កីឡា
ក្រុមជម្រើសជាតិថ្នាលជាង ២០០នាក់ បានចាក់វ៉ាក់សាំងបង្ការជំងឺកូវីដ-១៩ ដូសទី២ រួចរាល់ហើយ
ក្រុមកីឡាករ-កីឡាការិនីជម្រើសជាតិថ្នាលកម្ពុជា ដែលមានអាយុពី ១២ឆ្នាំដល់ក្រោម ១៨ ឆ្នាំ ចំនួន ២២៦នាក់ បានចាក់វ៉ាក់សាំងបង្ការជំងឺកូវីដ-១៩ ដូសទី២រួចរាល់ហើយ នៅព្រឹកថ្ងៃទី ៣០ ខែសីហា ឆ្នាំ២០២១ ក្នុងយុទ្ធនាការចាក់វ៉ាក់សាំងជូនក្រុមជម្រើសជាតិថ្នាល អាយុក្រោម ១៨ឆ្នាំ នៅមជ្ឈមណ្ឌលកីឡាហែលទឹកនៃពហុកីឡដ្ឋានជាតិមរតកតេជោ ដែលរៀបចំដោយគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) សហការជាមួយក្រុមការងារវ៉ាក់សាំង នៃក្រសួងការពារជាតិ។
យុទ្ធនាការចាក់វ៉ាក់សាំងជូនក្រុមជម្រើសជាតិថ្នាលនេះ ធ្វើឡើងបន្ទាប់ពីសម្តេចតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដល់កុមារ និង ក្មេងជំទង់ដែលមានអាយុចាប់ពី១២ ដល់ក្រោម ១៨ឆ្នាំ កាលពីដើម ខែសីហាកន្លងទៅ។ ដូច្នេះគណៈកម្មាធិការជាតិ CAMSOC និងក្រុមការងារវ៉ាក់សាំងនៃក្រសួង ការពារជាតិ ក៏ដូចជាសហព័ន្ធកីឡាជាតិ ក៏បានរៀបចំចាក់ជូនកីឡាករ-កីឡាការិនីជម្រើសជាតិអាយុក្រោម ១៨ឆ្នាំ ដែលត្រូវចេញទៅហ្វឹកហាត់ និងប្រកួតនៅក្រៅប្រទេស។
មន្ដ្រីសម្របសម្រួលយុទ្ធនាការចាក់វ៉ាក់សាំងខាងលើបានបញ្ជាក់ថា កីឡាករ – កីឡាការិនីជម្រើសជាតិថ្នាល ដែលទទួលបានវ៉ាក់សាំង បង្ការជំងឺកូវីដ-១៩ ដូសទី២ថ្ងៃនេះ មានចំនួន ២២៦នាក់ មកពីសហព័ន្ធកីឡាជាតិចំនួន ២៧សហព័ន្ធ។ ប៉ុន្ដែទន្ទឹមជាមួយគ្នា ក៏មានការរៀបចំចាក់វ៉ាក់សាំងជូនបុគ្គលិក និងកម្មករ- កម្ម ការិនីសាងសង់ភូមិកីឡានៃពហុកីឡដ្ឋានជាតិចំនួន ៩៧នាក់ផងដែរ។ ដូច្នេះសរុបកីឡាករ-កីឡាការិនីជម្រើសជាតិថ្នាល បុគ្គលិកនិងកម្មករ- កម្មការិនីសាងសង់ភូមិកីឡា ដែលបានចាក់ដូសទី២ រួចរាល់ថ្ងៃនេះ គឺមានចំនួន ៣២៣នាក់ ។
ក្រោយទទួលបានវ៉ាក់សាំង ២លើករួចមក កីឡាករ- កីឡាការិនីជម្រើសជាតិថ្នាល បានសម្ដែងការសប្បាយចិត្តជាខ្លាំង ពិសេសបានបង្កើនទំនុកចិត្តដល់ការហ្វឹកហាត់របស់ពួកគេ ដោយមិនមានអារម្មណ៍ភ័យខ្លាច ឬ ព្រួយបារម្ភដូចមុន ស្របពេលកីឡាករ-កីឡាការិនី ជម្រើស ជាតិថ្នាល ក៏ដូចជាក្រុមជម្រើសជាតិ គ្រោងធ្វើ ការប្រមូលផ្ដុំហ្វឹកហាត់លក្ខណៈបិទខ្ទប់នាពេលឆាប់ៗខាងមុខ នៅពហុកីឡដ្ឋានជាតិមរតកតេជោ ក៏ដូចជាការត្រៀមចេញទៅហ្វឹកហាត់រយៈ ពេលវែងនៅចិន ដើម្បីបង្កើនសមត្ថភាពនិងបច្ចេកទេសត្រៀមស៊ីហ្គេម ២លើកចំពោះមុខ។
ដោយឡែកនៅថ្ងៃទី០១ ខែកញ្ញាខាងមុខ គណៈកម្មាធិការជាតិ CAMSOC នឹងបន្ដរៀបចំយុទ្ធនាការចាក់វ៉ាក់សាំងដូសទី៣ ដល់ថ្នាក់ដឹក នាំ មន្ដ្រីកីឡា គ្រូបង្វឹក និងកីឡាករ-កីឡាការិនី រួមទាំងក្រុមការងារ និងសិល្បៈករ-សិល្បៈការិនី នៃក្រសួងវប្បធម៌ និងវិចិត្រសិល្បៈដែលត្រៀម ចូលរួមសម្ដែងក្នុងពិធីទទួលទង់ស៊ីហ្គេម បន្ដវេនធ្វើម្ចាស់ផ្ទះពីប្រទេសវៀតណាម សរុបចំនួន ៦៧៣នាក់ទៀត នៅពហុកីឡដ្ឋានជាតិមរតកតេជោ។
គួរបញ្ជាក់ថា គិតមកទល់នឹងពេលនេះ គណៈកម្មាធិការជាតិ CAM SOC បានរៀបចំការចាក់វ៉ាក់សាំងជូនថ្នាក់ដឹកនាំមន្ដ្រី គ្រូបង្វឹក កីឡាករ-កីឡាការិនី និងសហព័ន្ធកីឡាជាតិ រួមទាំងបុគ្គលិក កម្មករ-កម្មការិនីសាងសង់ នៅពហុកីឡដ្ឋានជាតិមរតកតេជោជាច្រើនមកហើយ ពិសេសកាលពី សប្ដាហ៍មុន CAMSOC បានរៀបចំយុទ្ធនាការចាក់វ៉ាក់សាំងដូសជំរុញ ឬដូសទី៣ ប្រភេទ AstraZeneca ដល់ថ្នាក់ដឹកនាំ មន្ដ្រីកីឡាគ្រូបង្វឹកនិងកីឡាករ-កីឡាការិនីសរុប ១,២២៩នាក់ ៕
អត្ថបទ៖ វិសិទ្ធ
ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន
អគ្គលេខាធិការដ្ឋាននៃ គ.ល.ក. ជូនដំណឹងដល់សាធារណជនកុំឱ្យចូលរួមសកម្មភាពកាស៊ីណូអនឡាញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
សមត្ថកិច្ចបញ្ជាក់ករណីសំណុំរឿងក្រុមហ៊ុន CIC ខុសពីករណីសំណុំរឿងក្រុមហ៊ុន ឡេង ចាន់ណា
ក្រសួងការងារនាំយកឱកាសការងារជាង ៨០០០ កន្លែងដល់កម្មកររោងចក្រ អ.ជី ហ៊្វូតវែរ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)