កីឡា
ភូមិកីឡាដែលមាន១.៧០០បន្ទប់សាងសង់ទុកសម្រាប់ស៊ីហ្គេម ឆ្នាំ២០២៣
ភ្នំពេញ ៖ ការកសាងពហុកីឡដ្ឋានជាតិមរតកតេជោ នឹងបញ្ចប់នៅខែឧសភាឆ្នាំ២០២១ ហើយបន្ទាប់ពីនោះទៅអ្វីដែលសំខាន់សម្រាប់ស៊ីហ្គេមឆ្នាំ២០២៣ដែរនោះ គឺភូមិកីឡាដែលជាកន្លែងស្នាក់នៅដ៏មានផាសុកភាព និង សុវត្ថិភាពសម្រាប់កីឡាករ កីឡាការិនី ។ នេះបើតាមលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា។
លោកវ៉ាត់ ចំរើន មានប្រសាសន៍ថា ហេដ្ឋារច នាសម្ព័ន្ធទីលានប្រកួតកីឡាផ្សេងៗក្នុងពហុកីឡ ដ្ឋានជាតិមរតកតេជោជារឿងសំខាន់ ហើយគម្រោងដ៏សំខាន់មួយទៀតនោះ គឺភូមិកីឡា ឬ បុរីកីឡា(Sport Village) ដែលជាកន្លែងស្នាក់ នៅ ហូបចុករបស់កីឡាករ-កីឡាការិនី ក្នុងអម្លុង ពេលប្រកួតកីឡាស៊ីហ្គេម ឆ្នាំ២០២៣។
តាមការបញ្ជាក់របស់អគ្គលេខាធិការNOCC ថា គម្រោងសាងសង់ភូមិកីឡា ឬបុរីកីឡា គឺជាការសហការជាមួយក្រុមហ៊ុនឯកជនWorld Bridge Sport Villageដោយនៅក្នុងគម្រោងដែលមានសោភ័ណភាពនិងរចនាបថល្អគោរពទៅតាមបទដ្ឋាននិយាមនៃពហុកីឡដ្ឋានជាតិមរតកតេជោ ត្រូវសាងសង់លើផ្ទៃដីទំហំប្រមាណ ៨ហិកតា ស្ថិតនៅផ្នែកខាងក្រោយពហុកីឡដ្ឋានជាតិមរតកតេជោ។
លោកវ៉ាត់ ចំរើន បានលើកឡើងថា ភូមិកីឡាគឺ ជាកន្លែងស្នាក់នៅហូបចុករបស់កីឡាករកីឡាកា រិនីក្នុងពេលស៊ីហ្គេម ដែលអាចរក្សានូវសុវត្ថិភាព ការគ្រប់គ្រងជាដើម។ ភូមិកីឡានេះ ត្រូវបានរាជ រដ្ឋាភិបាលកម្ពុជាប្រគល់ឲ្យក្រុមហ៊ុន World Bridge Sport Villageដែលជាក្រុមហ៊ុនធ្លាប់មានស្នាដៃកសាងអគារខ្ពស់ៗក្នុងរាជធានីភ្នំពេញ។
តាមការឲ្យដឹងពីគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ឆ្នាំ ២០២៣(CAMSOC) ភូមិកីឡានេះ មានអគារស្នាក់នៅ វីឡាមួយចំនួនទៀត សម្រាប់មន្ត្រី អាជ្ញាកណ្តាល ចៅក្រម ដោយមានបន្ទប់ស្នាក់នៅជាង ១,៧០០បន្ទប់ ក្នុងនោះមានបន្ទប់ខ្លះមានគ្រែ១ រហូតដល់គ្រែ៥ដែលមានបំពាក់សម្ភារៈមួយចំនួននៅតាមបន្ទប់ផងដែរ ដើម្បីផ្តល់ផាសុកភាពជូនដល់កីឡាករ-កីឡាការិនី ដែលស្នាក់នៅក្នុងពេលស៊ីហ្គេម ដែលមានរយៈពេលប្រមាណ ១ខែ ដោយសារអត្តពលិកអន្តរជាតិ អាចមកមុនពេលស៊ីហ្គេមជាង១០ ថ្ងៃ និងក្រោយស៊ីហ្គេមពី២ទៅ៣ថ្ងៃ។
ក្នុងភូមិកីឡានេះ នឹងរៀបចំឲ្យមានសារមន្ទីរស៊ីហ្គេមដែលនឹងផ្ទុកវត្ថុអនុស្សាវរីយ៍ទាំងឡាយនៅ ក្នុងសារមន្ទីរស៊ីហ្គេម សម្រាប់ការសិក្សាស្រាវជ្រាវរបស់សិស្សានុសិស្ស និស្សិត ក៏ដូចជាមហាជនទូ ទៅជំនាន់ក្រោយៗ អាចស្វែងរកការស្រាវជ្រាវនៅទីនោះបាន។
ភូមិកីឡានេះ នឹងត្រូវប្រគល់ជូនCAMSOCនាចុងឆ្នាំ២០២២សម្រាប់ការរៀបចំប្រើប្រាស់ក្នុងស៊ីហ្គេម ឆ្នាំ២០២៣ ដែលតាមការគ្រោងទុក នឹងអាចមានអត្តពលិកប្រមាណ ៧.០០០នាក់ រួមទាំងប្រតិភូ មន្ត្រី គ្រូបង្វឹក ប្រមាណ ៣.០០០នាក់ទៀត សរុបប្រមាណ ១០.០០០នាក់ នៅក្នុងភូមិកីឡាតែមួយនេះ ដើម្បីងាយស្រួលក្នុងការគ្រប់ គ្រងថែរក្សាសុវត្ថិភាព ក៏ដូចជាអាចហូបចុកស្នាក់នៅជុំគ្នា ព្រមទាំងងាយស្រួលក្នុងការដឹកជញ្ជូនផងដែរ។
ព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម – SEA Games) លើកទី៣២ ដែលកម្ពុជាត្រៀមទទួលរៀបចំធ្វើជាម្ចាស់ផ្ទះនៅឆ្នាំ២០២៣ នឹងធ្វើឡើងនៅចន្លោះថ្ងៃទី០៥ ដល់ថ្ងៃទី១៦ ខែឧសភា ឆ្នាំ២០២៣៕
ដោយ ៖ វិសិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង