ក្រសួងមហាផ្ទៃ បន្តគ្រងតំណែងជើងឯកការប្រកួតកីឡាតេក្វាន់ដូ ITF – Kampuchea Thmey Daily
Connect with us
Helistar Cambodia - Helicopter Charter Services

កីឡា

ក្រសួងមហាផ្ទៃ បន្តគ្រងតំណែងជើងឯកការប្រកួតកីឡាតេក្វាន់ដូ ITF

Published

on

ក្រុមអត្តពលិក ក្រសួងមហាផ្ទៃ បន្តគ្រងតំណែងជើងឯក នៃព្រឹត្តិការណ៍ ប្រកួតកីឡាតេក្វាន់ដូ “ITF” ជ្រើសរើសជើងឯកថ្នាក់ជាតិ២០២០ ដោយឈ្នះមេដាយមាសច្រើនជាងគេ ខណៈក្រុមអត្តពលិក ស.ស.យ.ក ខេត្តកំពង់ស្ពឺ បានត្រឹមជើងឯករង។

លោក កែវ រ៉េមី ប្រធានសហព័ន្ធកីឡាតេក្វាន់ដូ “ITF”កម្ពុជា និងជាអនុប្រធានសហព័ន្ធកីឡាតេក្វាន់ដូ “ITF” ពិភពលោក និងលោក អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា បានអញ្ជើញចូលរួមប្រគល់ជយលាភីដល់កីឡាករ- កីឡាការិនីម្ចាស់មេដាយមាស មេដាយប្រាក់ និងមេដាយសំរិទ្ធ ។

ក្រុមអត្តពលិក ក្រសួងមហាផ្ទៃដណ្តើមមេដាយ១៤គ្រឿង រួមមាន មេដាយមាស១០គ្រឿង មេដាយប្រាក់២គ្រឿង និងមេដាយសំរិទ្ធ២គ្រឿង ក្រុមអត្តពលិកស.ស.យ.ក ខេត្តកំពង់ស្ពឺ ទទួលបានមេដាយ៩គ្រឿង ក្នុងនោះ មេដាយមាស៥ គ្រឿង មេដាយប្រាក់២គ្រឿង និងមេដាយសំរិទ្ធ ២គ្រឿង ក្រុមអត្តពលិក ក្រសួងសេដ្ឋកិច្ច និងហិរញ្ញវត្ថុ ទទួលបានមេដាយ១០គ្រឿង ដោយមេដាយមាស៣គ្រឿង មេដាយប្រាក់៤គ្រឿង និងសំរិទ្ធ៣គ្រឿង និងក្រុមអត្តពលិក ក្តីចាស់ ទទួលបានមេដាយ៥គ្រឿង រួមមាន មេដាយមាស១ គ្រឿង មេដាយប្រាក់២គ្រឿង និងសំរិទ្ធ២គ្រឿង។

ចំណែកក្រុមអត្តពលិកសាលាអន្តរជាតិ អេផល ខេត្តបន្ទាយមានជ័យ ទទួលបានមេដាយ២គ្រឿង រួមមានមេដាយមាស១គ្រឿង និងមេដាយប្រាក់ ២គ្រឿង ក្រុមអត្តពលិក យុវជន ទទួលបានមេដាយ៥គ្រឿង រួមមាន មេដាយមាស១គ្រឿង និងសំរិទ្ធ៥គ្រឿង និងក្រុមអត្តពលិក ខេត្តប៉ៃលិន ទទួលបានមេដាយ៨គ្រឿង រួមមាន មេដាយប្រាក់ ៥គ្រឿង និងសំរិទ្ធ៣គ្រឿង។

ក្រុមអត្តពលិក អង្គររាជ ទទួលបានមេដាយប្រាក់២គ្រឿង ក្លិបសេរី ភាពខេត្តកណ្តាល និងក្រុមអត្តពលិក ញ៉ូវថោន ទទួលបានមេដាយប្រាក់១គ្រឿង និងមេដាយសំរិទ្ធ២គ្រឿង អនុវិទ្យាល័យត្រពាំងសាលាទទួលបានមេដាយប្រាក់១គ្រឿង និងពន្លឺយុវជនខេត្តកំពង់ស្ពឺ ទទួលបានមេដាយសំរិទ្ធ៥គ្រឿង ៕

អត្ថបទ ៖ វិសិទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services