វីដេអូស្តែងៗ អ្នកប្រដាល់ស្រីម៉ិកស៊ិក វ័យ១៨ឆ្នាំ បាត់បង់ជីវិត ក្រោយត្រូវដៃគូវាយលើសង្វៀន

អ្នកប្រដាល់ស្រីសញ្ជាតិម៉ិកស៊ិក Jeanette Zacarias Zapata បានទទួលមរណភាពនៅអាយុត្រឹម ១៨ ឆ្នាំ, ប្រាំថ្ងៃបន្ទាប់ពីសន្លប់ក្នុងការប្រកួតអាជីព។

កីឡាការិនី Zapata ត្រូវបានផ្តួលឲ្យសន្លប់ក្នុងទឹកទី ៤ ទល់នឹងកីឡាការិនី Marie Pier Houle កាលពីយប់ថ្ងៃសៅរ៍សប្តាហ៍មុននៅឯសង្វៀន GVM Gala International ក្នុងទីក្រុង Montreal។

នាងបានទទួលរងកណ្តាប់ដៃជាបន្តបន្ទាប់នៅជ្រុងសង្វៀន នៅចុងទឹកទី៤។

Zapata ហាក់ដូចជាប្រកាច់ខណៈដែលកំពុងឈរប៉ុន្តែដៃគូនិងគ្រូបង្វឹករបស់នាងគឺ Jovanni Martinez បានដាក់ឲ្យនាងដេកភ្លាមៗនៅលើសង្វៀន។ ក្រុមគ្រូពេទ្យនៅនឹងកន្លែង បានប្រញាប់ទៅជិតនាងហើយនាងត្រូវបានគេធ្វើចលនា មុនពេលត្រូវបានរថយន្តសង្គ្រោះបន្ទាន់ដឹកទៅមន្ទីរពេទ្យ។

អ្នករៀបចំកម្មវិធីប្រដាល់លោក Yvon Michel បានជូនដំណឹងកាលពីថ្ងៃអាទិត្យថា Zapata នៅតែសន្លប់ ហើយបានបញ្ជាក់ពីការស្លាប់របស់នាងនៅថ្ងៃព្រហស្បតិ៍។

រដ្ឋមន្រ្តីក្រសួងសន្តិសុខសាធារណៈ Quebec លោក Geneviève Guilbault បាននិយាយនៅលើ Twitter កាលពីព្រឹកថ្ងៃសុក្រថា ការិយាល័យពិនិត្យសាកសព Quebec នឹងស៊ើបអង្កេតការស្លាប់របស់អ្នកប្រដាល់ម៉ិកស៊ិកវ័យ ១៨ ឆ្នាំរូបនេះនិងមូលហេតុដែលអាចកើតមាន៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មើលវីដេអូនេះដឹងហើយថា សភាពរបស់ Pacquiao បែបណា ក្រោយចាញ់ Ugas