កីឡា
ព្រះខន្ធរាជស្វាយរៀង ឬ វិសាខា គ្រងជើងឯក Hun Sen Cup ល្ងាចនេះ?
ការប្រកួតវគ្គផ្តាច់ព្រ័ត្រពានរង្វាន់សម្តេចតេជោ ហ៊ុន សែន (Hun Sen Cup) ឆ្នាំ២០២១មកដល់នាល្ងាចនេះហើយជាការជួបគ្នារវាងក្រុមការពារតំណែងជើងឯកឆ្នាំចាស់ វិសាខា និង ព្រះខន្ធស្វាយរៀង នៅកីឡដ្ឋានស្មាត អ.អេស.អិន វេលាម៉ោង៦ល្ងាចនេះ។
មុនឡើងដល់វគ្គផ្តាច់ព្រ័ត្រ ក្រុមវិសាខា បានយកឈ្នះគូប្រជែងខ្លាំង បឹងកេត ដោយលទ្ធផល ២-១ ក្នុងវគ្គពាក់កណ្តាលផ្តាច់ព្រ័ត្រនៅកីឡដ្ឋានបឹងកេត។ នៅវគ្គដូចគ្នានេះ ព្រះខន្ធរាជស្វាយរៀងបានយកឈ្នះក្រុមខ្លាំងភ្នំពេញក្រោនដោយលទ្ធផល ៣-២ នៅក្នុងផ្ទះរបស់ខ្លួន។
នេះជាលើកទី២របស់ក្លឹបទើបបង្កើតថ្មីវិសាខាបានឡើងដល់វគ្គផ្តាច់ព្រ័ត្រពានរង្វាន់ Hun Sen Cup បន្ទាប់ពីលើកទី១កាលពីឆ្នាំ២០២០ដែលជារដូវកាលលើកទី១៤បានឡើងដល់វគ្គផ្តាច់ព្រ័ត្រ និងបានយកឈ្នះក្រុមណាហ្គាវើលដោយលទ្ធផល ២-០ ដើម្បីគ្រងជើងឯកជាលើកដំបូងក្នុងប្រវត្តិសាស្ត្ររបស់ក្លឹប។ តើវិសាខាអាចការពារតំណែងជើងឯកបានដែរឬទេ?
ចំណែក ព្រះខន្ធរាជស្វាយ ជាក្រុមជោគជ័យជាងគេក្នុងពានរង្វាន់ Hun Sen Cup បន្ទាប់ពីបានឡើងវគ្គផ្តាច់ច្រើនដងជាងគេពោលគឺ៨លើកហើយគិតទាំងឆ្នាំ២០២១នេះ។
សម្រាប់ការឡើងដល់វគ្គផ្តាច់ព្រ័ត្រ៧លើកកន្លងមក ព្រះខន្ធរាជស្វាយរៀងបានឈ្នះជើងឯក៤ និងជើងឯករង៣ដង។ ក្លឹបដែលមានមូលដ្ឋាននៅខេត្តស្វាយរៀងមួយឈ្នះជើងឯក Hun Sen Cup ច្រើនជាងគេបង្អស់ពោលគឺឈ្នះក្នុងឆ្នាំ២០១១ ២០១២ ២០១៥ និង២០១៧។ តើស្វាយរៀងអាចឈ្នះលើកទី៥បានដែរឬទេ?
និយាយពីសមត្ថភាពរបស់ក្រុមទាំងពីរនារដូវកាល២០២១នេះគឺល្អដូចគ្នាទាំងពានរង្វាន់លីគកំពូលកម្ពុជា និង Hun Sen Cup។ បញ្ចប់លីកកម្ពុជារដូវកាលនេះ ព្រះខន្ធរាជស្វាយរៀងស្ថិតនៅចំណាត់ថ្នាក់លេខ២ជាមួយពិន្ទុ៤២ ក្រោយឈ្នះ១៣ដង ស្មើ៣ដង និងចាញ់៣ដង ខណៈវិសាខាបញ្ចប់នៅចំណាត់ថ្នាក់លេខ៣ជាមួយនឹង៤០ពិន្ទុ ក្រោយឈ្នះ១១ ស្មើ៧ និងចាញ់១។
ក្រុមទាំងពីរមានកីឡាករក្នុងស្រុកល្អដូចគ្នាដែលត្រូវបានកោះហៅចូលជម្រើសជាតិកម្ពុជាត្រៀមប្រកួតពានរង្វាន់ AFF Suzuki Cup នាពេលខាងមុខ។
ស្របពេលជាមួយគ្នានេះ ការប្រកួតដណ្តើមយកចំណាត់ថ្នាក់លេខ៣ រវាងភ្នំពេញក្រោន និងបឹងកេត នឹងចាប់ផ្តើមវេលាម៉ោង៣រសៀលនេះ។ ការប្រកួតទាំងពីរគូផ្សាយផ្ទាល់ដោយទូរទស្សន៍ BTV៕
អត្ថបទ៖ វីរបុត្រ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល