កីឡា
ទិវារត់ប្រណាំងអន្តរជាតិ ពាក់កណ្តាលម៉ារ៉ាតុងលើកទី២៦ នៅអង្គរវត្ត ចាប់ផ្តើមនៅថ្ងៃទី០២ មករា ឆ្នាំ២០២២
គណៈកម្មការរៀបចំព្រឹត្តិការណ៍រត់ពាក់កណ្តាលម៉ារ៉ាតុង បានប្រកាសឲ្យដឹងពីទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី២៦ នៅអង្គរវត្ត នឹងប្រព្រឹត្តទៅនៅថ្ងៃទី០២ ខែមករា ឆ្នាំ២០២២ នៅតំបន់អង្គរ ខេត្តសៀមរាប។
ថ្លែងនៅក្នុងសន្និសីទសារព័ត៌មាន ស្តីពី ទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី២៦នៅអង្គរវត្ត នាព្រឹកថ្ងៃទី ០១ ខែធ្នូ ឆ្នាំ ២០២១ នៅទីស្នាក់ការគណៈកម្មាធិការជាតិអូឡាំពិកកម្ពុជាលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានមានប្រសាសន៍ថា ទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី២៦ នៅអង្គរវត្តប្រព្រឹត្តឡើងដើម្បីបំផុសគំនិតឲ្យប្រជាជននៅខេត្តសៀមរាបរស់នៅតាមបរិបទមេរោគ COVID-19 គឺត្រូវចេះអនាម័យខ្លួន និងពាក់ម៉ាស់គ្រប់ ពេលវេលា ព្រមទាំងគ្រប់ទីកន្លែងក្នុងខេត្តតំបន់ទេសចរណ៍ដ៏សំខាន់របស់ប្រទេសកម្ពុជា។ ព្រឹត្តិការណ៍ធ្លាប់មានអ្នកចូលរួមជាង ១០.០០០ នាក់ដែលមានអ្នករត់មកពីទ្វីបទាំង ៥ លើពិភពលោកនោះ។
លោកបានបន្តថា កន្លងមកគណៈកម្មការរៀបចំព្រឹត្តិការណ៍ធ្លាប់ប្រកាសកំណត់យកចំនួន ២,៥០០នាក់ប៉ុណ្ណោះ ប៉ុន្តែពេលនេះយើងមិនកំណត់អ្នកចូលរួមឡើយ។ រៀបចំធ្វើតេស្តមុននឹងចូលទីលានរត់ប្រណាំងរក្សាគម្លាត ១,៥០ ម៉ែត្រពីគ្នាដោយតម្រៀបជាជួរវែងតែរត់តាមក្រុមចម្ងាយផ្លូវដែលបានកំណត់ ដូច្នេះអ្នកចូលរួមរត់ប្រណាំង ប្រជា ពលរដ្ឋកម្ពុជា និងជនបរទេសរស់នៅកម្ពុជា ព្រមទាំងបរទេសក្រៅប្រទេសក៏អាចចូលរួមបានដែរ។ មុនចេញដំណើរត្រូវពាក់ម៉ាស់រហូតដល់រយៈចម្ងាយ២០០ម៉ែត្រទើបអនុញ្ញាតឲ្យដោះម៉ាសចេញ ហើយការថែទាំសុខភាព និងប្រព័ន្ធរក្សាសុវត្ថិភាពត្រូវបានរៀបចំយ៉ាងហ្មត់ចត់ និងតឹងរ៉ឹងជាទីបំផុត។ គណៈកម្មការសម្រេចផ្ដល់អាទិភាពដល់កីឡាករ-កីឡាការិនី ដែលបានចុះឈ្មោះរត់ប្រណាំងកាលពីឆ្នាំកន្លងទៅ។
លោក Justin Helferich អគ្គនាយកប្រតិបត្តិ និងនាយកចាត់ការទូទៅក្រុមហ៊ុនឯកជនមានប្រសាសន៍ថា ដោយក្រុមហ៊ុនមានការប្ដេជ្ញាចិត្តខ្ពស់ ក្នុងការជួយកសាងអនាគតហិរញ្ញវត្ថុដ៏រឹងមាំ និងកាន់តែប្រសើរជូនក្រុមគ្រួសារកម្ពុជាយើងមានមោទកភាពជាខ្លាំង ដែលបានធ្វើជាម្ចាស់ឧបត្ថម្ភធំក្នុងព្រឹត្តិការណ៍រត់ប្រណាំងអន្តរជាតិពាក់ កណ្ដាលម៉ារ៉ាតុងនៅតំបន់អង្គរនេះ ហើយយើងមានសេចក្តីសោមនស្សរីករាយក្នុងការបន្តការគាំទ្រព្រឹត្តិការណ៍នេះតាំងពីឆ្នាំ ២០១៤ មក ហើយកា្លយជាផ្នែកមួយ ក្នុងការជួយឱ្យអតិថិជនបុគ្គលិក និងសហគមន៍របស់យើងមានសុខភាពល្អភាពសកម្ម និងជីវិតដ៏ប្រសើរមួយ។
លោកបន្តថា ឆ្នាំនេះយើងមិនត្រឹមតែមានទំនួលខុសត្រូវខ្ពស់លើសុខសុវត្ថិភាពរបស់អ្នកចូលរួមដោយធ្វើយ៉ាងណាអនុវត្តឲ្យបានខ្ជាប់ខ្ជួននូវវិធានការសុខាភិបាលប៉ុណ្ណោះ ទេ ហើយថែមទាំងចូលរួមចំណែកជាមួយរាជរដ្ឋាភិបាលកម្ពុជាក្នុងការបើកប្រទេស និងសេដ្ឋកិច្ចសារជាថ្មីឡើងវិញ ដោយធ្វើការសហការយ៉ាងជិតស្និទជាមួយនឹងគណៈកម្មាធិការជាតិអូឡាំពិកកម្ពុជា៕
អត្ថបទ៖ វិសិទ្ធ
-
សន្តិសុខសង្គម១ ថ្ងៃ ago
ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល
-
ចរាចរណ៍១ សប្តាហ៍ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា៤ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៥ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ជីវិតកម្សាន្ដ៣ ថ្ងៃ ago
តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់
-
បច្ចេកវិទ្យា៥ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានជាតិ២ ថ្ងៃ ago
ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន
-
ជីវិតកម្សាន្ដ៥ ថ្ងៃ ago
ឆ្មា Taylor Swift ក្លាយជាសត្វចិញ្ចឹមមានទ្រព្យសម្បត្តិ៩៧លានដុល្លារ ក្នុងលំដាប់ទី៣លើលោក