កីឡា

សាលី អូមើត កំពុងហ្វឹកហាត់ជាមួយ និងម៉ូតូទឹកថ្មីរបស់ខ្លួន នៅអូទ្រីស

បានផុស

២ years មុន

នៅ

ថ្ងៃពុធ ១៣ តុលា ២០២១

ដោយ

ម្ចាស់មេដាយមាសកីឡាអាស៊ី លើប្រភេទកីឡាម៉ូតូទឹកកម្ពុជា សាលី អូមើត ពេលនេះកំពុងថិតនៅប្រទេសអូទ្រីស ដើម្បីហ្វឹកហាត់នៅទីនោះជាមួយនិងម៉ូតូទឹកថ្មីរបស់ខ្លួន ដែលក្លឹបទើបទិញឲ្យហើយ ពិសេសបានហ្វឹកហាត់ជាមួយកីឡាករម្ចាស់មេដាយមាសពិភពលោករបស់ប្រទេសអូទ្រីសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលី អូមើត បានប្រាប់ឲ្យដឹងថា ក្លឹបបានបញ្ជូនខ្លួនមកហ្វឹកហាត់នៅប្រទេសអូទ្រីសជិតមួយខែហើយ ដោយកំពុងហ្វឹកហាត់ជាមួយនិងម៉ូតូទឹកថ្មី ដែលក្លឹបទើបទិញឲ្យ ពិសេសបានហ្វឹកហាត់ជាមួយកីឡាម្ចាស់មេដាយមាសពិភពលោករបស់ប្រទេសអូទ្រីសទៀតផង។

យ៉ាងណាកីឡាកររូបនេះ បានត្អូញត្អែរថា ការហ្វឹកហាត់ក្នុងប្រទេសនៃតំបន់អឺរ៉ុបមួយនេះ គឺជួបការលំបាកខ្លះ គឺបញ្ហាអាកាសធាតុត្រជាក់ខ្លាំង ទាំងនៅកន្លែងស្នាក់នៅ និង កន្លែងហ្វឹកហាត់ ។តែទោះជាយ៉ាងណាក៏ដោយ ដើម្បីទទួលបានបទពិសោធន៍និងចំណេះជំនាញថ្មីៗយកមកអភិវឌ្ឍន៍និងចែករំលែកដល់កីឡាករម៉ូតូទឹកកម្ពុជា ឲ្យកាន់តែរីកចម្រើនបន្ថែមទៀតនោះគេបានប្តេជ្ញាខិតខំប្រឹងប្រែងហ្វឹកហាត់មិនបោះបង់ដោយសារតែបញ្ហាប្រឈមបន្តិចបន្តួចបែបនេះឡើយ។

ម្ចាស់មេដាយមាសកីឡាអាស៊ីលើប្រភេទកីឡាម៉ូតូទឹកសាលីអូមើត កំពុងហ្វឹកហាត់ពង្រឹងសមត្ថភាពជាមួយនិងម៉ូតូទឹកថ្មីនៅប្រទេសអូទ្រីស រយៈពេលជិតមួយខែហើយ ដើម្បីត្រៀមខ្លួនចូលប្រជែងដណ្តើមមេដាយជូនកម្ពុជា ពីការប្រកួតកម្រិតអន្តរជាតិនានានិងស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

សាលី អូមើត ជាកីឡាករម៉ូតូទឹក ដែលឈ្នះមេដាយមាសកីឡាអាស៊ីជូនកម្ពុជា ហើយកីឡាកររូបនេះ ក៏ជាជើងខ្លាំងមួយរូបធ្លាប់ប្រជែងដណ្តើមមេដាយបានជូនក្លឹបពីការប្រកួតកម្រិតពិភពលោកជាច្រើនគ្រឿងផងដែរ។ សម្រាប់ស៊ីហ្គេមឆ្នាំ២០២៣ សាលី អូមើត ជាក្តីសង្ឃឹមរបស់កម្ពុជា ក្នុងការប្រជែងដណ្តើមមេដាយមាសជូនកម្ពុជាលើប្រភេទកីឡាម៉ូតូទឹក៕

អត្ថបទ៖ វិសិទ្ធ

Related Topics:កីឡាម៉ូតូទឹក