កីឡា
វគ្គបណ្តុះបណ្តាលអាជ្ញាកណ្តាល ចៅក្រមប្រដាល់គុនខ្មែរ ដើម្បីកាត់បន្ថយកំហុសឆ្គងពេលបំពេញការងារ
ថ្ងៃនេះ សហព័ន្ធកីឡាប្រដាល់គុនខ្មែរ បានធ្វើការបណ្ដុះបណ្ដាលផ្នែកបច្ចេកទេស ដល់អាជ្ញាកណ្ដាលចៅក្រមប្រដាល់គុនខ្មែរ ដើម្បីកាត់បន្ថយកំហុសឆ្គងនៅក្នុងការបំពេញភារកិច្ចការងារកន្លងមក។
លោកឧត្តមសេនីយ៍ឯក តែម ម៉ឺន អគ្គលេខាធិការរងគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាប្រដាល់គុនខ្មែរ ដែលមានការចូលរួមពីលោកសាស្ត្រាចារ្យ ម៉ិល កាដូ អគ្គនាយករង នៃអគ្គនាយកដ្ឋានកីឡាតំណាងរបស់ក្រសួងអប់រំយុវជន និងកីឡា បានការបណ្ដុះបណ្ដាល មន្ត្រីបច្ចេកទេស អាជ្ញាកណ្ដាល ចៅក្រម កម្រិតមធ្យម នៅសាលប្រជុំក្នុងមជ្ឈ មណ្ឌលកីឡាកងយោធពលខេរភូមិន្ទ(ស្តាត ចាស់) រយៈពេល៤ថ្ងៃ ដោយចាប់ពីថ្ងៃទី ០៧ ដល់ថ្ងៃទី ១០ ខែធ្នូ ឆ្នាំ ២០២១ ។
លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានមានប្រសាសន៍ឲ្យដឹងថា ការបើកការបើកវគ្គនេះ គឺសំដៅពីបង្កើនសមត្ថភាពប្រសិទ្ធភាពដល់មន្ត្រីបច្ចេកទេស អាជ្ញាកណ្ដាលចៅក្រម ដើម្បីឱ្យយល់ដឹងច្បាស់លាស់ពីជំនាញនិងក្រមសីលធម៌ ដើម្បីកាត់បន្ថយនូវកំហុសឆ្គងឬក៏បញ្ហាប្រឈមនានាដែលកើតមាននៅក្នុងការអនុវត្តភារកិច្ចកន្លងមក។ លោកបានបញ្ជាក់ទៀតថា សិក្ខាកាមដែលជាអាជ្ញាកណ្ដាល ចៅក្រម ត្រូវមានឆន្ទៈក្នុងការបំពេញការងានៅលើសង្វៀនប្រកួតដាច់ខាតមិន មែនរៀនចប់ហើយ ប៉ុន្មានខែក្រោយមកបែរជាទទួលពិន័យរបស់សហព័ន្ធដោយការកាត់ក្តីមិនត្រូវត្រឹមនោះឡើយ។ សម្រាប់ការបំពេញការងារតាមស្ថានីយមិនមែនជាការជួលនោះឡើយ គឺជាការធ្វើការស្ម័គ្រចិត្ត មួយទៀតអាជ្ញាកណ្ដាល ចៅក្រមអញ្ជើញឲ្យមករៀនវគ្គអាជ្ញាកណ្ដាល ចៅក្រមមិនមករៀន ហើយចង់ធ្វើអាជ្ញាកណ្ដាល ចៅក្រមមិនអាចទៅរួច ដូច្នេះបើមិនមករៀន មិនអនុញ្ញាតឲ្យធ្វើអាជ្ញាកណ្ដាល ចៅក្រមតាមស្ថានីយ ឬឈប់រហូតតែម្តង។
បើតាមលោក និន ភិរម្យ អគ្គលេខាធិការរងសហព័ន្ធកីឡាគុនខ្មែរបានឲ្យដឹងថា វគ្គនេះមានសិក្ខាកាមចំនួន ២៥ រូប ដែលស្ថិតក្នុងកម្រិត មធ្យមទាំង ២៥ រូប ក្នុងនោះមានមួយរូបជានារី ក្រៅពីនោះជាអតីតកីឡាករប្រដាល់ល្បីៗ ។ លោកថា នេះជាវគ្គមធ្យមដែលការសិក្សាផ្ដោតសំខាន់ទៅលើបច្ចេកទេស និងក្រមសីលធម៌ ចំពោះអ្នកដែលបានឆ្លងវគ្គសិក្សានេះ បានទទួលវិញ្ញាបនបត្រដែលមានតម្លៃសម្រាប់ការចូលរួមបំពេញការងារក្នុងការប្រកួតប្រដាល់គុនខ្មែរ។ សូមបញ្ជាក់ថា វគ្គនេះឧទ្ទេសនាមដោយលោកវេជ្ជបណ្ឌិត ឆឹង យ៉ៅយ៉េន ដែលជាអនុប្រធានសហព័ន្ធកីឡាប្រដាល់គុនខ្មែរ និង ជាប្រធានសហព័ន្ធកីឡាប្រដាល់សកលកម្ពុជា លោក អ៉ិន ខេមរិន្ទ និង លោកមាស សុខគ្រី ៕
អត្ថបទ៖ វិសិទ្ធ
-
ព័ត៌មានអន្ដរជាតិ៦ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៦ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៤ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ចរាចរណ៍១ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានជាតិ៧ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៣ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៣ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?