាំ២០២២ (19th Asian Games Hangzhou 2022) នៅទីក្រុង Hangzhou នៃសាធារណរដ្ឋប្រជាមានិតចិន។ នេះបើតាម លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) បានមានប្រសាសន៍ឲ្យដឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអគ្គលេខាNOCC បញ្ជាក់ថា ទាំងកីឡាករ កីឡាការិនី គ្រូបង្វឹក មេដឹកនាំកីឡា នរណាក៏មានមហិច្ឆតាបង្កើតនូវប្រវត្តិសាស្ត្រសម្រាប់ព្រឹត្តិការណ៍ប្រកួតធំៗដែរនោះ គឺការបង្កើននូវចំនួនមេដាយឲ្យបានលើសពីការប្រកួតមុនៗ។

ទោះបីកាលពីទសវត្សឆ្នាំ៦០កម្ពុជាធ្លាប់ប្រជែងបានមេដាយក៏ពិតមែន តែបានត្រឹមមេដាយប្រាក់ និង មេដាយសំរិទ្ធប៉ុណ្ណោះ។ កម្ពុជាបានបង្កើតឡើងនូវប្រវត្តិសាស្ត្រលើកដំបូងនៅក្នុងការប្រកួតកីឡាអាស៊ីលើកទី ១៧នៅសាធារណរដ្ឋកូរ៉េដែលកីឡាការិនីតេក្វាន់ដូWT(World Taekwondo) ស៊ន សៀវម៉ីប្រជែងបានមេដាយមាស។ ៤ឆ្នាំក្រោយមកទៀត គឺនៅឆ្នាំ២០២៨ នៅក្នុងព្រឹត្តិការណ៍ប្រកួតកីឡាអាស៊ី (ASIAN Games)លើកទី១៨ដែលធ្វើនៅប្រទេសហ្វីលីពីន កម្ពុជាប្រជែងបានមេ ដាយមាសចំនួន២គ្រឿង គឺកីឡាការិនីជេសាខាន់ដែលលេងប្រភេទកីឡាប្រយុទ្ធជីជិតស៊ូកីឡាការិនីរូបនេះ ដណ្ដើមបានមេដាយមាស១គ្រឿងនិងកីឡាករម៉ូតូទឹកសាលី អ៊ូម៉ើតដណ្ដើមបានមេដាយមាសមួយគ្រឿង និង សំរិទ្ធមួយគ្រឿង ។ ដូច្នេះសម្រាប់ព្រឹត្តិការណ៍ប្រកួតកីឡាអា ស៊ី (ASIAN Games)លើកទី១៩នៅប្រទេសចិនលើកនេះ មិនដឹងថាកម្ពុជានឹងកែប្រែប្រវត្តិសាស្ត្រនៅក្នុងកីឡាអាស៊ីឲ្យ បានកាន់តែប្រសើរឬទេ ? អ្នកប្រកួតត្រូវការឈ្នះ និង មានជំនឿចិត្តជានិច្ចដូច្នេះអ្វីៗ ពិតជានឹងល្អជាងមុនមិនខានឡើយ។

លោក វ៉ាត់ ចំរើន បានមានប្រសាសន៍ថា

ព្រឹត្តិការណ៍ 19th Asian Games Hangzhou 2022 ដែលគ្រោងប្រព្រឹត្ត ទៅរយៈពេល ១៦ថ្ងៃ ចាប់ពីថ្ងៃទី ១០ ដល់ថ្ងៃទី២៥ ខែកញ្ញា ឆ្នាំ២០២២ ម្ចាស់ផ្ទះចិនបានកំណត់កីឡាចំនួន៤០ប្រភេទ ដាក់ក្នុងការប្រកួតព្រឹត្តិការណ៍ប្រចាំទ្វីប ៤ ឆ្នាំម្ដង នេះ។

ខាងក្រោមនេះ ជាកំណត់ត្រាខ្លះៗរបស់កម្ពុជាក្នុងការចូលរួមប្រកួតកីឡាអាស៊ីតាំង ពីឆ្នាំ១៩៥៤មក ។

-ឆ្នាំ១៩៥៤ កម្ពុជាមិនទទួលបានមេដាយឡើយ ឆ្នាំ១៩៥៨ក៏កម្ពុជាមិនទទួលបានមេដាយដែរ។

-ឆ្នាំ១៩៦២កម្ពុជាឈ្នះមេដាយដំបូងក្នុងប្រវត្តិសាស្ត្រគឺមេដាយសំរឹទ្ធដោយកីឡាករប្រដាល់សកល យូ ជិនហុងដែល។

-ឆ្នាំ១៩៧០ក្នុងការប្រកួតកីឡាអាស៊ីនេះ កម្ពុជាឈ្នះមេដាយ៥គ្រឿងគឺប្រាក់២ និងសំរឹទ្ធ៣។ មេដាយប្រាក់រកបានដោយកីឡាករប្រដាល់សកល ខៀវ សឿន១គ្រឿងនិង កីឡាករ ឡុង សាវឿន១គ្រឿង។ មេដាយសំរឹទ្ធរកបានកីឡាករហែលទឹក ផាត ស៊ីមអន១គ្រឿង និងកីឡាករ អៀត គឹមហេង១ គ្រឿងដែលសព្វថ្ងៃលោកនៅរស់នៅឡើយ និង១គ្រឿងទៀតរកបានដោយក្រុមបាល់ ទះនារីមានកីឡាករ ចាន់ លៀងឈីវ, ចាវ ចាន់, ឈូក វណ្ណា, អៀប សុដានេប, ផាវ យឿន, ថេន សែម, ទេព គីមហេង និង វ៉ូ អន។

-ឆ្នាំ១៩៧៤កម្ពុជាមិនទទួលបានមេដាយហើយនៅឆ្នាំ១៩៩៤ កម្ពុជាមិនទទួលបានមេដាយដែរ។ឆ្នាំ២០០២ មេដាយ ឆ្នាំ ២០០៦និង ឆ្នាំ២០១០ ក៏កម្ពុជាមិនទទួលបានមេដាយដែរ ។

សូមរំឭកថា ឆ្នាំ២០១៤ កម្ពុជាបង្កើតបាននូវប្រវត្តិសាស្ត្រថ្មីដោយឈ្នះមេដាយមាស១ ដែលជាលើកដំបូងក្នុងប្រវត្តិសាស្ត្ររបស់កម្ពុជា ដោយកីឡាការិនីតេក្វាន់ដូ ស៊ន សៀវម៉ី។ ឆ្នាំ២០១៨កម្ពុជាឈ្នះមេដាយ ៣គឺមាស២ និងសំរឹទ្ធ១។ នេះជាលើកទី១ ដែលកម្ពុជាឈ្នះមេដាយមាសដល់ទៅ ២គ្រឿង។ កីឡាការិនី ចេសា ខាន់ ឈ្នះមេ ដាយមាស ១ពីកីឡាជឺជិតស៊ូ និងកីឡាករ សាលី អ៊ូមើតឈ្នះមេដាយមាស១ និងសំរឹទ្ធ១ពីកីឡាម៉ូតូទឹក។ ចាំមើលកម្ពុជានឹងបង្កើតនូវប្រវត្តិសាស្ត្រថ្មីក្នុងការប្រកួតកីឡាអាស៊ី 19th Asian Games Hangzhou 2022 ឬទេ ?៕

អត្ថបទ៖ វិសិទ្ធ