កីឡា
កម្ពុជានឹងនិពន្ធបទភ្លេងគោរពទង់ស៊ីហ្គេម ទុកជាកំណត់ត្រាប្រវត្តិសាស្ត្រ
លោកបណ្ឌិត ថោង ខុន អនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ បានមានប្រសាសន៍ឲ្យដឹងថា កម្ពុជានឹងនិពន្ធបទភ្លេងគោរពទង់ស៊ីហ្គេម ដើម្បីបម្រើដល់កម្មវិធីបើកនិងបិទការប្រកួតស៊ីហ្គេមលើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ។
នៅក្នុងប្រជុំគណៈកម្មាធិការអចិន្ត្រៃយ៍ CAM SOC នាព្រឹកថ្ងៃទី ១២ ខែតុលាឆ្នាំ២០២១ នេះ លោកបណ្ឌិត ថោង ខុន អនុប្រធានអចិន្ត្រៃយ៍ camsoc បានមានប្រសាសន៍ថា នៅក្នុងបណ្ដាប្រទេសអាស៊ានការគោរពទង់របស់កីឡាអាស៊ីអាគ្នេយ៍ឬទង់ស៊ីហ្គេមនេះ កន្លងមកពុំមានបទភ្លេងនេះទេ។ ហេតុនេះបណ្តាប្រទេសអាស៊ាន បានស្នើសុំឲ្យកម្ពុជា ដែលជាម្ចាស់ផ្ទះរៀបចំស៊ីហ្គេម ២០២៣នោះ និពន្ធបទភ្លេងចម្រៀងគោរពទង់ស៊ីហ្គេមនេះឡើង។
លោកបញ្ជាក់ថា ចំណុចនេះ(បទភ្លេងស៊ីហ្គេម) គឺជាចំណុចមានលក្ខណៈពិសេស ដែលយើងត្រូវរៀបចំធ្វើឲ្យបាន ព្រោះវាជាមោទនភាពរបស់កម្ពុជារបស់យើងទៅថ្ងៃអនាគតទៀត ដែលអាចបញ្ជាក់ថា កម្ពុជាពិតជាមានសមត្ថភាពអាចធ្វើអ្វីៗ ឲ្យមានការប្រែប្រួលថ្មី ដូចជាការនិពន្ធបទភ្លេងគោរពទង់ស៊ីហ្គេមនេះតែម្តង។ លោកបន្តថា ដូច្នេះក្រោយពីភ្លេងគោរពទង់ស៊ីហ្គេម នៅកម្ពុជាផលិតបានហើយនោះ ភ្លេងនេះនឹងត្រូវបានចារទុកក្នុងប្រវត្តិកីឡាស៊ីហ្គេមរៀងរហូត ព្រោះភ្លេងគោរពទង់ស៊ីហ្គេម គឺកើតចេញពីការរៀបចំស៊ីហ្គេមនៅកម្ពុជា។
លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានឱ្យដឹងថា គណៈកម្មការអចិន្ត្រៃយ៍រៀបចំកីឡាស៊ីហ្គេមលើកទី ៣២ បានបើកកិច្ចប្រជុំពិភាក្សាបន្ត ការងារជំនាញទាំងអស់ ជាពិសេសគឺជជែកពិភាក្សាគ្នាលំអិតនិងច្បាស់លាស់ អំពីកម្មវិធីបើកនិងបិទការប្រកួតកីឡាស៊ីហ្គេមលើកទី៣២ ឆ្នាំ២០២៣ ដោយផ្ដោតសំខាន់ទៅលើកម្មវិធីមួយដំណាក់កាល ទៅមួយដំណាក់កាល ត្រូវតែធ្វើឱ្យច្បាស់លាស់ រួមទាំងផ្ទាំងទស្សនីយភាពសំដែងពីដំណាក់កាលមួយទៅដំណាក់កាលមួយ សំដៅដល់ពេលអនុវត្តជាក់ស្តែងយើងធ្វើដោយរលូននិងជោគជ័យ ពុំមានជួបឧបសគ្គរាំងស្ទះដល់ការងាររបស់គណៈកម្មការជំនាញនីមួយៗ អនុវត្តទៅបានច្បាស់លាស់។ លំហូរកម្មវិធីសម្ដែងមួយៗ ក៏ត្រូវគិត គូរយ៉ាងលំអិតទាំងមនុស្ស ទាំងសំលៀកបំពាក់ ទាំងចម្រៀង ទាំងភ្លេង ជាដើម។ល។
លោកអគ្គលេខាបន្តថា លោកបណ្ឌិត ថោង ខុន បានណែនាំដល់អ្នកកាន់ជំនាញនីមួយៗ ត្រូវតែយកចិត្តទុកដាក់លើកកម្ពស់ស្មារតីទទួលខុសត្រូវ ចំពោះការអនុវត្តកម្មវិធីទាំងអស់នោះ។ លោក ថោង ខុនបានបញ្ជាក់ថា យើងត្រូវតែធ្វើកម្មវិធីបើកមួយ ដែលមានលក្ខណៈអស្ចារ្យ និងលក្ខណៈទាក់ទាញខ្លាំង និងលក្ខណៈពិសេសជាងកម្មវិធីផ្សេងៗទៀត។ សូមរំលឹកថា ការប្រារព្ធពិធីបើកការប្រកួតកីឡាស៊ីហ្គេមជាផ្លូវការ នឹងត្រូវចាប់ផ្តើមនៅល្ងាចថ្ងៃទី០៥ ខែឧសភា ឆ្នាំ២០២៣៕
អត្ថបទ៖ វិសិទ្ធ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត