កីឡា
កំណត់ត្រា៣របស់ប៉េតង់កម្ពុជា ប្រទេសផ្សេងមិនងាយបំបែកបាន
កាលពីម្សិលមិញ កីឡាការិនីប៉េតង់កម្ពុជា អ៊ុក ស្រីមុំ បានឈ្នះមេដាយមាសលើវិញ្ញាយវាយយកពិន្ទុទោលនារីនៃព្រឹត្តិការណ៍ប្រកួតជើងឯកប៉េតង់ពិភពលោកឆ្នាំ២០២១នៅប្រទេសអេស្ប៉ាញ។
តាមរយៈការឈ្នះមេដាយមាសឆ្នាំ២០២១នេះមានន័យថា ប៉េតង់កម្ពុជាលេចធ្លោ និងជោគជ័យជាងគេបំផុតសម្រាប់លើវិញ្ញាសាវាយយកពិន្ទុនារីទោលនេះពីព្រឹត្តិការណ៍ប្រកួតជើងឯកប៉េតង់ពិភពលោកដែលប្រារព្ធធ្វើពីរឆ្នាំម្តង។
ចាប់តាំងពីវិញ្ញាសាវាយយកពិន្ទុនារី (Women PRECISION SHOOTING) បានដាក់ឲ្យប្រកួតលើកដំបូងកាលពីឆ្នាំ២០០២ ដែលរហូតដល់ពេលនេះមានរយៈពេល១១រដូវកាលហើយ។ ១១លើកនេះអាចនិយាយបានថា មានកំណត់ត្រាពិសេស៣យ៉ាងសម្រាប់កម្ពុជាដែលជម្រើសជាតិដទៃអាចនឹងពិបាកបំបែកនាពេលអនាគត។
កំណត់ត្រាទី១៖ កម្ពុជាឈ្នះបានមេដាយមាសវិញ្ញាសាវាយយកពិន្ទុនារីបានច្រើនជាងគេបំផុតពោលគឺឈ្នះ៥ដងដោយវីរនារី កែ ឡេង ឈ្នះ៤ដងគឺឆ្នាំ២០១៣, ២០១៥, ២០១៧ និង ២០១៩ ហើយចុងក្រោយបំផុត កីឡាការិនី អ៊ុក ស្រីមុំ ឈ្នះនៅឆ្នាំ២០២១នេះនៅប្រទេសអេស្ប៉ាញ។
ចំណែកមេដាយមាស៦លើកផ្សេងទៀតគឺប្រទេសបារាំងឈ្នះ៣ដង ហើយប្រទេសអេស្ប៉ាញ ថៃ និងម៉ាដាហ្គាស្ការឈ្នះបានម្តងម្នាក់ដូចគ្នា។
កំណត់ត្រាទី២៖ កម្ពុជាឈ្នះបានមេដាយមាសវិញ្ញាសាវាយយកពិន្ទុនារីនេះបាន៥លើកជាប់គ្នាពោលគឺចាប់តាំងពីឈ្នះលើកដំបូងនៅឆ្នាំ២០១៣មករហូតដល់ឆ្នាំ២០២១នេះគឺកម្ពុជាឈ្នះរហូត។ ដូច្នេះមានន័យថា កម្ពុជាបានការពារមេដាយមាសពិភពលោករបស់ខ្លួនបានជោគជ័យ៤លើកជាប់គ្នាក្នុងវីរនារី កែ ឡេង ការពារបានជោគជ័យ៣ មុនពេលចូលនិវត្ត ហើយ អ៊ុក ស្រីមុំបន្តវេនការពារបានជោគជ័យទៀត។
កំណត់ត្រាទី៣៖ រឿងអស្ចារ្យមិននឹកស្មានដល់មួយទៀតនោះគឺកម្ពុជាឡើងដល់វគ្គផ្តាច់ព្រ័ត្រវិញ្ញាសាវាយយកពិន្ទុនារីទោលនេះចំនួន៥លើកគឺឈ្នះទាំង៥លើកដែលមិនទាន់ស្គាល់ពាក្យថា ចាញ់ឡើយនៅវគ្គផ្តាច់ព្រ័ត្រ។
- ឆ្នាំ២០២១ នៅអេស្ប៉ាញ កញ្ញា អ៊ុក ស្រីមុំ ឈ្នះ ថៃ
- ឆ្នាំ២០១៩ នៅកម្ពុជា លោកស្រី កែ ឡេង ឈ្នះ ឡាវ
- ឆ្នាំ២០១៧ នៅចិន អ្នកស្រី កែ ឡេង ឈ្នះ ថៃ
- ឆ្នាំ២០១៥ នៅថៃ អ្នកស្រី កែ ឡេង ឈ្នះ ទុយនេស៊ី
- ឆ្នាំ២០១៣ នៅបារាំង អ្នកស្រី កែ ឡេង ឈ្នះ ទុយនេស៊ី
ចំពោះប្រទេសបារាំងដែលធ្លាប់ឈ្នះមេដាយមាស៣ដងក៏ជាការឈ្នះ៣លើកជាប់គ្នាដែរពោលគឺឆ្នាំ២០០៦ ២០០៧ និង២០០៩ដោយកីឡាការិនីតែម្នាក់គត់គឺ PAPON Angélique៕
អត្ថបទ៖ វីរបុត្រ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព