កីឡា
NOCC លើកទឹកចិត្តឲ្យស្ត្រីចូលរួមក្នុងកីឡាឲ្យបានច្រើនដូចបុរស
ដោយសារតែបច្ចុប្បន្ន ការបើកទូលាយដល់ស្ត្រីក្នុងការចូលរួមក្នុងកីឡាកាន់ តែទូលំទូលាយនិងសារសំខាន់របស់ស្ត្រីក្នុងកីឡានោះហើយ ទើបគណៈកម្មាធិការជាតិអូឡាំពិកកម្ពុជា តែងតែរៀប ចំការបញ្ជ្រាបការផ្សព្វផ្សាយចលនាអូឡាំពិកដល់ស្ត្រី ដើម្បីឱ្យពួកគាត់ បានស្វែងយល់ពីសិទ្ធិក្នុងការចូលរួមកីឡា។ បន្ថែមពីនោះទៀត ការបានលើកទឹកចិត្តដល់ស្ត្រី ឱ្យយល់ដឹង និងកសាងជីវិតរបស់ពួកគាត់ ឱ្យមានគុណភាពតាមរយៈវិស័យកីឡា តាមរយៈការពង្រឹងចិត្តសាស្ត្រកីឡា ដើម្បីជួយជំរុញឱ្យស្ត្រីមានភាពក្លាហាន ក្នុងការផ្លាស់ប្តូរជីវិតរបស់គាត់។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) បានមាន ប្រសាសន៍បែបនេះ នៅក្នុងសិក្ខាសាលា ស្តីពីការអប់រំអូឡាំពិក និងសមភាពស្ត្រីក្នុងវិស័យកីឡា កាលពីថ្ងៃទី២០ ខែធ្នូ ឆ្នាំ២០២១នេះ ដោយលោកបានបញ្ជាក់ថា នេះជាវគ្គសិក្សាប្រចាំ ឆ្នាំមួយ ដើម្បីលើកទឹកចិត្តដល់ចលនាស្ត្រីក្នុងកីឡាឱ្យបានច្រើន ជាពិសេសគឺការផ្ទេរចំណេះ ដឹងទាក់ទងនឹងបំណិនជីវិតឱ្យស្ត្រីឱ្យមានភាពក្លាហាន និងចូលរួមក្នុងកីឡា ដោយស្ត្រីគឺជាផ្នែកសំខាន់មិនអាចខ្វះបានដូចបុរសដែរ។
លោកវ៉ា់ត់ ចំរើន បានឲ្យដឹងទៀតថា គណៈកម្មាធិការអូឡាំពិកអន្តរជាតិ (IOC) បានជំរុញឱ្យគណៈកម្មាធិការជាតិអូឡាំពិកនៃប្រទេសនីមួយៗ ជុំវិញពិភពលោក ធ្វើឲ្យមានសមភាពស្ត្រីដូចបុរសដែរ ជាពិសេសគឺគោលការណ៍អូឡាំពិកអន្តរជាតិ បំផុសឱ្យមានស្ត្រីដឹកនាំក្នុងវិស័យកីឡា ត្រូវបង្កើនឱ្យបាន ៣០% ចាប់តាំងពីឆ្នាំ ២០២០ មក។
លោកបន្តថា ចំពោះចំណុចសំខាន់មួយទៀត ក្នុងកម្មវិធីអប់រំអូឡាំពិក និងសមភាពស្ត្រីក្នុងកីឡានេះ ក៏យើងបានផ្ញើសារអំពីដំណើរឆ្ពោះ ទៅទទួលរៀបចំធ្វើជាម្ចាស់ផ្ទះការប្រកួតកីឡាស៊ីហ្គេម លើកទី៣២ និងការប្រកួតកីឡាជនពិការ អាស៊ានប៉ារ៉ាហ្គេម លើកទី១២ ឆ្នាំ ២០២៣ ជូនដល់ពួកគាត់ ដើម្បីឲ្យសិស្សានុសិស្ស បានចូលរួមគាំទ្រដល់ព្រឹត្តិការណ៍ជាប្រវត្តិសាស្ត្រ ជាលើក ដំបូងរបស់ព្រះរាជាណាចក្រកម្ពុជា ដោយបានលើកទឹកចិត្តឱ្យពួកគាត់ ចូលរួមក្នុងនាមជាអ្នកស្ម័គ្រចិត្ត ដែលព្រឹត្តិការណ៍នេះ ត្រូវការអ្នកស្ម័គ្រ ចិត្តជិត១ម៉ឺននាក់ ដែលអ្នកស្ម័គ្រចិត្តនេះគឺចេញ ពីសិស្ស-និស្សិតដែលជាកម្លាំងមិនអាចខ្វះបាន៕
ដោយ ៖ វិសិទ្ធ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ