កីឡា
កីឡាករបារាំងឈាមជ័រខ្មែរ Victor Pinto ប៉ះជើងខ្លាំងចិននៅ ONE ថ្ងៃសុក្រនេះ
អ្នកប្រដាល់ទម្ងន់ស្រាលជនជាតិបារាំង Victor “Leo” Pinto នឹងឡើងសង្វៀន ONE Super Series នាថ្ងៃសុក្រទី១២ ខែវិច្ឆិកា នេះនៅព្រឹត្តិការណ៍ NEXTGEN II ដែលរូបគេត្រូវប្រឈមនឹងជើងខ្លាំងចិន Han Zi Hao ។
កីឡាករបារាំងម្នាក់នេះ មានឈាមជ័រជាខ្មែរ ប៉ុន្តែកំពុងរស់នៅប្រទេសថៃក្នុងការប្រកបអាជីពប្រដាល់មួយថៃ និងបើកក្លឹបប្រដាល់នៅទីនោះ ព្រមជាកីឡាករកីឡាអេឡិចត្រូនិកអាជីពម្នាក់ដែរ។ រូបគេជាប្អូនប្រុសបង្កើតរបស់កីឡាករ Antoine Pinto ដែលអ្នកទាំងពីរចៅប្រុសរបស់លោក លន់ ណុន ជាអតីតមន្ត្រីយោធាជាន់ខ្ពស់ខ្មែរមួយរូប និងត្រូវជាប្អូនប្រុសរបស់លោកសេនាប្រមុខ លន់ នល់ អតីតប្រធានាធិបតីរបបសាធារណៈខ្មែរ។
សម្រាប់ការប្រកួតថ្ងៃសុក្រនេះ កីឡាករវ័យ២៨ឆ្នាំបានឲ្យដឹងថា តាមពិតទៅរូបគេចូលចិត្តលេងកីឡាអេឡិចត្រូនិកវិញ្ញាសា PUBG ប៉ុន្តែដោយសារត្រូវឡើងប្រកួតប្រដាល់ ដូច្នេះរូបគេបានសម្រាកមួយរយៈពេលដើម្បីផ្តើមលើការប្រកួតទាំងស្រុង។ កីឡាករបាននិយាយថា ៖«ដោយសារខ្ញុំត្រូវឡើងវ៉ៃ ខ្ញុំបានផ្អាកលេងហ្គេមមួយរយៈពេលសិន ដើម្បីយកពេលហ្វឹកហាត់ឲ្យបានដិតដល់។ ខ្ញុំបានផ្តោតលើការប្រកួត១០០%ហើយ ពីព្រោះខ្ញុំចង់ចាប់យកឱកាសនេះ ដើម្បីឱកាសបានឡើងប្រកួតលើកក្រោយទៀត»។
តាមពិតទៅនេះជាលើកទី២ហើយសម្រាប់ Leo Pinto ឡើងប្រកួតនៅសង្វៀន ONE បន្ទាប់ពីលើកទី១បានចាញ់ពិន្ទុកីឡាករអាហ្សេរី-បារាំង Adam Noi ហើយកីឡាករម្នាក់ធ្លាប់ចាញ់កីឡាករចិន Han Zi Hao ដែលជាដៃគូរបស់ Pinto ថ្ងៃសុក្រនេះ។ ដូច្នេះជំនួបនេះពិតជាគួរឲ្យចាប់អារម្មណ៍មួយ។ រហូតដល់ពេលនេះ Leo Pinto ហាក់មើលមិនឃើញពីអាជីពប្រដាល់របស់ខ្លួនវែងឆ្ងាយនោះទេ បើទោះជាអាយុទើប២៨ឆ្នាំក៏ដោយ។ ប្រការនេះបានធ្វើឲ្យកីឡាករដែលមានឈាមជ័រជាខ្មែរសម្លឹងរកឱកាសការងារផ្សេងៗ។
កីឡាករនិយាយថា ៖«ការប្រកួតប្រដាល់នឹងមិនអាចស្ថិតស្ថេរយូរអង្វែងទេ ដូច្នេះខ្ញុំបានព្យាយាមសាកធ្វើការងារផ្សេងៗដើម្បីបានបទពិសោធន៍នាពេលអនាគតនៅពេលខ្ញុំមិនអាចប្រកួតបាន។ ប៉ុន្តែនៅពេលនេះ បេះដូងខ្ញុំនៅតែជាប់ចិត្តនឹងប្រដាល់នៅឡើយ»៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»